တာအိုကျင့်ကြံခြင်းလောကမှ စား​ဘဲကြီး

ဇာတ်လမ်းအကျဉ်း လီဖုန်းဆိုတာ ကမ္ဘာမြေက သာမန်အိုတာကုလေးတစ်ယောက်။ ဒါပေမဲ့ တစ်နေ့မှာ ကံတရားရဲ့ စီမံမှုကြောင့်လားတော့ မသိ၊ တာအိုကျင့်ကြံသူတွေက ကိုယ့်ခန္ဓာကိုယ်ထက် တာအိုလမ်းစဉ်ကို ပိုပြီးအလေးထားကြတဲ့ ကမ္ဘာတစ်ခုဆီကို ရောက်သွားပါလေရော။ ပထမဆုံးရောက်တဲ့နေ့မှာပဲ ခွေးမြှီးကောက်ကျည်တောက်စွပ်ပြီး သေဆုံးနေတဲ့ ကျင့်ကြံသူတစ်ယောက်ဆီကနေ ဝိညာဉ်ကျောက်တုံး သုံးသောင်းခွဲကို တွေ့ရှိခဲ့တယ်။ ထိပ်တန်းဂိုဏ်းကြီးတစ်ခုမှာ အပြင်စည်းတပည့်နေရာရဖို့အတွက် အဲဒီကျောက်တုံးတွေထဲက သုံးသောင်းတိတိကို ရက်ရက်ရောရော သုံးပစ်ခဲ့တယ်။ နှစ်ပေါင်းများစွာ ကြိတ်မှိတ်ကျင့်ကြံရင်း အဆင့်တက်ဖို့အတွက် ကျန်တဲ့ကျောက်တုံးတွေကိုပါ အကုန်အစင်နီးပါး သုံးပစ်ခဲ့ပေမဲ့လည်း အနိမ့်ဆုံး ချီစုစည်း​ခြင်းအဆင့်မှာပဲ တစ်ဆို့နေတုန်းပါပဲ။ အခုတော့ ဝိညာဉ်ကျောက်တုံး တစ်ရာပဲ ကျန်တော့ပြီး စိတ်ရှည်သည်းခံနိုင်စွမ်းတွေလည်း ကုန်ဆုံးလာတဲ့အခါ... လောကီသာယာမှုတွေကို လုံးဝဂရုမစိုက်တတ်တဲ့ အေးစက်စက်နဲ့ ခပ်ခွာခွာနေတတ်တဲ့ စီနီယာအစ်မတစ်ယောက်နဲ့ တစ်ညတာ လောကီကာမဂုဏ်ခံစားဖို့အတွက် ဒီနောက်ဆုံးကျန်တဲ့ ကျောက်တုံးတွေကို သုံးပစ်လိုက်ဖို့ ဆုံးဖြတ်လိုက်ပါတယ်။ စီနီယာအစ်မကလည်း စိတ်ဝင်စားလို့မဟုတ်ဘဲ ငြင်းဆန်ဖို့ခက်ခဲတဲ့ ပမာဏဖြစ်နေလို့သာ သဘောတူလိုက်တယ်။ ဒါပေမဲ့ လီဖုန်း လုံးဝ မသိခဲ့တာက ဒီလို မဆင်မခြင် လုပ်ရပ်လေးကပဲ သူ့ရဲ့ ကျင့်ကြံခြင်း တစ်ဆို့မှုကို အဆုံးသတ် ချိုးဖျက်နိုင်မယ့် အခွင့်အရေးဖြစ်လာပြီး အရာအားလုံးကို ပြောင်းလဲသွားစေလိမ့်မယ်ဆိုတာပါပဲ။