အခန်း (၈၇)  တာအိုဘိုးဘေးအဆင့် ၁ 

ဂိုဏ်းချုပ် ကျန်းရွှမ်ယဲ့သည် ဓားတစ်ထောင် ဧကရာဇ်ဂိုဏ်း၏ အမွေအနှစ်ကို ထိန်းသိမ်းရန်အတွက် မည်သည့်စျေးနှုန်းကိုမဆို ပေးရန် ဆုံးဖြတ်လိုက်သည်။

သူသည် ဂိုဏ်း၏ ရတနာတစ်ခုဖြစ်သော ဧကရာဇ်ဆေးဝါးအပိုင်းအစကို တပ်မှူး လော့ ထံ နှမြောတသစွာ ပေးအပ်လိုက်သည်။

ဤဆေးသည် ဧကရာဇ်တစ်ပိုင်းများအတွက် ကျင့်ကြံခြင်းအဆင့် တက်လှမ်းရန် အခွင့်အရေး ၃၀ ရာခိုင်နှုန်းအထိ တိုးမြင့်ပေးနိုင်စွမ်း ရှိသည်။

တပ်မှူးလော့သည် ဆေးကို လက်ခံရရှိပြီးနောက် သူ၏တကယ့်ရည်ရွယ်ချက်ကို ထုတ်ဖော်ပြောဆိုခဲ့သည်။

ငါတို့ သံမဏိဝံပုလွေမင်းဆက်မှာ သန့်စင်သံမဏိသတ္တုတွင်းအသစ်တစ်ခု တွေ့ထားတယ်။ အလုပ်သမားတွေ လိုနေတာနဲ့ အတော်ပဲ။

 ဓားတစ်ထောင်ဂိုဏ်းရှိတဲ့ ဧကရာဇ်တစ်ပိုင်း၊ သူတော်စင်နဲ့ သူတော်စင်တစ်ပိုင်းအားလုံးရဲ့တစ်ဝက်ကို သတ္တုတွင်းသို့ ပို့ပေးရမည်။

၎င်းတို့သည် နှစ်ပေါင်း နှစ်သန်း တိတိ အလုပ်ကြမ်း လုပ်ရမည်။

အကယ်၍ အလုပ်လုပ်ရင်း သေဆုံးသွားပါက ဂိုဏ်းမှ လူသစ်နှင့် ချက်ချင်း အစားထိုးပေးရမည်။

ဤသည်မှာ ဓားတစ်ထောင်ဂိုဏ်းအတွက် အလွန်ကြီးမားသော ထိုးနှက်ချက် ဖြစ်သည်။ 

လူသား ဧကရာဇ်တစ်ပိုင်းများ၏ သက်တမ်းမှာ ဆယ်သန်းခန့်သာ ရှိသဖြင့် နှစ်သန်းကြာ အလုပ်ကြမ်းလုပ်ရခြင်းမှာ သူတို့၏ အင်အားကို လုံးဝ ချည့်နဲ့သွားစေမည် ဖြစ်သည်။

သို့သော် တပ်မှူးလော့၏ ဧကရာဇ်လက်နက် ခြိမ်းခြောက်မှုအောက်တွင် ကျန်းရွှမ်ယဲ့သည် သဘောတူလိုက်ရတော့သည်။

အပြာရောင်နယ်မြေ၏ ပြင်ပရှိ လူသူကင်းမဲ့သော သဲကန္တာရတစ်ခုတွင် ရှောင်ယီချန်း သည် ဒဏ်ရာအပြင်းအထန်ဖြင့် ဟင်းလင်းပြင်အက်ကြောင်းထဲမှ လွင့်ထွက်လာသည်။

သူ၏ အရိုးများအားလုံး ကြေမွနေပြီး သက်တမ်းမှာလည်း ကုန်ခါနီးဖြစ်နေသည်။

သူသည် ဂိုဏ်းချုပ်နှင့် တပ်မှူးလော့အပေါ် အလွန်အမင်း နာကျည်းနေစဉ် သူ၏ခြေရင်း၌ ခြောက်သွေ့နေသော လူသားအရေခွံတစ်ခုကို တွေ့လိုက်ရသည်။

ထိုအရေခွံသည် ရှောင်ယီချန်း၏ သွေးများကို စုပ်ယူလိုက်ပြီးနောက် စကားပြောလာခဲ့သည်။

"ကောင်လေး... မင်းမှာ နက်ရှိုင်းတဲ့ အာဃာတတွေ ရှိနေတာပဲ။ ငါ မင်းကို ကူညီနိုင်တယ်"

ရှောင်ယီချန်းသည် ထိတ်လန့်သွားပြီး နောက်သို့ ဆုတ်လိုက်သည်။

ထိုအရေခွံက မိမိကိုယ်ကိုယ် ထောက်ချီသို့မဟုတ် ချီဘိုးဘေးဟု မိတ်ဆက်ခဲ့သည်။

သူသည် မဟာဘိုးဘေး၏ အစေခံဖြစ်ပြီး ယခင်က တာအိုဘိုးဘေးအဆင့်အထိ ရှိခဲ့သူဟု ဆိုသည်။

"ငါ မင်းကို ဒီကမ္ဘာကြီးတင်မကဘဲ နတ်ဘုရားနယ်မြေကိုပါ စိုးမိုးနိုင်တဲ့ စွမ်းအားတွေ ပေးနိုင်တယ်"

ရှောင်ယီချန်းသည်ဝါရင့်မြေခွေးအိုကြီးတစ်ဦးဖြစ်သဖြင့်ထိုဆွဲဆောင်မှုများနောက်ကွယ်တွင်သေစေနိုင်သောထောင်ချောက်များရှိနေမည်ကိုရိပ်မိပြီးအလွန်အမင်းသတိထားနေတော့သည်။