ပန်းမုဆိုး

ပွင့်ပွင့်လင်းလင်း ပြောရရင် ဒီစာအုပ်က တရားမျှတမှုကို အလေးထားတဲ့ ဂန္ထဝင်စာပေကြီး မဟုတ်ဘူး။ ဒါပေမဲ့ စာဖတ်သူ ယောက်ျားလေးတွေရဲ့ လျှို့ဝှက်ထားတဲ့ လိုအင်ဆန္ဒကို အပြည့်အဝ ဖြည့်ဆည်းပေးနိုင်တဲ့ စာအုပ်မျိုးပဲ။ ကိုယ်က လူဆိုးဇာတ်ကောင် နေရာကနေ ဝင်ပါမယ်။ နာမည်ကြီး မိန်းမလှတွေကို လှည့်စားမယ်။ နာမည်ကြီး သူရဲကောင်းတွေကို ခြေဖဝါးအောက် ရောက်အောင် ကစားမယ်။ ဒီလို ခပ်ရိုင်းရိုင်း တွေးဖူးတဲ့ စိတ်ကူးယဉ်မှုတွေကို စာရေးသူက အရှက်မရှိ ဖွင့်ချရေးပြထားတာ။ ဒါကြောင့်လည်း ဖတ်နေရင်း "ဒီကောင် တော်တော် ယုတ်မာတာပဲ" လို့ ပါးစပ်က ဆဲနေပေမဲ့၊ လက်က နောက်တစ်ခန်းကို အလိုလို ဆက်နှိပ်မိနေတာမျိုး။ ဇာတ်လမ်းအညွှန်း ခေတ်သစ်ကမ္ဘာမှ လူငယ်တစ်ယောက်သည် မတော်တဆမှုတစ်ခုကြောင့် သေဆုံးသွားပြီးနောက် ကျင်းယုံ ၏ သိုင်းဝတ္ထုကမ္ဘာများ ပေါင်းစည်းထားသော ကမ္ဘာတစ်ခုသို့ ရောက်ရှိသွားသည်။ ကံဆိုးသည်မှာ သူဝင်ရောက်ရမည့် ခန္ဓာကိုယ်ပိုင်ရှင်မှာ ဝူတန်ဂိုဏ်းမှ သစ္စာဖောက်၊ လူတိုင်း ရွံရှာမုန်းတီးကြသည့် "စုန့်ချင်းရှု" ဖြစ်နေခြင်းပင်။ မူရင်းဇာတ်လမ်းအရဆိုလျှင် စုန့်ချင်းရှုသည် အမျိုးသမီးတစ်ယောက်အတွက်ကြောင့် ဂိုဏ်းကိုသစ္စာဖောက်မည်၊ ဘဝပျက်မည်၊ နောက်ဆုံးတွင် သနားစရာကောင်းစွာ သေဆုံးရမည့် ဗီလိန်ဇာတ်ပို့သာ ဖြစ်သည်။ သို့သော် ကျင်းယုံ၏ဇာတ်လမ်းများကြောင့် အနာဂတ်ကို ကြိုသိနေသော ခေတ်သစ်ဝိညာဉ် ဝင်ရောက်လာသောအခါ ကံကြမ္မာဘီးသည် ပြောင်းပြန်လည်သွားတော့သည်။ ခေတ်သစ်ကမ္ဘာမှ ဗဟုသုတများနှင့် ဇာတ်လမ်းအသွားအလာကို ကြိုသိနေသူတစ်ယောက်အနေဖြင့်၊ သူသည် သေလမ်းကို ရှင်လမ်းဖောက်ကာ သမိုင်းကို ပြန်လည်ရေးသားတော့မည်။ ဒါသည် ဗီလိန်တစ်ယောက်၏ ရုန်းကန်ခြင်းမဟုတ်၊ လောကကို သိမ်းပိုက်မည့် အရှင်သခင်တစ်ပါး၏ မွေးဖွားခြင်းသာ ဖြစ်သည်။