ဧကရာဇ်မျိုးနွယ်စုရဲ့ဗီလိန်

ကံကြမ္မာဗီလိန်စနစ် ဝတ္ထုအကျဉ်းချုပ် စုချန်ရှောင်းသည် ကမ္ဘာမြေအမျိုးမျိုးသို့ ကူးပြောင်း ရောက်ရှိသွားခဲ့ပြီးနောက် ကံကြမ္မာဗီလိန်စနစ်ကို စတင်နိုင်ခဲ့သည်။ ဝူမျိုးနွယ်စုတွင် အချစ်ခံရဆုံးသော သားငယ်ရတနာ ဖြစ်သည့်အတွက် သူ၏ နောက်ခံအသိုင်းအဝိုင်းမှာ အလွန်တရာ ခြောက်ခြားဖွယ် ကောင်းလှသည်။ သူ့ဖခင်မှာ ဝူမျိုးနွယ်စု၏ မျိုးနွယ်စုခေါင်းဆောင် ဖြစ်ပြီး မိခင်ဖြစ်သူမှာ မဟာဧကရာဇ်၏ သမီးတော် ဖြစ်ကာ အစ်ကိုနှင့် အစ်မများမှာလည်း အတုမရှိ ထူးချွန်ထက်မြက်သည့် ပါရမီရှင်များ ဖြစ်ကြသည်။ ဘိုးဘေးနှင့် အဘိုးဖြစ်သူ နှစ်ဦးလုံးမှာလည်း ကြောက်မက်ဖွယ်ကောင်းသော မသေမျိုးနတ်ဧကရာဇ်အဆင့် ကျင့်စဉ်အာဏာကို ပိုင်ဆိုင်ထားကြသည်။ မျိုးနွယ်စုအတွင်း၌ ထိုသူတို့သည် စုချန်ရှောင်းကို မြေသို့ကျလျှင် ကွဲအံ့၊ လက်ထဲထားလျှင် အရည်ပျော်အံ့ကဲ့သို့ မင်းသားတစ်ပါးပမာ တန်ဖိုးထား ယုယကြသည်။ သို့သော် ပြီးပြည့်စုံသော ကနဦးအစကို ပိုင်ဆိုင်ထားသော်လည်း ဇာတ်လမ်းအစတွင် ရင်ဆိုင်ရသည့် အခြေအနေမှာ အလွန် ခက်ခဲလွန်းနေခဲ့သည်။ မူလခန္ဓာကိုယ်ပိုင်ရှင်သည် အောက်ကမ္ဘာတွင် ကျင့်ကြံခြင်း အတွေ့အကြုံ ယူနေစဉ်အတွင်း မတရား စွပ်စွဲခံရကာ ထိပ်တန်းအရိုးကို အလုခံရပြီး နတ်ဘုရားသွေးကိုလည်း အထုတ်ခံခဲ့ရသည်။ ဝေးကွာလှသော အထက်ကမ္ဘာတွင် သိမ်းဆည်းထားသည့် ဝိညာဉ်ကျောက်စာပြား အက်ကွဲလုနီးပါး ဖြစ်သွားသည့် အချိန်၌မူ... ဆွေမျိုးသားချင်း အားလုံး ရူးသွပ်ကုန်ကြတော့သည်။ အင်အားကြီးမားလှသော အနွယ်ဝင် အသီးသီးက အာမေဍိတ်သံများ ပြိုင်တူ ထွက်ပေါ်လာခဲ့သည်။ "ဘယ်သူကများ စုချန်ရှောင်းကို တိုက်ခိုက်ဝံ့ရတာလဲ... ဘာ... မင်းက ငါ့ကို အောက်ကမ္ဘာက နိမ့်ကျတဲ့ ပုရွက်ဆိတ်တစ်ကောင်လို့ ပြောနေတာလား" "သူတို့ ရူးနေကြပြီပဲ... ဒီအောက်တန်းစား ပုရွက်ဆိတ်တွေက ငါတို့ကို သတ်သေခိုင်းနေတာပဲ" စုဝူသောက် "မျိုးနွယ်စုရဲ့ စည်းမျဉ်းတွေကို ဂရုစိုက်မနေတော့ဘူး... ငါ့ကို အောက်ကမ္ဘာထဲ ဆင်းသက်တာ တားတဲ့သူမှန်သမျှ အကုန်လုံးရဲ့ မိသားစုကို သတ်ပစ်မယ်" ချန်ဝမ်ယွဲ့ "အကယ်၍ ရှောင်းအာ့သာ တစ်ခုခုဖြစ်သွားရင် မိခင်တစ်ယောက်အနေနဲ့ ငါလည်း အသက်ရှင်မနေတော့ဘူး" နယ်မြေအရှင်သခင် "ငါ့ရဲ့ ညီငယ်လေး ပြင်းထန်စွာ ဒဏ်ရာရသွားတယ်... အားလုံးပဲ မင်းတို့ရဲ့ အသက်တွေကို ငါ့ဆီ ပေးလှူလိုက်ကြစမ်း" ရှင်းဖုန်း ဧကရီ "ငါ့ရဲ့ မောင်ငယ်လေးကို ထိရဲတဲ့သူမှန်သမျှရဲ့ ဝိညာဉ်ကို ကမ္ဘာပတ်လုံး မီးတောက်တွေနဲ့ လောင်မြိုက်စေပြီး ဘယ်တော့မှ လူပြန်မဖြစ်နိုင်အောင် လုပ်ပစ်မယ်"