တောရိုင်းနတ်ဘုရားအဆင့်မှ အစပြု၍

စုန့်ရွှမ်ချင်း သည် မမျှော်လင့်ထားသော ဖြစ်ရပ်တစ်ခုကြောင့် အင်မော်တယ်များ……နတ်ဘုရားများနှင့် ဗုဒ္ဓများ လုံးဝကွယ်ပျောက်သွားခဲ့သည့် ထူးဆန်းဆန်းပြားသော ကမ္ဘာတစ်ခုသို့ ကူးပြောင်း သွားခဲ့ရသည်။ ဒီကမ္ဘာကြီးသည် လူတွေကို ဝါးမြိုစားသောက်နေသည့် မိစ္ဆာဆိုးများနှင့် မိစ္ဆာသရဲများဖြင့် ပြည့်နှက်နေပြီး မကောင်းသော မိစ္ဆာအမှောင်ပညာရပ်များ သောင်းကျန်းလျက်ရှိသည်။ အင်မော်တယ်များ၊ နတ်ဘုရားများ နှင့် ဗုဒ္ဓများ မှာမူ မရှိတော့ပေ။ အင်မော်တယ်‌တောင်တန်းကြီးများ၊ ဗုဒ္ဓ‌ကျောင်းတော်များ နှင့် နတ်ဘုရားနယ်မြေများမရှိတော့ပေ..... မိစ္ဆာများနှင့် သတ္တဝါဆိုးများ အထိန်းအကွပ်မဲ့ သောင်းကျန်းနေကြပြီး သရဲတစ္ဆေများနှင့် ဝိဉာဏ်ဆိုးများကလည်း ဒုက္ခပေးနေကြသည်။ ဒါ့အပြင် လူသားစားခြင်းနှင့် ဆေးလုံးဖော်စပ်ရန်အတွက် လူကို အသုံးပြုခြင်းကဲ့သို့သော ယုတ်မာလှသည့် မိစ္ဆာကျင့်စဉ်များကြောင့် ပြည်သူလူထုမှာ အမြဲမပြတ် ထိတ်လန့်ကြောက်ရွံ့စွာ အသက်ရှင်နေကြရသည်။ စုန့်ရွှမ်ချင်း သည် ထိုကဲ့သို့ အန္တရာယ်များလှသည့် ကမ္ဘာသို့ ရောက်ရှိသွားခဲ့ပြီး တောင်လက်ကြား ရွာငယ်လေးတစ်ရွာတွင် ကိုးကွယ်ခံရသည့် တောရိုင်းနတ်ဘုရား အဖြစ်သို့ ရောက်ရှိသွားခဲ့သည်။ သူ၏ ကျင့်စဉ်အဆင့်မှာ အလွန်နိမ့်ပါးပြီး စွမ်းအားလည်း မရှိသလောက် နည်းပါးလှသည်။ ကံကောင်းစွာဖြင့်ပင် သူသည် “ပူဇော်အမွှေးတိုင်မီးဖြင့် နတ်ဘုရားဖြစ်လာစေသော စနစ်” နှင့် ပေါင်းစည်းခွင့် ရရှိခဲ့သည်။ ထို့ကြောင့် အမွှေးတိုင်ပူဇော်မှုများ လုံလောက်စွာ ရရှိနေသမျှ ကာလပတ်လုံး သူသည် ပိုမိုအင်အားကြီးမားလာနိုင်မည် ဖြစ်သည်။ ကျင့်စဉ်အဆင့်များ၊ ကျင့်စဉ်သိုင်းပညာများ၊ အင်မောတယ်လက်နက်ဆန်းများနှင့် နတ်ရာထူးရာထူးများအထိ— အမွှေးတိုင်မီးခိုး တောက်လောင်နေသမျှ ကာလပတ်လုံး ထိုအရာအားလုံးကို လွယ်လွယ်ကူကူ ရရှိနိုင်မည်ဖြစ်သည်။ ["သင်သည် စုန့်မိသားရွာကို မိစ္ဆာဆိုးများရန်မှ ကာကွယ်ပေးခဲ့သဖြင့် သင်၏ အမွှေးတိုင်ပူဇော်မှု တန်ဖိုး ၁၀၀ တိုးတက်လာပြီး နတ်ဆေးလုံးတစ်လုံး ဆုလာဘ်အဖြစ် ရရှိသည်"] ["သင်သည် ဝမ်အန်းခရိုင်ကို မိစ္ဆာသရဲများနှင့် မိစ္ဆာဆိုးများ၏ သတ်ဖြတ်ခြင်းမှ ကာကွယ်ပေးခဲ့သဖြင့် အမွှေးတိုင်တန်ဖိုး +၁၀,၀၀၀ တိုးလာသည်။ ဆုလာဘ်- နတ်ဘုရားအဆင့် ကျင့်စဉ်"] ["သင်သည် ရှန်နိုင်ငံ၏ ပြည်သူများကို ကာကွယ်ပေးပြီး အေးချမ်းသာယာမှု ဆောင်ကြဉ်းပေးခဲ့သဖြင့် လူသန်းပေါင်းများစွာ၏ ကိုးကွယ်ပူဇော်မှုကို ရရှိခဲ့သည်။ ဆုလာဘ်အဖြစ် နတ်ဘုရားဘုံတွင် နတ်ရာထူးတစ်ခု အပ်နှင်းခြင်း ခံရသည်"] ထိုအချိန်မှစ၍ စုန့်ရွှမ်ချင်း သည် နယ်မြေတစ်ခုကို အကာအကွယ်ပေးရင်း အမွှေးတိုင်ပူဇော်မှုများမှတစ်ဆင့် ကြီးမြတ်သည့် နတ်ဘုရားအဖြစ်သို့ စတင်လျှောက်လှမ်းခဲ့တော့သည်။