One Piece - ပင်လယ်ပြင်ရဲ့ ကောင်းချီးပေးမှုခံရသော အသန်မာဆုံး ဓားသမား

"သင်ဟာ သင့်ကမ္ဘာမှာ သေဆုံးသွားပြီးနောက်... လောကကြီးရဲ့ မျက်နှာသာပေးခံရတဲ့ သူတစ်ယောက်အဖြစ် One Piece ကမ္ဘာထဲကို ပြန်လည်မွေးဖွားလာခဲ့ရင် ဘာဆက်လုပ်မလဲ?" 'အယ်လ်' (El) လို့ခေါ်တဲ့ ကလေးငယ်လေးမှာတော့ ရိုးရှင်းတဲ့ အဖြေတစ်ခုပဲ ရှိပါတယ်။ အဲဒါကတော့ "ကမ္ဘာ့သမိုင်းတလျှောက် အသန်မာဆုံး ဓားသမား ဖြစ်လာဖို့နဲ့ ပင်လယ်ပြင်မှာ အလွတ်လပ်ဆုံး လူတစ်ယောက်အဖြစ် ရှင်သန်ဖို့" ပါပဲ။ လောကကြီးရဲ့ မျက်နှာသာပေးမှုကို အပြည့်အဝရထားတဲ့ အယ်လ် ဟာ သာမန်ကူးပြောင်းလာသူ မဟုတ်ပါဘူး။ မွေးရာပါ အာရုံခံ ဟာကီ (Observation Haki) က ကျွန်းတစ်ကျွန်းလုံးကို လွှမ်းခြုံနိုင်ပြီး၊ ဇီဝကမ္မထိန်းချုပ်ခြင်း စွမ်းရည်က သူ့ခန္ဓာကိုယ်ကို အမြင့်ဆုံးအထိ ထိန်းချုပ်နိုင်စေပါတယ်။ ဒါ့အပြင် အရာခပ်သိမ်းရဲ့ အသက်ရှူသံ (Breath Of All Things) ကို ငယ်စဉ်ကတည်းက နားလည်ထားတဲ့ သူဟာ အသက် ၈ နှစ်သားအရွယ်မှာတင် သံမဏိကို ခုတ်ပိုင်းနိုင်ပြီး လေခွဲဓားချက်ကိုပါ သုံးနိုင်တဲ့ တကယ့် ဓားဆရာ (Master Swordsman) တစ်ယောက် ဖြစ်နေပါပြီ။ ပင်လယ်ပြင်ကို စတင်စွန့်စားတဲ့အခါမှာတော့ အယ်လ်ဟာ ရေတပ်ထဲဝင်ဖို့၊ ဒါမှမဟုတ် တော်လှန်ရေးတပ်ထဲ ဝင်ဖို့ စိတ်မကူးပါဘူး။ သူ့ရဲ့ ပထမဆုံး ခြေလှမ်းကတော့ အရှေ့ဘက်ပင်လယ်က နာမည်ကြီး ဓားပြတွေကို နှိမ်နင်းမယ့် ဆုကြေးစားမုဆိုး ဘဝပါပဲ။ သူ့ရဲ့ ခရီးစဉ်မှာ အနာဂတ်ရဲ့ နာမည်ကျော် သူခိုးမလေး ကာရီနာ၊ အနာဂတ် ကောက်ရိုးဦးထုပ်အဖွဲ့ရဲ့ ရေကြောင်းပြမလေး နာမီ နဲ့အတူ၊ မတော်တဆမှုကြောင့် သေဆုံးရမယ့် ကံကြမ္မာဆိုးကနေ လွတ်မြောက်လာတဲ့ ဓားနတ်ဘုရားရဲ့ မျိုးဆက် ကုအီနာ တို့ပါ ပါဝင်လာတဲ့အခါ... အသက် ၁၀ နှစ်တောင် မပြည့်သေးတဲ့ ကလေးလေးယောက် ပါဝင်တဲ့ "ဆုကြေးစားမုဆိုး ကလေးလေးယောက်" အဖွဲ့ဟာ အရှေ့ဘက်ပင်လယ်တစ်ခုလုံးကို ဘယ်လိုမျိုး ကိုင်လှုပ်သွားမလဲ? အယ်လ် ရဲ့ အန္တိမ ရည်မှန်းချက်ဖြစ်တဲ့ "သိမ်းငှက်မျက်လုံး မီဟော့ခ်" ကို အနိုင်ယူဖို့ဆိုတဲ့ လမ်းခရီးမှာ ဘယ်လို စိတ်လှုပ်ရှားစရာတွေ စောင့်ကြိုနေမလဲ? ဒီဇာတ်လမ်းရဲ့ အချိန်ကာလဟာ မူရင်း One Piece ဇာတ်လမ်းစတင်ချိန် (လူဖီ (Luffy) အသက် ၁၇ နှစ်အရွယ်ဖြင့် ပင်လယ်ထဲ စတင်ထွက်ခွာချိန်) ထက် (၁၀) နှစ်ခန့် စောပါသေးတယ်။ အခုအချိန်မှာ ဇာတ်လိုက်ဖြစ်သူ အယ်လ်၊ နာမီ နဲ့ ကာရီနာ တို့က အသက် (၈) နှစ်အရွယ်သာ ရှိသေးပြီး၊ ဇိုရို နဲ့ ကုအီနာ တို့က (၉) နှစ် ဝန်းကျင်ပဲ ရှိပါသေးတယ်။ အနာဂတ်ရဲ့ နာမည်ကျော် ဇာတ်ကောင်တွေ ငယ်ဘဝမှာကတည်းက အယ်လ် နဲ့ ဘယ်လို ကြိုတင်ဆုံတွေ့ပြီး ကံကြမ္မာ အပြောင်းအလဲတွေ ဖြစ်သွားမလဲဆိုတာကို စိတ်ဝင်စားဖွယ် ဖတ်ရှုရမယ့် ဇာတ်လမ်းကောင်း တစ်ပုဒ်ပဲ ဖြစ်ပါတယ်။ One Piece ကြိုက်နှစ်သက်သူများအတွက်လည်း လုံးဝကို မူရင်းဇာတ်လမ်းကဇာတ်ကောင်တွေကို တခြားပုံစံတစ်မျိုးနဲ့မြင်တွေ့ရမှာဖြစ်လို့ လုံးဝမလွတ်တမ်းဖတ်ရှုသင့်တဲ့ ဇာတ်လမ်းကောင်းတစ်ပုဒ်လည်းဖြစ်ပါတယ်