ရွှေရောင်ကျီးကန်း၏ တောက်ပသောအလင်းဖြင့် လောကကို သန့်စင်ခြင်း

ဂျင်ယန်းသည် ဒိုလော့ကမ္ဘာသို့ ကူးပြောင်းရောက်ရှိသွားခဲ့ပြီး ထိုကမ္ဘာ၏ နေမင်းကြီးအတွင်း၌ ပေါက်ဖွားလာသော "ရွှေရောင်ကျီးကန်း"အဖြစ် ကိန်းဝပ်နေထိုင်ခဲ့သည်။ ထိုသို့ သန္ဓေတည်နေစဉ်အတွင်း ယင်း၏ လူသားစိတ်နှင့် နတ်ဘုရားစွမ်းအားတို့ ပေါင်းစည်းသွားခဲ့ပြီး ပေါင်းစည်းမှုပြီးမြောက်သည့်နေ့တွင် တန်ခိုးကြီးမားသော သဘာဝသီးသန့် နတ်ဘုရားဘုရင်အဖြစ် မွေးဖွားလာမည်ဖြစ်သည်။ သို့သော်လည်း နတ်ဘုရားနယ်မြေ၏ စစ်ပွဲအရှိန်အဟုန်ကြောင့် ဂျင်ယန်း၏ နှစ်ခြိုက်စွာ အိပ်မောကျနေမှုမှာ ခဏတာ နိုးထလာခဲ့ရပြီး၊ ၎င်း၏ သန္ဓေတည်မှု ဖြစ်စဉ်မှာလည်း အနှောင့်အယှက်ဖြစ်ကာ ရပ်တန့်သွားခဲ့ရသည်။ ကျဆုံးသွားသော နတ်ဘုရားများ၏ ငိုကြွေးညည်းတွားသံများက ဂျင်ယန်းကို ညစ်နွမ်းသွားစေခဲ့ပြီး ၎င်း၏ ဝိညာဉ်အတွင်း၌ ရာဂနှင့် လောဘဆန္ဒများကို ကိုယ်စားပြုသည့် တိရစ္ဆာန်ဆန်သော သဘာဝဆိုးကို ဖြစ်ပေါ်စေခဲ့သည်။နတ်ဘုရားနယ်မြေ စစ်ပွဲ၏ နောက်ဆက်တွဲရိုက်ခတ်မှုများကြောင့် စကြာဝဠာဟင်းလင်းပြင်များ ပျက်စီးလှုပ်ခတ်သွားရာမှ ဂျင်ယန်းသည် ဒိုလော့ကြယ်ပေါ်သို့ ပြုတ်ကျသွားခဲ့ပြီး ဆိုးသွမ်းသော မိစ္ဆာဘုရင်တစ်ပါး အဖြစ် စတင်မွေးဖွားလာခဲ့တော့သည်။ နဂါးမျိုးနွယ်စုများ ပျက်စီးပြုန်းတီးသွားသည်ကို ကြည့်ရင်း ကြွက်တစ်ကောင်လို ပုန်းအောင်းနေရသော နဂါးနက်လေးသည် တုန်လှုပ်ခြောက်ခြားစွာဖြင့် ဂျင်ယန်းထံ တောင်းပန်တိုးလျှိုး၍ အကူအညီတောင်းခံခဲ့လေသည်။ ထိုသို့ တုန်လှုပ်ခြောက်ခြားစွာ အကူအညီတောင်းခံနေသည့် နဂါးနက်လေးအား မထီမဲ့မြင်ကြည့်ရင်း "မင်းရဲ့ သခင်မလေးဆီက ထွက်နေတဲ့ အနံ့လေးက သိပ်မွှေးတာပဲ..." ဟု ဂျင်ယန်းက တီးတိုး‌ပြောဆိုလိုက်သည်။ ရာဂနှင့် လောဘဆန္ဒများလွှမ်းမိုးထားသည့် မိစ္ဆာနတ်ဘုရား၏ အပြုံးသည် ဒိုလော့ကမ္ဘာတစ်ခုလုံးကို တုန်လှုပ်ချောက်ချားသွားစေခဲ့သည်။ ပျက်စီးခြင်း၏ အမှောင်ထုထဲမှ မွေးဖွားလာသော ရွှေရောင်ကျီးကန်းမိစ္ဆာဘုရင်၏ ခြေလှမ်းအောက်တွင် နတ်ဘုရားနယ်မြေ၏ ကံကြမ္မာသည် မည်သို့ပြောင်းလဲသွားမည်နည်း...။