ဆုတောင်းစနစ် နဲ့ ငါ၏မာယာဆုတောင်း

ကြမ္မာဆိုးတရားရဲ့ လှည့်ကွက်ကြောင့် မြို့ပြဝတ္ထုကမ္ဘာကြီးထဲမှာ "ဗီလိန်" အဖြစ် ဝင်စားခဲ့ရတဲ့ လင်းပေဖန်း... မူလဇာတ်ကြောင်းအတိုင်းဆိုရင် သူဟာ ဇာတ်လိုက် များ၏ ရိုက်နှပ်ကန်ကျောက်ခြင်း၊ မျက်နှာဖြတ်ရိုက်ခြင်းခံရပြီး အနိုင်ကျင့်ခံရကာ ဇာတ်သိမ်းမှာ အရူးထောင်ထဲရောက်ရမယ့် ကံကြမ္မာနိမ့်ပါးသည့် ဗီလိန်အသေးစားလေးတစ်ဦးဖြစ်‌ပေသည်။။ ဒါပေမဲ့ လင်းပေဖန်း မှာ တစ်နေ့ကို ဆုတောင်းတစ်ခု ပြည့်ဝစေနိုင်သည့် ဆုတောင်းစနစ် ပါရှိနေခဲ့သည်။ သူ့၏ ပါးနပ်လှသည့် ဉာဏ်နီဉာဏ်နက်များနှင့် စနစ် ကို အသုံးချပြီး ဇာတ်လိုက်မှန်သမျှကို တစ်ယောက်ပြီးတစ်ယောက် အပြတ်ရှင်းကာ ကမ္ဘာ့ဇာတ်ကြောင်းတစ်ခုလုံးကို ပြောင်းပြန်လှန်ပစ်ခဲ့‌ ပေသည်။ ဒီလိုနဲ့ ဇာတ်ကြောင်းတွေ ပရမ်းပတာဖြစ်ကုန်သဖြင့် ကောင်းကင်ဘုံ က ကိုယ်တိုင်ဝင်စွက်ဖက်ခဲ့ရပြီး ဇာတ်ကြောင်းကို အချိန်နောက်ပြန်လှည့် ကာ လင်းပေဖန်း ကို ကျိန်စာတစ်ခု တိုက်လိုက်ပါတော့သည်။ "မင်း ဘာဆုပဲတောင်းတောင်း... မင်းရဲ့ ရန်သူ/ဇာတ်လိုက်တွေက အဲဒီဆုရဲ့ အကျိုးကျေးဇူးကို နှစ်ဆ ရရှိစေရမယ်" စနစ်ရဲ့ ရည်ရွယ်ချက်ကတော့ ဇာတ်လိုက်တွေကို နှစ်ဆ ပိုသန်မာလာစေပြီး လင်းပေဖန်း ကို နင်းခြေ‌ ချေမှုန်းပစ်ရန်ဖြစ်သည်။ ဒါပေမဲ့ လင်းပေဖန်း ကတော့ ပြုံးလိုက်ရင်း "ဒီလောက်လေးနဲ့ ငါ့ကို တားနိုင်မယ် ထင်နေတာလား" စနစ်ရဲ့ ဟာကွက်နဲ့ ကျိန်စာရဲ့ သဘောတရားကို ပါးနပ်စွာ အသုံးချပြီး လင်းပေဖန်း တစ်ယောက် ဇာတ်လိုက်တွေကို နည်းမျိုးစုံနဲ့ စတင်ပညာပေးပါတော့သည်။ * "ငါ့ကို ပေါင် ၁၂၀ အလေးချိန်ရှိတဲ့ အလှပဂေးလေးက ဖက်ထားပါစေလို့ ဆုတောင်းတယ်" ရလဒ် - ဇာတ်လိုက်ကို ပေါင် ၂၄၀ လောက်ရှိတဲ့ ကောင်မလေးက ဖိကြိတ်လိုက်လို့ စာရွက်ပုံစံ ပြားကပ်သွားတော့သည်...*