Soul Land II - ‌ဝိညာဉ်ကုန်းမြေမှ ကောင်းကင်ဘုံသို့ စစ်ပြိုင်သူ

ဒိုလော်ကုန်းမြေတွင် ယောင်လောင်၏ တပည့်ဖြစ်လာပြီး ဒိုချီနှင့် ဝိညာဉ်စွမ်းအားကို ပူးတွဲကျင့်ကြံခြင်း ဒိုလော်ကုန်းမြေနှင့် ဒိုချီတိုက်ကြီးတို့၏ အမိုက်စား မဟာပေါင်းစပ်မှုကြီးတစ်ခုကို ရင်ခုန်စိတ်လှုပ်ရှားစွာ ဖတ်ရှုချင်ကြသည့် စာဖတ်သူတို့အတွက် လုံးဝ လက်လွှတ်မခံသင့်သော ထိပ်တန်းဝတ္ထုကောင်းတစ်ပုဒ် ရောက်ရှိလာပါပြီရှင်။ လင်းရှောင်သည် ထန်ဆန်းခေတ်ပြီးနောက် အနှစ်တစ်သောင်းအကြာ ဒိုလော်ကုန်းမြေသို့ ဝိညာဉ်ပြန်လည်ဝင်စားလာခဲ့သူ ဖြစ်၏။ ထန်ဆန်း၏ လက်ချက်ကြောင့် သာမန်အရပ်သားများ သိုင်းဝိညာဉ်နိုးထရန်ပင် ရွှေဝိညာဉ်ဒင်္ဂါး ပေးနေရသည့် ခေတ်ပျက်ကြီးထဲ၌ လင်းရှောင်တစ်ယောက် ရှိသမျှ မိသားစုပိုင်ဆိုင်မှုအားလုံးကို ထုခွဲရောင်းချပြီးမှသာ သိုင်းဝိညာဉ် နိုးထခွင့်ရခဲ့သည်။ သူ့လက်ထဲတွင် ကျန်ရစ်ခဲ့သည်ဆို၍ မိခင်ဖြစ်သူ မကွယ်လွန်မီ ချန်ထားခဲ့သော ရိုးရှင်းသည့် ရှေးဟောင်းလက်စွပ်အနက်ရောင်လေး တစ်ကွင်းသာ ရှိတော့သည်။ သို့သော် မထင်မှတ်ထားစွာပင် ထိုလက်စွပ်လေးမှာ ဒိုချီတိုက်ကြီး၏ အဓိကဇာတ်လိုက် ရှောင်ယန်၏ ဆရာ အဂ္ဂိရတ်ထိပ်သီး ဆရာကြီး ယောင်လောင် ခိုအောင်းနေသော လက်စွပ်ဖြစ်နေသည့်အခါတွင်မူ အရာအားလုံး ပြောင်းလဲသွားတော့သည်။ လင်းရှောင်သည် ယောင်လောင်ကို ဆရာတင်၍ ကောင်းကင်မီးတောက်များကို ဝါးမျိုကာ ဒိုဧကရာဇ်အဆင့်အထိ ဆင့်ကဲတက်လှမ်းနိုင်မည့် မီးတောက်ကျင့်စဉ်နှင့် ပါကျီးပုန်သိုင်းကွက်တို့ကို သင်ယူခဲ့သည်။ အရိုးဖြူအေးခဲမီးတောက်၏ အနှစ်သာရဖြင့် မျိုးဗီဇပြောင်းလဲထားသော မီးသိုင်းဝိညာဉ်နှင့် အမှောင်သဘာဝ ခန္ဓာကိုယ်သိုင်းဝိညာဉ်ဟူသည့် အမွှာသိုင်းဝိညာဉ်ကို ပိုင်ဆိုင်ထားသော လင်းရှောင်သည် မလိုအပ်သည့် ဝိညာဉ်ကွင်းများကိုပါ ဒိုချီအဖြစ် သန့်စင်ပြောင်းလဲရင်း ဒိုလော်ကုန်းမြေ၏ အခင်းအကျင်းတစ်ခုလုံးကို အမြစ်မှနေ၍ ဆွဲလှန်ပြောင်းလဲပစ်တော့မည် ဖြစ်သည်။ သူသည် မူလဇာတ်လိုက် ဟော့ယွီဟောက်ထံ ရောက်ရှိလာမည့် သန့်ရှင်းသော မရဏမှော်ဆရာ ယီလိုင်ခဲစစ်၏ အကြွင်းအကျန်ဝိညာဉ်ကို ယောင်လောင်၏ အကူအညီဖြင့် လက်ဦးမှုယူကာ ကြားဖြတ်လုယူခဲ့သည်။ ယခုအခါ လင်းရှောင်၏ လက်စွပ်ထဲတွင် ယောင်လောင်နှင့် ယီလိုင်ခဲစစ်ဟူသော ထိပ်သီးဝိညာဉ်သခင်ကြီး နှစ်ဦးတိုင်တိုင် ရှိနေပြီး၊ သူတို့နှစ်ဦး ပူးပေါင်းဖန်တီးထားသည့် ဝိညာဉ်လွှာပညာရပ်ဖြင့် မြောက်ဘက်အစွန်အဖျားဒေသမှ ရေခဲဧကရာဇ်ကိုပါ သူ၏ ပထမဆုံးသော နှစ်လေးသိန်း အနီရောင် ဝိညာဉ်လွှာနှင့် ကိုယ်ထည်ပိုင်း ဝိညာဉ်အရိုးအဖြစ် သိမ်းသွင်းခဲ့ပြီးဖြစ်သည်။ ထို့အပြင် လင်းရှောင်၏ သန့်စင်သော ဒိုချီစွမ်းအင်နှင့် အဂ္ဂိရတ်ဆေးလုံးများကြောင့် ရှင်းတိုသစ်တောကြီး၏ ကံကောင်းခြင်းသားရဲ ဧကရာဇ်လေးက သူ့ကို အလွန်တရာ သဘောကျနေပြီး၊ ထန်ဆန်း၏ အကြံအစည်များ မစတင်မီမှာပင် သူမကို ရှောင်လင်အာဟူသော အမည်ပေး၍ အပိုင်ချုပ်ထားနိုင်ခဲ့သည်။ သားရဲနတ်ဘုရား တိထျန်းကိုယ်တိုင်ကပင် လင်းရှောင်၏ ဝိညာဉ်လွှာပညာရပ်ကို အသိအမှတ်ပြုကာ အသက်ဓာတ်ရွှေစင်နှင့် နှစ်နှစ်သောင်း နဂါးနက်ဝိညာဉ်လွှာတို့ကို လက်ဆောင်အဖြစ် ပေးအပ်ခဲ့ရသည်။ တစ်ဖက်တွင်လည်း သူတော်ကောင်းယောင်ဆောင်ကာ အမြဲတမ်း အထက်စီးမှ ဆက်ဆံတတ်သော ရှီးလိုင်ခဲကျောင်းတော်ကို လင်းရှောင်က အရိုးထဲထိ ရွံရှာမုန်းတီးလှသည်။ အမှောင်သဘာဝ မြင်သည်နှင့် မိစ္ဆာဝိညာဉ်ဆရာဟု စွပ်စွဲကာ လမ်းလာပိတ်သည့် ရှီးလိုင်ခဲ၏ အစ်မတော်ကြီး ကျန်းလဲ့ရွှမ်းကိုပင် ယောင်လောင်၏ အရိုးဖြူအေးခဲမီးတောက်ဖြင့် ပစ်ပေါက်၍ လက်မောင်းတစ်ဖက်လုံး မီးကျွမ်းသွားအောင် ပညာပေးခဲ့သေးသည်။ ထို့နောက် သူ၏ ခန္ဓာကိုယ်သိုင်းဝိညာဉ်နှင့် အကိုက်ညီဆုံးဖြစ်သော ပင်ထီဂိုဏ်းသို့ ဝင်ရောက်သွားပြီး ဂိုဏ်းချုပ် တူပုစစ်၏ တပည့်အဖြစ် အသက်ခုနစ်နှစ် မပြည့်မီမှာပင် အဆင့်လေးဆယ့်ရှစ်ရှိသည့် အစ်ကိုကြီး လုံအောက်ထျန်းကို ယှဉ်ပြိုင်အနိုင်ယူကာ ပင်ထီဂိုဏ်း၏ သူတော်စင်သားတော်အဖြစ် ရပ်တည်နိုင်ခဲ့သည်။ တစ်နေ့သောအခါ၌ ကောင်းကင်နှင့်မြေကြီးကို တုန်လှုပ်စေမည့် ဗုဒ္ဓအမျက် မီးကြာပန်းကြီးကို လက်ဖဝါးပေါ်တင်လျက် လင်းရှောင်တစ်ယောက် မဟာအင်အားစုကြီးများ၏ ရှေ့မှောက်သို့ ရောက်ရှိလာသည့်အခါဝယ်... ရှီးလိုင်ခဲကျောင်းတော် - "အကြီးအကဲများ... ကျေးဇူးပြုပြီး ပြန်လည်ရှင်သန်လာပြီး ကျွန်တော်တို့ကို ကယ်တင်ပေးပါဦး။" ဟော့ယွီဟောက် - "အဲဒီတုန်းကသာ သူ့စကားကို နားထောင်ပြီး သူနဲ့အတူ လိုက်သွားခဲ့မိရင်..." ထန်ဆန်းနှင့် ရှီးလိုင်ခဲတို့၏ အောက်တန်းကျသော ဟန်ဆောင်မှုများကို အားရပါးရ ဖော်ထုတ်ချေမှုန်းသည်ကို ကြည့်ချင်သူများ၊ ယောင်လောင်၊ ယီလိုင်ခဲစစ်နှင့် တူပုစစ်တို့ကဲ့သို့သော ထိပ်သီးဆရာကြီး သုံးဦး၏ ကျောထောက်နောက်ခံဖြင့် ဇာတ်လိုက်တစ်ယောက် အဆင့်ဆင့် တက်လှမ်းသွားပုံကို စိတ်လှုပ်ရှားစွာ ဖတ်ရှုချင်သူများအတွက် လုံးဝ လက်လွှတ်မခံဘဲ အခုပဲ လိုက်ပါဖတ်ရှုလိုက်ကြပါစို့။