‌ကောင်းကင်ဘုံက ဖော်ထုတ်လိုက်တဲ့ နတ်ဘုရား

ဝိညာဉ်စွမ်းအား၊ သိုင်းဝိညာဉ်နှင့် ဝိညာဉ်ကွင်းများ စိုးမိုးရာ ဒိုလော့တိုက်ကြီး ထဲသို့ ကူးပြောင်း ရောက်ရှိလာခဲ့သူ လင်းယွမ်... သူသည် ‘တပည့်မွေး၍ သန်မာလာစေသည့် စနစ်’ ကို ရရှိခဲ့ပါတယ်။ ဒီစနစ်ရဲ့ ထူးခြားချက်ကတော့ တပည့်တွေ သန်မာလေလေ၊ ဆရာဖြစ်သူ လင်းယွမ် က ပိုမိုကြီးမားတဲ့ ဆုလာဘ်နဲ့ စွမ်းအားတွေကို ရရှိလေလေဖြစ်တာပါပဲ။ ဒါကြောင့်မို့လို့ လင်းယွမ်ဟာ နာမည်ကြီးဂိုဏ်းတွေရဲ့ မင်းသမီးလေးတွေကိုသာ ပြန်ပေးဆွဲခေါ်ဆောင်ခဲ့ပြီး လျှို့ဝှက်ဆန်းကြယ်လှတဲ့ ‘ချန်းလန် အကယ်ဒမီ’ ကို တည်ထောင်ခဲ့ပါတယ်။ သူသည် အခြားသူများကဲ့သို့ အခြေခံမှစ၍ ခက်ခဲစွာ ကျင့်ကြံစရာ မလိုဘဲ စနစ်၏ ကူညီမှုဖြင့် ‘နတ်ဘုရားတစ်ဝက်’ အဆင့်သို့ တိတ်တဆိတ် ရောက်ရှိထားသူ ဖြစ်သည်။ သူ့ရဲ့ မူလရည်ရွယ်ချက်ကတော့ အေးဆေး ကျင့်ကြံပြီး နတ်ဘုရားအဆင့်ကို တက်လှမ်းဖို့နဲ့ သူ့ရဲ့ တပည့်တွေအားလုံးကိုလည်း နတ်ဘုရားတွေ ဖြစ်လာအောင် လေ့ကျင့်ပေးဖို့ပဲ ဖြစ်ပါတယ်။ လင်းယွမ်၏ ငြိမ်သက်နေသော ဘဝသည် ကောင်းကင်ယံ၌ အကန့်အသတ်မရှိသော ‘ကောင်းကင်ဘုံ အဆင့်သတ်မှတ်ချက် စာရင်း’ ပေါ်ထွက်လာသည့်အခါမှာတော့ စတင် လှုပ်ခါသွားခဲ့ရသည်။ [ကောင်းကင်ယံ မိုးကောင်းကင် ပေါ်ပေါက်လာပြီဖြစ်၍ စုပေါင်း သိုင်းဝိညာဉ် အဆင့်စာရင်းကို ထုတ်ပြန်ကြေညာလိုက်သည်] [ဒိုလော့ ကမ္ဘာတစ်ခုလုံးတွင် ထိပ်တန်းဝင် စွမ်းအားမြင့် သိုင်းဝိညာဉ်ပိုင်ရှင် အားလုံး ဒီစာရင်းမှာ ပါဝင်ခွင့်ရမည်] [အဆင့်စာရင်းဝင်သူတိုင်းသည် ကြီးမြတ်လှသော ကောင်းကင်ဆုလာဘ်များကို ရရှိကြမည်] ကောင်းကင်မှာ ပေါ်လာတဲ့ အဆင့်စာရင်းကြီးကို ကြည့်ရင်း လင်းယွမ်တစ်ယောက် သက်ပြင်းချလိုက်ရပါတော့တယ်... "ဟူး.....ငါက အေးအေးဆေးဆေး နတ်ဘုရားဖြစ်ချင်တာပါဆို... ငါ့ရဲ့ အစွမ်းအစတွေကို ဖုံးကွယ်ထားလို့ မရတော့ဘူးနဲ့ တူပါရဲ့..." ကောင်းကင်ဘုံက လင်းယွမ်၏ အစစ်အမှန် စွမ်းအားနှင့် သိုင်းဝိညာဉ်များကို အဆင့် ၁ အဖြစ် ကမ္ဘာသို့ ထုတ်ဖော်ပြသလိုက်သည့်အခါ... ဝိညာဉ်နန်းတော်၏ ပုပ်ရဟန်းမင်းကြီး၊ ပါရမီရှင်များနှင့် ရှေးဟောင်း အစွမ်းထက် ဒိုလော့ကြီးများသည် ထိုလျှို့ဝှက်ဆန်းကြယ်သော ‘နတ်ဘုရားတစ်ဝက်’ပညာရှင်ကို ရှာဖွေပညာပေးရန် သွေးရူးသွေးတန်း ဖြစ်လာကြတော့သည်။