မှော်ကမ္ဘာမှသွေးမျိုးဆက်သခင်လေလင်

သိပ္ပံပညာရှင်တစ်ယောက် အမည်မသိမှော်ကမ္ဘာတစ်ခုထဲကို ဝိညာဉ်ကူးပြောင်းပြီး ပြန်လည်မွေးဖွားလာခဲ့ရင် ဘာတွေဖြစ်လာမလဲ? လေလင်ဆိုတဲ့ ထက်မြက်လွန်းတဲ့ ကမ္ဘာမြေက ပညာရှင်ဟာ ဆန်းကြယ်လှတဲ့ စုန်းကဝေတွေ စိုးမိုးရာ ကမ္ဘာသစ်ထဲကို ရောက်ရှိသွားတဲ့အခါ... တခြားသူတွေလို ပါရမီ သို့မဟုတ် ကံကြမ္မာကို အားကိုးမနေခဲ့ပါဘူး။ သူ့ရဲ့ ဦးနှောက်ထဲမှာ အတူပါလာတဲ့ ကမ္ဘာမြေရဲ့ အဆင့်မြင့်ဆုံး "AI Chip" (ဉာဏ်ရည်တုချစ်ပ်) ကို အသုံးပြုပြီး တွက်ချက်မှုတွေ၊ ခွဲခြမ်းစိတ်ဖြာမှုတွေနဲ့ပဲ ကမ္ဘာသစ်ကို ရင်ဆိုင်ဖို့ ဆုံးဖြတ်ခဲ့တဲ့အခါ.. ဒီကမ္ဘာမှာ မှော်ပညာဆိုတာ အပေါ်ယံ အလှအပတွေ မဟုတ်ဘူး။ သွေးအေးတဲ့ အန္တရာယ်တွေ၊ ရက်စက်တဲ့ လုပ်ကြံမှုတွေနဲ့ အချင်းချင်း လှည့်စားသတ်ဖြတ်မှုတွေ ပြည့်နှက်နေတဲ့ နေရာတစ်ခု။ "တရားမျှတမှု" နဲ့ "ကရုဏာ" ဆိုတာ သေလူတွေအတွက်ပဲ ဖြစ်တည်ပြီး၊ ရှင်သန်ခြင်းအတွက်ကတော့ "အာဏာ" နဲ့ "စွမ်းအား" ကသာ တစ်ခုတည်းသော အမှန်တရားဖြစ်ကြောင်း လေလင် ကောင်းကောင်းကြီး နားလည်ထားတယ်။ သူ့အမြင်မှာတော့ အစွမ်းထက်လှတဲ့ စုန်းကဝေပညာရပ်တွေဟာ စနစ်တကျ တွက်ချက်ရမယ့် သိပ္ပံပညာရပ်တစ်ခုသာ ဖြစ်ပြီး၊ ထူးဆန်းတဲ့ သွေးမျိုးဆက်တွေဟာလည်း အသုံးချရမယ့် ဓာတ်ခွဲခန်းထဲက ဆေးရည်တွေသာ ဖြစ်တယ်။ သူငယ်ချင်း သံယောဇဉ်တွေ၊ ရိုးအီနေတဲ့ ဇာတ်လိုက်မင်းသား အမူအရာတွေကို ဘေးဖယ်ထားလိုက်ပါ။ ကမ္ဘာမြေက သိပ္ပံပညာရှင်တစ်ယောက်က သူ့ရဲ့ အေးစက်လှတဲ့ နည်းပညာတွေ၊ ရက်စက်ပြီး ပြတ်သားတဲ့ အကွက်တွေနဲ့ မှော်ကမ္ဘာကြီးရဲ့ ထိပ်ဆုံးဆီကို ဘယ်လိုမျိုး တက်လှမ်းသွားမလဲဆိုတာ...။ ရှေးဟောင်း သွေးမျိုးဆက်တွေရဲ့ လျှို့ဝှက်ချက်၊ နတ်ဘုရားတွေကို စိန်ခေါ်မယ့် အစီအမံတွေနဲ့ ထာဝရအသက်ကို ရှာဖွေမယ့် လေလင်ရဲ့ သွေးအေးအကွက်ကျကျ ခရီးစဉ်ကြီးကို စတင်ခံစားလိုက်ရအောင်.....