ဗီလိန် - မင်းအမေတော့ ဆူတော့မှာပဲ

မူဟန်တစ်ယောက် သူ့ကိုယ်သူ မွန်မြတ်လှသည့် ဆွေကြီးမျိုးကြီးထဲတွင် မွေးဖွားလာခဲ့ပြီဟု ထင်မှတ်ထားခဲ့သော်ငြား၊ တကယ့်လက်တွေ့တွင်မူ သူ့ကို ပေးအပ်ထားသည့် ဇာတ်ရုပ်မှာ 'ဗီလိန်' တစ်ဦးသာ ဖြစ်နေခဲ့ချေ၏။ ​ဇာတ်လိုက်ဖြစ်သူတွင် နုပျိုလှပဆဲဖြစ်သော မိခင်တစ်ဦးနှင့် ချောမောပြေပြစ်လှသည့် အစ်မခုနစ်ဦးရှိလေသည်။ ယခုလောလောဆယ်တွင် ထိုဇာတ်လိုက်သည် တောင်ပေါ်၌ ပညာဆည်းပူးနေဆဲဖြစ်ကာ၊ မူဟန့်အပေါ် အညှိုးအတေးရှိသဖြင့် ကလဲ့စားချေရန် ဓားသွေးနေလျက်ရှိ၏။ ​မူဟန့်၏ တည်ရှိမှုမှာ သခင်လေးပါးရိုက် ဇာတ်ကွက်အတွက် ဇာတ်လိုက်ဖြစ်သူ အစွမ်းပြကာ အထက်သို့ တက်မည့် ခြေနင်းတုံးသက်သက်မျှသာ ဖြစ်နေခဲ့ရလေသည်။ ​ထိုအသိကြောင့် သူ အနည်းငယ်တော့ ထိတ်လန့်သွားမိသည်။ ​သို့သော်လည်း ကံကောင်းထောက်မစွာပင် မူဟန်သည် စနစ် တစ်ခုနှင့် ချိတ်ဆက်မိသွားခဲ့၏။ ထိုစနစ်၏ လုပ်ဆောင်ချက်မှာ အဓိကဇာတ်လိုက် (မင်းသား)နှင့် အမျိုးသမီးဇာတ်လိုက် (မင်းသမီး) တို့မှလွဲ၍ ကျန်ရှိနေသော ဇာတ်ကောင်အားလုံးထံသို့ စနစ်ခွဲ များ ပေးကာ တာဝန်များ (မစ်ရှင်) ချမှတ်ပေးနိုင်ခြင်းပင် ဖြစ်ပေသည်။ ​အခြားဇာတ်ကောင်များအနေဖြင့် ချမှတ်ထားသော တာဝန်များကို ပြီးမြောက်အောင်မြင်ပါက ဆုလာဘ်အမျိုးမျိုးကို ရရှိနိုင်မည်ဖြစ်ပြီး၊ မူဟန်ကမူ ထိုဆုလာဘ်များ၏ အဆပေါင်းများစွာကို ပြန်လည်ခံစားရမည်ဖြစ်သည်။ ​မူဟန်သည် ဤစနစ်ကို အသုံးချရမည့် နည်းလမ်းကို သဘောပေါက်သွားလေတော့သည်။ ​"ဇာတ်လိုက်မှအပ ကျန်တဲ့သူအားလုံးက ငါ့လူတွေချည်းပဲ…မင်းသမီးကို တာဝန်ပေးလို့မရဘူးလား... ပြဿနာမရှိဘူးလေ…သူ့ရဲ့ သူငယ်ချင်းတွေနဲ့ မိသားစုဝင်တွေကို အသုံးချပြီး ခြယ်လှယ်ခိုင်းလို့ရတာပဲ" သို့နှင့် ဇာတ်လိုက်များ၏ ကံကြမ္မာမှာ... "တောင်ပေါ်မှဆင်းလာသော သိုင်းသခင်" ဇာတ်လမ်းမှ ဇာတ်လိုက်ဖြစ်သူက ငိုယိုကာ ညည်းတွားရတော့သည်။ "မေမေ... သားက မေမေ့ရဲ့ သားအရင်းလေ၊ ဘာဖြစ်လို့ မူဟန့်ဘက်ကိုချည်းပဲ အမြဲတမ်း ပါနေရတာလဲဗျာ..." "ပြန်လည်မွေးဖွားလာသော စစ်သည်တော်" ဇာတ်လမ်းမှ ဇာတ်လိုက်ဖြစ်သူကလည်း - "ယောက္ခမကြီးတို့... ကျွန်တော့်မိန်းမ ဖောက်ပြန်နေတယ်လို့ ထင်တယ်ဗျ..." ယောက္ခမများက - "မဟုတ်တာ လုံးဝမဟုတ်ရပါဘူးကွယ်… ငါတို့သမီးက အဲဒီလိုမိန်းမစားမျိုး… မဟုတ်ပါဘူး" "ဂန္ထဝင်သမားတော်" ဇာတ်လိုက်ဖြစ်သူမှာလည်း "ငါက တကယ်ပဲ ဆေးပညာမတတ်တဲ့ သမားတော်ယောင်ဆောင်တစ်ယောက်များလာဒါမှမဟုတ်ရင် ဘာလို့ လူတိုင်းကို ဆေးကုပေးတိုင်း ငါအမြဲတမ်း ကျရှုံးနေရတာလဲ…”