ငါကဂိုဏ်းကို ဖျက်ဆီးချင်ရုံပါ - ဒါပေမဲ့ ငါ့တပည့်တွေက မြေခွေးလေးတွေချည်းပဲ

ဖန်ယွမ်သည် ကျင့်ကြံခြင်းကမ္ဘာသို့ ကူးပြောင်းလာပြီး ဂိုဏ်းတစ်ခု၏ ဂိုဏ်းချုပ်ဖြစ်လာခဲ့သည်။ ထို့ပြင် သူသည် "ဂိုဏ်းကို ဖျက်ဆီးပြီး သန်မာလာစေမည့် စနစ်" ကိုလည်း ရရှိခဲ့သည်။ ဂိုဏ်း၏ အခြေအနေ ပိုမိုဆိုးရွားပျက်စီးလေလေ၊ သူက ပိုမိုသန်မာလာလေလေဖြစ်ပြီး… နောက်ဆုံးတွင် အင်မော်တယ်အဆင့်သို့ ရောက်ရှိကာ တစ်လောကလုံးတွင် အနှိုင်းမဲ့အစွမ်းထက်သူ ဖြစ်လာပေမည်။ ထို့ကြောင့် ဖန်ယွမ်သည် အငြိမ်မနေဘဲ ဂိုဏ်းပျက်စီးမည့်လမ်းစဉ်များကို အစွမ်းကုန် စတင်လုပ်ဆောင်တော့သည်။ သူသည် မည်သည့်နေရာမှ အသုံးမကျသော တပည့်များကိုသာ ရွေးချယ်စုဆောင်းသည်၊ ဝိညာဉ်ကျောက်တုံးများကို ရေလိုသုံးဖြုန်းသည်၊ ဂိုဏ်း၏ စည်းမျဉ်းများကိုလည်း လျှောက်ပြောင်းခဲ့သည်... သို့သော် သူ လုံးဝမျှော်လင့်မထားသည်မှာ… ထိုတပည့်များက တစ်ယောက်ထက်တစ်ယောက် ပို၍ လျှို့ဝှက်ဆန်းကြယ်ကာ ဝှက်ဖဲများကိုယ်စီ အသီးသီးရှိနေကြခြင်းပင် ဖြစ်သည်။ ထို့ပြင် စနစ်ကလည်း သူ့ထံသို့ ပိုမိုများပြားသော ဂိုဏ်းရန်ပုံငွေများကိုသာ အဆက်မပြတ် ထောက်ပံ့ပေးနေခဲ့သည်။ သူ၏ဂိုဏ်းက တစ်နေ့ထက်တစ်နေ့ ပိုမိုကြီးကျယ်ခမ်းနားလာသည်ကို မြင်တွေ့ရပြီး၊ တစ်လောကလုံးကလည်း သူ့အား …. ခေတ်အဆက်ဆက်၏ နံပါတ်တစ် ဂိုဏ်းချုပ်… မဟာတာအိုလမ်းစဉ်၏ နံပါတ်တစ်ပုဂ္ဂိုလ်… ဖန်ဆင်းရှင် မသေမျိုးဧကရာဇ်…. ကောင်းကင်ဘုံ၏ ကရုဏာအရှင်သခင်…. ဟု ဝိုင်းဝန်းချီးမွမ်း ထောပနာပြုလာကြသောအခါ... ဖန်ယွမ်တစ်ယောက် လုံးဝကို စိတ်ပျက်အားလျော့သွားရရှာသည်။ သူသည် တကယ်ကို… တကယ်ကိုပဲ ဂိုဏ်းကို ဖျက်ဆီးပစ်ချင်ရုံလေးပါ …