ငါ့ရဲ့သိုင်းဝိညာဉ်က နတ်ဘုရားဘုရင်ထန်ဆန်း

၀ိညာဥ်ကုန်းမြေ ဆီ စိတ်ကူးမယဉ်ဖူးဘဲ ကူးပြောင်းရောက်ရှိလာခဲ့တဲ့ ရှောင်ယွမ်ဟာ စတင်ချိန်မှာတင် သိုင်းဝိညာဉ် သုံးခုကို နိုးထခွင့်ရရှိခဲ့သည်။ အဲဒါတွေကတော့ ငွေပြာမြက်၊ ဟောက်ထျန်းတူ အပြင်… တတိယမြောက် သိုင်းဝိညာဉ်ကတော့ နတ်ဘုရား ထန်ဆန်း ကိုယ်တိုင် ဖြစ်နေခဲ့သည်။ ရှောင်ယွမ်ဟာ နာမ်၀ိညာဥ်ထန်ဆန်းရဲ့ စိတ်ထဲက အတွေးတွေကိုပါ ကြားနိုင်ခဲ့ပြီး နာမ်၀ိညာဥ်ထန်ဆန်း က သူ့ခန္ဓာကိုယ်ကို လုယူချင်နေတယ်ဆိုတာကို သိလိုက်ရသည်။ ဒါပေမဲ့ ရှောင်ယွမ်ကတော့ နည်းနည်းမှ ထိတ်လန့်တုန်လှုပ်ခြင်း မရှိခဲ့ဘဲ အခွင့်အခါသာရင် နာမ်၀ိညာဥ်ထန်ဆန်းကို အလွယ်တကူ သုတ်သင်ရှင်းလင်းပစ်နိုင်သလို လက်ရှိမှာလည်း နှစ်ယောက်စလုံးဟာ တစ်ယောက်ကိုတစ်ယောက် အသုံးချဖို့ပဲ ပြင်ဆင်ထားကြသည်။ နာမ်၀ိညာဥ်ထန်ဆန်းက "ငွေပြာမြက်ဟာ သက်ရှိလမ်းစဉ်အတိုင်းပဲ သွားသင့်တယ်" လို့ လမ်းညွှန်တဲ့အခါ ရှောင်ယွမ်က "ကောင်းပြီလေ" လို့ အလိုက်သင့် ပြန်ဖြေခဲ့သည်။ နာမ်၀ိညာဥ်ထန်ဆန်းက "ငွေပြာမြက် ဧကရာဇ်ရဲ့ ညာဘက်ခြေထောက်အရိုးကို သွားစုပ်ယူစမ်း" လို့ ခိုင်းစေတဲ့အခါမှာလည်း ရှောင်ယွမ်က အံ့အားသင့်သလို ဟန်ဆောင်ပေးခဲ့သည်။ တစ်ဖန် နာမ်၀ိညာဥ်ထန်ဆန်းက "ရှောင်းဝူကို မင်းရဲ့အပိုင်ဖြစ်အောင် သွားသိမ်းပိုက်စမ်း၊ ဒီနတ်ဘုရားဘုရင်က မင်းကို တဆင့်ချင်းစီ သင်ပေးမယ်" လို့ မာန်ပါပါ ပြောလာတဲ့အခါမှာတော့ ရှောင်ယွမ်တစ်ယောက် ပိုပြီးတော့ပင် အံ့ဩသွားရပြန်သည်။ နောက်ဆုံးမှာတော့ နာမ်၀ိညာဥ်ထန်ဆန်းက "ငါ့အတွက် ဟိုဘက်က ထန်ဆန်းကို သွားသတ်ပေးစမ်း" လို့ ပြောလိုက်တဲ့အခါ ရှောင်ယွမ်တစ်ယောက် ရယ်ချင်စိတ်ကို မနည်းထိန်းလိုက်ရသည် .... နာမ်၀ိညာဥ်ထန်ဆန်း ၏လေ့ကျင့်သင်ကြားမှုအောက်မှာ ရှောင်ယွမ် တစ်ယောက် နတ်ဘုရားဖြစ်လာနိုင်ပါ့မလား.......