အခန်း (၈၂)  ပြန်လည်ရောက်ရှိခြင်း

"ကောင်းပြီ ဒါဆို အကြောသခင် လျူနဲ့ အကြောသခင်ရွှီတို့ သွားကြ"

ယန်ယွဲ့တောင်တန်း၏ တောင်ထိပ်သခင်က အမိန့်ပေးလိုက်သည်။

ဧကရာဇ်တစ်ပိုင်း အဆင့် ၄နီးပါးရှိသော အကြောသခင်နှစ်ဦးအတွက် အဆင့် ၃ သာရှိသော ကျူးကျော်သူကို နှိမ်နင်းရန်မှာ ခက်ခဲလိမ့်မည်မဟုတ်ဟု သူတို့ ယုံကြည်နေကြသည်။

တစ်ချိန်တည်းမှာပင် မဟာချင်၏ ယန်ဝူးဧကရာဇ်မြို့တော်ကောင်းကင်ယံတွင် ကြောက်မက်ဖွယ်ရာ ဟင်းလင်းပြင် အက်ကြောင်းကြီးတစ်ခု ပေါ်လာသည်။

၎င်းအတွင်းမှ ထွက်ပေါ်လာသော အရှိန်အဝါများမှာ စက်ဆုပ်ရွံရှာဖွယ်ကောင်းပြီး မှောင်မိုက်နေသည်။

"ယင်ချီ... ထွက်ခဲ့စမ်း"

ယင်လီယန်သည် အက်ကြောင်းအတွင်းမှ ထွက်လာသည်။

သူ၏ တစ်ကိုယ်လုံးတွင် အနီရောင်အမွှေးအမျှင်များ ဖုံးလွှမ်းနေပြီး ဆွေးမြည့်နေသော အနံ့အသက်များ ထွက်ပေါ်နေသည်။

သူ၏ ဟိန်းဟောက်သံကြောင့် မြို့တော်အတွင်းရှိ သန်းပေါင်းများစွာသော သက်ရှိများမှာ သတိလစ်မေ့မြောကုန်ကြသည်။

"အစီရင်စုတွေကို အသက်သွင်းကြ"

ပိုင်ချီ နှင့် မီးတိမ်မိစ္ဆာတို့၏ ဦးဆောင်မှုဖြင့် မြို့တော်ရှိ အစီအရင်များအားလုံးကို အသက်သွင်းလိုက်သော်လည်း ဧကရာဇ်တစ်ပိုင်း အဆင့် ၁ ကို တားဆီးနိုင်သော ထိုအစီအရင်များသည် ယင်လီယန်၏ အရှိန်အဝါကြောင့်ပင် တစ်ခုပြီးတစ်ခု ပြိုကွဲပျက်စီးသွားတော့သည်။

ယင်လီယန်သည် မဟာချင်နန်းတော်ကို စိုက်ကြည့်ကာ စိတ်မရှည်စွာဖြင့် အော်ဟစ်လိုက်သည်။

"ယင်ချီ မင်း ထွက်မလာရဲဘူးလား ဒါဆိုရင် မင်းရဲ့မဟာချင်တစ်နိုင်ငံလုံးကို ငါ သတ်ဖြတ်ပစ်မယ်"

ဤခြိမ်းခြောက်မှုကြောင့် ဘေးပတ်ဝန်းကျင်ရှိ မဟာဝေအပါအဝင် သန့်ရှင်းသော မင်းဆက် ၆ ခုစလုံး တုန်လှုပ်ချောက်ချားသွားကြသည်။

သို့သော် မဟာဝေ၏ နန်းတော်အတွင်းရှိ နန်ကုန်းဝူမုန့် ကမူ အေးအေးဆေးဆေးပင် လက်ဖက်ရည်သောက်ရင်း ဒါဟာ ငါတို့အတွက် အခွင့်အရေးပဲ။

မဟာချင်သာ ပျက်စီးသွားရင် ငါတို့ မဟာဝေက ဒီနယ်မြေတစ်ခုလုံးကို သိမ်းပိုက်နိုင်လိမ့်မယ်" ဟု ပြုံးလျက် ဆိုနေသည်။

ယင်လီယန်က မြို့တော်ကို သတ်ဖြတ်ရန် ပြင်နေစဉ် ယန်ယွဲ့တောင်တန်းမှ အကြောသခင် နှစ်ဦး ရောက်ရှိလာသည်။

"ဘယ်လောက်တောင် ရဲတင်းသလဲ ငါတို့ ယန်ယွဲ့တောင်တန်း နယ်မြေထဲမှာ ပြဿနာလာရှာရဲတယ်လား အခုချက်ချင်း လက်နက်ချစမ်း"

မျောက်မျက်နှာနှင့် အဘိုးအို (အကြောသခင် ရွှီ) က ဟိန်းဟောက်လိုက်သည်။

သို့သော် ယင်လီယန်မှာမူ ဂရုမစိုက်ဘဲ သူ၏ လက်ဝါးအတွင်းမှ ထူးဆန်းသော သင်္ကေတများကို ထုတ်ဖော်လိုက်သည်။

ယင်လီယန်၏ စိတ်ထဲတွင် မိစ္ဆာဧကရာဇ်၏ အသံက မြည်ဟည်းနေသည်။

ကောင်လေး... ဒီ ဧကရာဇ်တစ်ပိုင်း အဆင့် ၄ နီးပါးရှိတဲ့ နှစ်ယောက်ရဲ့ သွေးနဲ့ အနှစ်သာရကို စုပ်ယူလိုက်ရင် မင်းရဲ့ ကျင့်ကြံခြင်းက အများကြီး တိုးတက်လာလိမ့်မယ်။

ငါ မင်းကို ဝိညာဉ်လုယူခြင်း ပညာရပ်သင်ပေးမယ်။

ယင်လီယန်သည် ထိုပညာရပ်ကို အသက်သွင်းလိုက်သည်နှင့် တစ်ပြိုင်နက် ကောင်းကင်ကြီးတစ်ခုလုံး မှောင်အတိ ကျသွားသည်။

ယန်ယွဲ့တောင်တန်းမှ အကြောသခင် နှစ်ဦးမှာလည်း သူတို့၏ အသက်စွမ်းအားများ လျင်မြန်စွာ ဆုတ်ယုတ်လာသည်ကို ခံစားလိုက်ရသည်။

"ဒါ... ဒါကကမ္ဘာပြင်ပကတားမြစ်ပညာရပ်ပဲ"