အခန်း (၉၂) နယ်မြေချဲ့ထွင်ရန် အခွင့်အရေး

နတ်ဘုရားဘုရင်၏ လျှို့ဝှက်နယ်မြေဆင်းသက်လာပြီးနောက် ပညာရှင်အများစုမှာ ၎င်းသည် ထောင်ချောက်တစ်ခု သို့မဟုတ် ပူးပေါင်းကြံစည်မှုတစ်ခု ဖြစ်နိုင်ကြောင်း ရိပ်မိကြသော်လည်း ထာဝရရှင်သန်လိုသည့် လောဘကြောင့် မည်သူမျှ လက်မလွှတ်နိုင်ကြပေ။

မဟာချင်အင်ပါယာအတွင်းရှိ အထင်ကရ မျိုးနွယ်ကြီး ခြောက်ခုတွင် လွန်ခဲ့သော နှစ်တစ်ရာအတွင်း ပါရမီရှင် လူငယ်များစွာ ပေါ်ထွက်လာခဲ့သည်။

 ဂူမျိုးနွယ်: ရှေးဟောင်းသုညခန္ဓာပိုင်ရှင် လူငယ်။

 ကျန်းမျိုးနွယ်: ဧကရာဇ်တစ်ပါး ပြန်လည်ဝင်စားလာသူဟု ယူဆရသော မွေးရာပါသူတော်စင်။

 ဟန်မျိုးနွယ်: အသက် ၁၀ နှစ်ဖြင့် နတ်ဘုရားဘုရင်အဆင့်ကို ယှဉ်ပြိုင်နိုင်သူ။

 ရီမျိုးနွယ် : ဘိုးဘွားသွေး အပြည့်အဝ နိုးထလာသူ။

 လင်းမျိုးနွယ်: သာမန်မျိုးရိုးမှ ဆင်းသက်သော်လည်း သူတော်စင်အဆင့်ရှိ ရှေးဟောင်းသားရဲများကို သတ်ဖြတ်နိုင်သော ဓားသမား။

ဂျီမျိုးနွယ် : ဟင်းလင်းပြင်ခန္ဓာပိုင်ရှင် နတ်သူငယ်။

ဤလူငယ်ပါရမီရှင်များအားလုံးသည် လျှို့ဝှက်နယ်မြေသို့ သွားရောက်စမ်းသပ်လိုကြသော်လည်း မျိုးနွယ်စု အကြီးအကဲများက အပြင်းအထန် ကန့်ကွက်ခဲ့ကြသည်။

"အဲဒီနေရာက မင်းတို့အတွက် သေတွင်းပဲ" ဟု သတိပေးခဲ့ကြသော်လည်း လူငယ်များ၏ ဇွဲကို မလျှော့နိုင်သဖြင့် နောက်ဆုံးတွင် ယင်ချီ၏ ဆုံးဖြတ်ချက်ကို ခံယူရန် သဘောတူခဲ့ကြသည်။

ယင်ချီသည် နန်းတော်အတွင်း အရေးပေါ် အစည်းအဝေးခေါ်ယူကာ အကြံပေးအမတ် ဖန်ထုံနှင့် အကြီးအကဲများနှင့် ဆွေးနွေးခဲ့သည်။

ဂူမျိုးနွယ်အကြီးအကဲက ရိုးသားစွာ တင်ပြသည် အရှင်... လူသားတစ်ယောက်အနေနဲ့ ထိပ်ဆုံးကို ရောက်ချင်တာ ထာဝရအသက်ရှင်ချင်တာဟာ တားဆီးလို့ မရနိုင်တဲ့ ဆန္ဒတွေပါ။

အဲဒါဟာ ပူးပေါင်းကြံစည်မှုမှန်း သိရင်တောင် လူတွေဟာ ပိုးဖလံမျိုး မီးကိုတိုးသလို အစုလိုက်အပြုံလိုက် သွားကြမှာပါပဲ။

ယင်ချီသည် ထိုစကားကို နားထောင်ပြီး သဘောတူခဲ့သည်။ အရှင်သခင်တစ်ဦးအနေဖြင့် နယ်မြေကို အုပ်ချုပ်နိုင်သော်လည်း လူတို့၏ နှလုံးသားထဲမှ ဆန္ဒကိုမူ အတင်းအကျပ် ပိတ်ပင်၍ မရနိုင်ပေ။

သို့သော် ဤရှုပ်ထွေးနေသော အခြေအနေကြားမှပင် အမတ်ဖန်ထုံက အခွင့်အရေးတစ်ခုကို မြင်ခဲ့သည်။ သူသည် သားရေမြေပုံတစ်ခုကို ဖြန့်လိုက်ကာ ယင်ချီအား တင်ပြလိုက်သည်။

အရှင်... ဒီလျှို့ဝှက်နယ်မြေကြောင့် လောကကြီးတစ်ခုလုံး ရုတ်ရုတ်သည်းသည်း ဖြစ်နေတာဟာ ကျွန်တော်တို့ မဟာချင်အတွက်တော့ နယ်မြေချဲ့ထွင်ဖို့ အကောင်းဆုံး အချိန်ပါပဲ။

သူ၏အစီအစဉ်မှာ အင်အားကြီးနိုင်ငံများနှင့် ဂိုဏ်းကြီးများမှ ပညာရှင်များ လျှို့ဝှက်နယ်မြေသို့ အာရုံရောက်နေချိန်တွင် မဟာချင်က အားလပ်နေသော နယ်မြေများကို သိမ်းပိုက်ရန် ဖြစ်ဟန်တူသည်။