ကောက်ကျစ်တဲ့ဗီလိန်

ဇာတ်ညွန်း: "ကဲ…အခု မင်းရဲ့ ရွေးချယ်မှုပဲ... မင်းရဲ့ မိသားစုအသက်ကို ရွေးမလား... ဒါမှမဟုတ် မင်းရဲ့ ချစ်သူအသက်ကို ရွေးမလား” ​[ကောက်ကျစ်ဉာဏ်များသောလှည့်ကွက်ပေါင်းများစွာ + မောက်မာခြင်း + စနစ် + ရက်စက်ကြမ်းကြုတ်ခြင်း+ဟာရမ်] ကြေးစားစစ်သားတစ်ယောက်ဖြစ်သော ​တီကျွယ်တျန်းသည် အမတ နယ်မြေအတွင်းရှိ တီမိသားစု၏ နတ်ဘုရားသားတော် ဖြစ်လာရန်အတွက် ကမ္ဘာကူးပြောင်းခြင်းကို ခံလိုက်ရသည်... သူ၏ ရာထူးမှာ ကောင်းကင်ဘုံမှ စစ်မှန်သော နဂါးတစ်ကောင်ကဲ့သို့ပင် မြင့်မြတ်လွန်းလှသည်... ဤဘဝတွင် သူသည် အရာရာကို အောင်မြင်ပြီး ကောင်းကင်ကိုပင် ကျော်နင်းနိုင်သူ ဖြစ်လိမ့်မည်ဟု သူ ထင်မှတ်ခဲ့မိသည်... ​ခေတ်အဆက်ဆက်ကို လွှမ်းမိုးထားမည့် ဇာတ်လိုက် တစ်ယောက် ဖြစ်လာမည်ဟု ယုံကြည်နေချိန်တွင်... "ဗီလိန်စနစ်ကို အောင်မြင်စွာ တင်သွင်းပြီးပါပြီ" ဟူသော စကားသံက တီကျွယ်တျန်း၏ အိပ်မက်များကို အပိုင်းပိုင်း အစအစ ကြေမွသွားစေခဲ့သည်… “ကဲ ဗီလိန်ဆိုတော့ လည်း ဗီလိန်ပေါ့ “ ​ထိုအချိန်တွင် သူသည် ကံကြမ္မာ၏ သားတော်နှင့် သူ့ နောက်သို့ လိုက်ပါနေသော ဇာတ်လိုက်မနှင့် ရင်ဆိုင်နေရသည်... ကံကြမ္မာ၏ သားတော်၏ မျက်နှာပေါ်တွင် ပေါ်လွင်နေသော ထောင်လွှားသည့် အပြုံးကို ကြည့်ရင်း တီကျွယ်တျန်းမှာ ရယ်မောလိုက်သည်... ​"မင်း ဗီလိန်တစ်ယောက်ကို စော်ကားမိတဲ့ အကျိုးဆက်ကို ငါ ပြပေးမယ်..." ​"မင်းရဲ့နောက်က မျိုးနွယ်စုတွေကို ငါ ဖျက်ဆီးပစ်မယ်... မင်းရဲ့ မိသားစုကိုလည်း ဖမ်းဆီးချုပ်နှောင်ထားလိုက်မယ်..." ​"မင်း သူမကို ချစ်တယ် မဟုတ်လား..." ​"မင်းက ကံကြမ္မာရဲ့ သားတော် မဟုတ်လား..." ​"ဒူးထောက်လိုက်စမ်း..." ​"အခု မင်းရဲ့ ရွေးချယ်မှုပဲ... မင်းရဲ့ မိသားစုကို ရွေးမလား... ဒါမှမဟုတ် မင်းရဲ့ ချစ်သူ ကို ရွေးမလား..."