အခန်း (၉၅)  အကဲဖြတ်မှု စတင်ခြင်း

ရွှမ်ကျီမျိုးနွယ်သည် ရှေးဟောင်းခေတ်ဦးကတည်းက တည်ရှိခဲ့သော အလွန်နက်ရှိုင်းသည့် အခြေခံအုတ်မြစ်ရှိသည့် အင်အားစုဖြစ်သည်။

သူတို့သည် နတ်ဘုရားဘုရင်အဆင့် ရုပ်သေးပညာကို လေ့လာလိုက်စားကြပြီး မည်သူမျှ မခန့်မှန်းနိုင်သော ကြောက်မက်ဖွယ် ရုပ်သေးစစ်တပ်ကို ပိုင်ဆိုင်ထားကြသည်။

ယခုအခါ လျှို့ဝှက်နယ်မြေဝင်ပေါက်တွင် ထိပ်တန်းအင်အားစုများမှ နတ်ဘုရားစစ်စစ်များ စုရုံးလာကြပြီ ဖြစ်သည်။

 ရွှမ်ကျီယု : ရွှမ်ကျီမျိုးနွယ်၏ ဘိုးဘေးဖြစ်ပြီး ဧရာမမျောက်ဝံရုပ်သေးကြီးပေါ်တွင် ဝိုင်ဘူးတစ်လုံးဖြင့် အေးဆေးစွာ ထိုင်နေသည်။

 နင်ချန်ရှန်း: ဝမ်ယန် နတ်ဘုရားမင်းဆက်၏ ဘိုးဘေးဖြစ်ပြီး နဂါးကိုးကောင်ဆွဲသော ရထားလုံးဖြင့် ရောက်ရှိလာသည်။

ဤဘိုးဘေးကြီး နှစ်ဦးစလုံးသည် ဤလျှို့ဝှက်နယ်မြေတွင် ကြီးမားသော ပူးပေါင်းကြံစည်မှုတစ်ခု ရှိနေကြောင်း ရိပ်မိထားကြသော်လည်း သူတို့၏ မျိုးနွယ်စုဝင် လူငယ်များကို စောင့်ရှောက်ရန်အတွက်သာ လိုက်ပါလာခြင်းဖြစ်သည်။

ထိုစဉ် ကောင်းကင်မှ မက်မွန်ပွင့်များ ကြွေကျလာပြီး အဖြူရောင်ဝတ်စုံနှင့် အနီရောင်ဂါဝန်ဝတ်ထားသော အမျိုးသမီးတစ်ဦး ဆင်းသက်လာသည်။

သူမမှာ ဂျွန်မျိုးနွယ်၏ ဘိုးဘေး ဂျွန်ရှီးယွဲ့ ဖြစ်သည်။

သူမသည် နတ်ဘုရားစစ်စစ်တစ်ဦးကို ဓားတစ်ချက်တည်းဖြင့် သတ်ဖြတ်နိုင်စွမ်းရှိသူ ဖြစ်သဖြင့် အခြားဘိုးဘေးများပင် သူမကို ရိုသေကြရသည်။

နောက်ဆုံးတွင် မြောက်ဘက်ကောင်းကင်မှ ဧရာမဓားကြီးများဖြင့် ဝန်းရံထားသော စစ်သင်္ဘောကြီးတစ်စင်း ရောက်ရှိလာသည်။ 

၎င်းမှာ နတ်ဘုရားလောကမှ တိုက်ရိုက်ဆင်းသက်လာသော ထိုက်ချူးရှေးဟောင်းဂိုဏ်း ဖြစ်သည်။ ထိုဂိုဏ်းမှ ထွက်ပေါ်လာသော သာမန်ရုပ်ရည်နှင့် အမျိုးသားတစ်ဦးက ကြေညာလိုက်သည်။

ဘယ်သူမဆို လျှို့ဝှက်နယ်မြေထဲက အမွေအနှစ်ကို ရယူနိုင်ပြီး အသက်ရှင်လျက် ပြန်ထွက်လာနိုင်ရင် ငါတို့ ထိုက်ချူးဂိုဏ်းကို ဝင်ခွင့်ပြုမယ်။

ဤစကားကြောင့် ကျင့်ကြံသူ သန်းပေါင်းများစွာ စိတ်လှုပ်ရှားသွားကြသည်။

ထိုက်ချူးဂိုဏ်းသို့ ဝင်ခွင့်ရခြင်းမှာ နတ်ဘုရားလောကသို့ တိုက်ရိုက်တက်လှမ်းနိုင်မည့် လမ်းကြောင်းဖြစ်သောကြောင့် ဖြစ်သည်။ 

သို့သော် ပါးနပ်သော ပညာရှင်များကမူ ဤသည်မှာ "၉ ပုံသေ၊ ၁ ပုံရှင်" သာရှိသည့် အလွန်အန္တရာယ်များသော စမ်းသပ်မှုဖြစ်ကြောင်း နားလည်လိုက်ကြသည်။

တစ်ဖက်တွင်မူ မဟာချင်အင်ပါယာသည် အေးချမ်းလျက်ရှိသည်။ ယင်ချီသည် သံမဏိဝံပုလွေမင်းဆက်ကို သိမ်းပိုက်ပြီးနောက် ရရှိလာမည့် နယ်မြေများကို မည်သို့စီမံခန့်ခွဲရမည်ကို အမတ်ဖန်ထုံနှင့် ဆွေးနွေးနေသည်။

ထိုစဉ် အစောင့်စစ်သည်တစ်ဦး ဝင်ရောက်လာပြီး အရှင်... မျိုးနွယ်ကြီး ခြောက်ခုက လူငယ်တွေ နန်းတော်ပြင်ပမှာ ဒူးထောက်ပြီး အရှင်နဲ့ တွေ့ခွင့်တောင်းနေပါတယ်ဟု တင်ပြလာသည်။

ယင်ချီကအသာအယာခေါင်းညိတ်ကာ "ကောင်းပြီ... သူတို့ကိုအဆောင်ထဲခေါ်ခဲ့လိုက်ပါ" ဟုမိန့်ကြားလိုက်သည်။