အခန်း (၈၄)  ယန်ယွဲ့တောင်သခင်

ဂျောက်... ဂျောက်

ယင်လီယန်၏ ခန္ဓာကိုယ်ကို မိစ္ဆာဧကရာဇ်က လုံးဝသိမ်းပိုက်ပြီးနောက် သူ၏ကိုယ်ပေါ်ရှိ အနီရောင်အမွှေးအမျှင်များမှာ အလွှာလိုက် ကွာကျလာသည်။

ထို့နောက် ပေါ်လာသည်မှာ လူသားနှင့်မတူဘဲ နက်မှောင်သော အကြေးခွံများ ဖုံးလွှမ်းနေပြီး မျက်လုံးများအတွင်းမှ နီရဲသော အသားမျှင်တံထွာများ ထွက်ပေါ်နေသည့် ကြောက်မက်ဖွယ် သဏ္ဌာန်တစ်ခုဖြစ်သည်။

ယန်ယွဲ့တောင်တန်းမှ အကြောသခင် နှစ်ဦးမှာ ထိုအရာကို မြင်သောအခါ ဝိညာဉ်ပင် ထွက်မတတ် ကြောက်လန့်သွားကြသည်။

မိစ္ဆာဧကရာဇ်၏ အရှိန်အဝါမှာ မြင်ရုံဖြင့်ပင် ဝိညာဉ်ကို ကြေမွသွားစေနိုင်လောက်အောင် ပြင်းထန်လှသည်။

မိစ္ဆာဧကရာဇ်သည် မဟာချင်တစ်နိုင်ငံလုံးကို ယဇ်ပူဇော်ရန် ပြင်လိုက်စဉ် ယင်ချီ၏ သတ်ဖြတ်လိုစိတ်မှာ အထွတ်အထိပ်သို့ ရောက်သွားသည်။

"နှိမ်နင်းစမ်း"

ယင်ချီသည် သူ၏ အထူးစွမ်းရည်ဖြစ်သော ဧကရာဇ်၏ အပြစ်ပေးခြင်းကို အသက်သွင်းလိုက်သည်။

မဟာချင်နယ်မြေအတွင်းရှိ ရန်သူမှန်သမျှသည် ခဏချင်းအတွင်း စွမ်းအား ၅၀ ရာခိုင်နှုန်း လျော့ကျသွားရမည် ဖြစ်သည်။

ဧကရာဇ်တစ်ပိုင်း အဆင့် ၇ အထိ မြင့်တက်နေသော မိစ္ဆာဧကရာဇ်၏ စွမ်းအားမှာ ချက်ချင်းပင် ထိုးကျသွားတော့သည်။

ဒါ... ဒါက အမြင့်ဆုံးနိယာမစွမ်းအားပဲ မဖြစ်နိုင်ဘူး မိစ္ဆာဧကရာဇ်၏ ဝိညာဉ်မှာ ထိတ်လန့်သွားပြီး ယင်ချီသည် တားမြစ်ချက်ပညာရှင်တစ်ဦး ပြန်လည်ဝင်စားလာခြင်းဖြစ်မည်ဟု ထင်မှတ်ကာ ချက်ချင်းပင် ထွက်ပြေးရန် ပြင်တော့သည်။

"မင်း ပြေးနိုင်မယ် ထင်လို့လား"

ယင်ချီသည် လက်ကို ဆန့်ထုတ်လိုက်ရာ အလင်းတန်းများ တောက်ပနေသော ကောင်းကင်ဧကရာဇ်၏စီရင်ချက်ဓားတော် ထွက်ပေါ်လာသည်။

ဧကရာဇ်တစ်ပိုင်း အဆင့် ၉ အစွမ်းကို အသုံးပြုကာ ယင်ချီက ဓားချက်တစ်ချက် လွှတ်လိုက်သည်။

ကောင်းကင်ယံတွင် နတ်ဘုရားလက်နက်ပေါင်း ကုဋေကုဋာ ပေါ်ထွက်လာပြီး မိစ္ဆာဧကရာဇ်ဆီသို့ ဦးတည်သွားတော့သည်။

ဤမျှကြီးမားသော လှုပ်ခတ်မှုကြောင့် အပြာရောင်နယ်မြေတစ်ခုလုံး တုန်လှုပ်သွားသည်။

ယန်ယွဲ့တောင်တန်းရှိ ပညာရှင်များမှာလည်း မိမိတို့၏ အကြောသခင်နှစ်ဦးအတွက် စိုးရိမ်နေကြစဉ် တောင်တန်းကြီး၏ အောက်ခြေမှ ရှေးဟောင်းအရှိန်အဝါတစ်ခု နိုးထလာခဲ့သည်။

ဝုန်း... ဝုန်း...

တိမ်တိုက်များကြားမှ ကျောက်တုံးကြီးတစ်ခုကဲ့သို့ ကြီးမားလှသော လိပ်နက်ကြီး၏ ဦးခေါင်း ထွက်ပေါ်လာသည်။

သူကား ယန်ယွဲ့တောင်တန်း၏ အရှင်သခင် ရှေးဟောင်းလိပ်နက်ကြီးပင် ဖြစ်သည်။

"မစိုးရိမ်ကြနဲ့ ငါကိုယ်တိုင် မဟာချင်ကို သွားကြည့်လိုက်မယ်"

တောင်သခင်၏အသံသည်ပင်လယ်လှိုင်းလုံးကြီးများကဲ့သို့ဟိန်းထွက်သွားပြီးယန်ယွဲ့တောင်တန်းရှိကျင့်ကြံသူအားလုံးရိုသေစွာဦးညွှတ်လိုက်ကြသည်။