One Piece - လျှို့ဝှက်ဆန်းကြယ် ဘလိုင်းဘောက်စ် စနစ်

One Piece : Blindbox Merchant System ပင်လယ်ဓားပြခေတ်ကြီးထဲကို ကူးပြောင်းရောက်ရှိသွားပေမဲ့ သူက ပင်လယ်ဓားပြတစ်ယောက် မဟုတ်ပါဘူး။ သူ့မှာ လူတွေရဲ့ ကံကြမ္မာကို ပြောင်းလဲပစ်နိုင်တဲ့ လျှို့ဝှက်ဆန်းကြယ် ကုန်သည်စနစ်တစ်ခု ပါလာခဲ့တယ်။ လူဖီ ပင်လယ်ပြင်ကို မထွက်ခွာခင် နှစ်နှစ်အလို အရှေ့ပင်လယ်ပြာမှာ တောက်ရွှမ် ရုတ်တရက် ပေါ်လာခဲ့တယ်။ သူရောင်းချတဲ့ ပစ္စည်းက တစ်မျိုးတည်းသာ ဖြစ်ပြီး အဲဒါကတော့ ဘလိုင်းဘောက်စ် တွေပဲ ဖြစ်တယ်။ ဒီသေတ္တာတွေထဲမှာ ဘာပါလဲဆိုတာ တောက်ရွှမ်ကိုယ်တိုင်တောင် မသိပါဘူး။ ဒါပေမဲ့ အဲဒီ မသိနိုင်တဲ့ လျှို့ဝှက်ချက်ကပဲ ဘလိုင်းဘောက်စ်တွေရဲ့ အကြီးမားဆုံး ဆွဲဆောင်မှုပါပဲ။ အားလောင်ရဲ့ ဖိနှိပ်မှုအောက်မှာ ငိုကြွေးနေရတဲ့ နာမီက ကာမန်းရိုက်ဒါ ကူဂါ အဖြစ် အသွင်ပြောင်းပြီး ရန်သူတွေကို ချေမှုန်းပစ်မယ်ဆိုရင်ရော။ ရေတပ်သူရဲကောင်းကြီး ဂါ့ပ်က ဘလိုင်းဘောက်စ်ထဲကနေ ပိုကီမွန်ထဲက စကွတ်တယ်လေးနဲ့ ဆန်ဇုပဲစေ့ကို ရသွားပြီး ဧကရာဇ် လေးပါးကို အေးဆေးယှဉ်နိုင်တဲ့ ခွန်အားတွေ ပြန်ရလာမယ်ဆိုရင်ရော။ ပင်လယ်ဓားပြကမ္ဘာက ပင်လယ်ဓားပြတွေက နာရူတိုထဲက နင်ဂါဂျုစုတွေ ထုတ်သုံးလာတဲ့အခါ။ အိုမင်းမစွမ်းဖြစ်နေတဲ့ အဖြူရောင်မုတ်ဆိတ်ကြီးက သူ့ရဲ့ အသန်မာဆုံး အရွယ်ကို ပြန်ရောက်သွားတဲ့အခါ။ ဒီကမ္ဘာကြီးရဲ့ ကံကြမ္မာက လုံးဝ ဇောက်ထိုးမိုးမျှော် ဖြစ်သွားပါတော့တယ်။ ဒါပေမဲ့ ဒီလျှို့ဝှက်ဆန်းကြယ် ကုန်သည်သင်္ဘောရဲ့ ခရီးစဉ်က ဂရန်းလိုင်းမှာတင် အဆုံးသတ်သွားမှာ မဟုတ်ပါဘူး။ ဝမ်းပိစ်ကမ္ဘာကြီးကို ကပြောင်းကပြန် လုပ်ပစ်ပြီးနောက်မှာတော့ နာရူတို နင်ဂျာကမ္ဘာဆီကို ခရီးဆက်ပါတော့တယ်။ နင်ဂျာကမ္ဘာအပြင် မာဗယ်နဲ့ အခြားသော စကြဝဠာတွေက စွမ်းအားတွေကလည်း ဘလိုင်းဘောက်စ်တွေထဲမှာ အသင့်စောင့်ကြိုနေပါတယ်။ သင့်ရဲ့ ကံကြမ္မာကို ပြောင်းလဲချင်သလား။ ပြိုင်ဘက်ကင်း စွမ်းအားတွေကို လိုချင်သလား။ သင့်ဆီမှာ ဘယ်ရီငွေတွေ အလုံအလောက် ရှိနေဖို့ပဲ လိုပါတယ်။ ဘလိုင်းဘောက်စ်တွေကို လာဖွင့်လှည့်ပါ။ ဒါပေမဲ့ သတိထားပါ... အရာအားလုံးက သင့်ရဲ့ ကံတရားအပေါ်မှာပဲ လုံးဝ မူတည်နေတယ်ဆိုတာကိုပေါ့။