မျက်မမြင်ဓားသမား၏ ဓားခေါင်းတလား

ကြမ်းတမ်းရက်စက်လှသော ဤလောကကြီးထဲတွင် လီကွမ်ချီ သည် မျက်မမြင်အဖြစ် မွေးဖွားလာခဲ့ပြီး ဆင်းရဲဒုက္ခပေါင်းစုံကို ခါးစည်းခံခဲ့ရသည်။ သူ့အသက် (၆) နှစ်အရွယ်တွင် နှစ်ရှည်လများ နှိပ်စက်ညှင်းပန်းမှုများကို ခံစားခဲ့ရပြီးနောက်၊ မျက်မှောက်တွင်ပင် အစ်မဖြစ်သူ၏ ကြေကွဲဖွယ်သေဆုံးမှုကို တွေ့ကြုံလိုက်ရသောအခါ မိခင်ဖြစ်သူကို ကာကွယ်ရန်အတွက် သူသည် အစွမ်းကုန် ရုန်းကန်တိုက်ခိုက်ခဲ့သည်။ ထိုအချိန်တွင် ထူးဆန်းသောအဘိုးအိုတစ်ဦးက သူ့ကို ခေါ်ဆောင်သွားပြီး လျှို့ဝှက်စွာ ကျွေးမွေးပြုစုကာ ကျင့်ကြံခြင်းလမ်းစဉ်ကို သင်ကြားပေးခဲ့သဖြင့် လီကွမ်ချီ၏ ကံကြမ္မာသည် တစ်ဆစ်ချိုး ပြောင်းလဲသွားခဲ့သည်။ အဘိုးအိုသည် မထွက်ခွာမီ လီကွမ်ချီထံသို့ ထူးဆန်းပြီး နိမိတ်မကောင်းသော အရာတစ်ခုကို အပ်နှံခဲ့သည်။ ၎င်းမှာ ဓားခေါင်းတလား တစ်ခုပင် ဖြစ်သည်။ ထိုဓားခေါင်းတလားကို အမြဲတမ်း ကျောပိုးထားရန်နှင့် ၎င်း၏ အမှန်တရားကို မည်သူ့ကိုမျှ မပြောပြရန်လည်း ကတိတောင်းခဲ့သည်။ နှစ်အတော်ကြာပြီးနောက်... လီကွမ်ချီသည် အတိတ်၏ဒဏ်ရာများနှင့် ကျောပေါ်က လျှို့ဝှက်ချက်များကို ထမ်းပိုးကာ အန္တရာယ်များလှသော ကျင့်ကြံသူများလောကထဲသို့ ခြေချလာခဲ့သည်။ သူသည် မျက်မမြင်တစ်ဦးဖြစ်သော်လည်း သာမန်ထက်ထူးကဲသော အာရုံခံစားမှုများကို လေ့ကျင့်ယူထားပြီး ကံကြမ္မာကို ဆန့်ကျင်မည့် ဓားလမ်းစဉ်ပေါ်တွင် လျှောက်လှမ်းနေသူဖြစ်သည်။ သို့သော် ထိုဓားခေါင်းတလားထဲတွင် ဖုံးကွယ်ထားသော ဝိညာဉ်၊ လျှို့ဝှက်အစွမ်းများနှင့် သူ၏ ဇာစ်မြစ်နှင့်ပတ်သက်သော အမှန်တရားများ ရှိနေသည်။ လီကွမ်ချီသည် ပိုမိုသန်မာလာသည်နှင့်အမျှ ထိုလျှို့ဝှက်ချက်များကို ဖော်ထုတ်ရင်း၊ ရက်စက်သော ရန်သူများကို ရင်ဆိုင်ကာ "အင်အားကြီးသူသာ အသက်ရှင်ခွင့်ရှိသည့်" သွေးစွန်းသောလောကကြီးထဲတွင် ရှင်သန်ရမည်ဖြစ်သည်။ ဒါကတော့... ကံကြမ္မာကို အရှုံးမပေးဘဲ ဓားတစ်ချက်ဝှေ့ယမ်းတိုင်းမှာ ကိုယ်ပိုင်ရာဇဝင်ကို ရေးထိုးမယ့် မျက်မမြင်ဓားသမားတစ်ယောက်ရဲ့ ခရီးစဉ်ပဲ ဖြစ်ပါတယ်။