မသေမျိုးဖြစ်ပြီးပြိုင်ဘက်ကင်းသူကငါမဟုတ်ရင် ဘယ်သူလဲ

လုဝူယိုသည် အခြားကမ္ဘာတစ်ခုသို့ ကူးပြောင်းရောက်ရှိလာပြီး မသေမျိုးအဖြစ် ထာဝရအသက်ရှင်နိုင်သည့် စွမ်းရည်ကို ရရှိခဲ့သည်။ ထို့အပြင် နှစ်စဉ်နှစ်တိုင်း သူ၏ ကိုယ်ခန္ဓာကြံ့ခိုင်မှု... ဝိညာဉ်စွမ်းအားနှင့် အားအင်တို့အနက် မိမိစိတ်ကြိုက်တစ်ခုကို မြှင့်တင်နိုင်မည့် အမှတ်တစ်မှတ်ကိုလည်း အခမဲ့ရရှိခဲ့သည်။ သူ၏ မသေမျိုးဖြစ်လာရေးလမ်းစဉ်သည် ရှည်လျားကြမ်းတမ်းလှပြီး အန္တရာယ်မျိုးစုံနှင့် ပြည့်နှက်နေလေသည်။ ထို့ကြောင့် အရာရာကို သတိကြီးကြီးထားကာ ခြေလှမ်းတိုင်းကို ချင့်ချိန်လှမ်းခဲ့ရသည်။ လုဝူယိုက တစ်ခါက တွေးခဲ့ဖူးသည်။ “ငါ့ဘဝတစ်လျှောက်လုံး ရေခဲပါးပါးပေါ်မှာ လမ်းလျှောက်နေရသလို သတိကြီးကြီးနဲ့ အသက်ရှင်လာခဲ့ရတာ…ဒီလိုနဲ့ပဲ တစ်နေ့ကျရင် တစ်ဖက်ကမ်းကို ရောက်နိုင်ပါ့မလား” အသက်ရှင်ကျန်ရစ်ရေးအတွက် သတိကြီးစွာ နေထိုင်ခြင်းသည် သူရဲဘောကြောင်ခြင်းနှင့် မတူပေ။ သူ့ခံယူချက်က ရှင်းသည်။ မလှုပ်ရှားသင့်သည့်အချိန်တွင် လုံးဝမလှုပ်ရှားဘဲ နေရမည်။ လှုပ်ရှားပြီဆိုလျှင်တော့ ရန်သူကို အမြစ်ပြတ်ချေမှုန်းပစ်ရမည်။ နောင်တွင် ပြဿနာပြန်ပေါ်လာနိုင်မည့် အခွင့်အရေးကို လုံးဝမချန်ခဲ့ရပေ။ သူသည် အသက်ရှင်ကျန်ရစ်အောင် ကြိုးစားသူသာ ဖြစ်သည်။ သူရဲဘောကြောင်သူတစ်ဦး မဟုတ်ပေ။ ဒါ့ကြောင့် သူ့ကို လာမစမ်းသပ်ကြပါနှင့်။ မဟုတ်လျှင် သူ့အနေဖြင့် မျိုးဆက်ကိုးဆက်လုံး အမြစ်ပြတ်သုတ်သင်တယ်ဆိုတာ ဘာလဲဆိုတာ လက်တွေ့ပြသပေးရပေလိမ့်မည်။