အခန်း (၈၁)  ယန်ယွဲ့တောင်တန်း

ယင်လီယန်က သူ၏ ဧကရာဇ်တစ်ပိုင်း အဆင့် ၃အရှိန်အဝါကို ထုတ်ဖော်လိုက်သည့် ခဏ၌ ဓားတစ်ထောင် ဧကရာဇ်ဂိုဏ်းတစ်ခုလုံး တုန်ဟည်းသွားခဲ့သည်။

သူတော်စင်များစွာမှာ အံ့အားသင့်သွားကြပြီး သာမန်တပည့်များမှာမူ ထိုဖိအားကြောင့် ဒဏ်ရာရကာ သွေးအန်သည်အထိ ဖြစ်ခဲ့ရသည်။

ယင်လီယန်သည် ယခင်က သူ့ကို စွန့်ပစ်ခဲ့သော ဂိုဏ်းအပေါ်၌ အမုန်းတရားများ ရှိနေသော်လည်း ဂိုဏ်း၏ အစွမ်းထက်လှသော ကြွင်းကျန်ရစ်သော နတ်ဘုရားအစီအရင်နှင့် အဆင့်မြင့်အကြီးအကဲများကို ကြောက်ရွံ့သဖြင့် ဘာမှမလုပ်ရဲဘဲ မဟာချင်ရှိရာသို့ အရှိန်အဟုန်ဖြင့် ထွက်ခွာသွားတော့သည်။

ယင်လီယန်၏ အရှိန်အဝါကြောင့် ၎င်းနှင့် နယ်မြေချင်း ထိစပ်နေသော ယန်ယွဲ့တောင်တန်းရှိ ထိပ်သီးပညာရှင်များ နိုးကြားလာခဲ့သည်။

ရွှေရောင်ရေတံခွန်ကြီးတစ်ခု၏ အောက်တွင် ဝေဝါးသော ပုံရိပ်များစွာ ပေါ်လာပြီး ၎င်းတို့မှာ ယန်ယွဲ့တောင်တန်း၏ တောင်ထိပ်သခင်များနှင့် အကြောသခင်များ ဖြစ်ကြသည်။

 အကြောသခင်: ဧကရာဇ်တစ်ပိုင်း အဆင့် ၁ မှ ၃ အထိ ရှိသူများ။

 တောင်ထိပ်သခင်: ဧကရာဇ်တစ်ပိုင်း အဆင့် ၄ နှင့် အထက် ရှိသူများ။

 ဂိုဏ်းချုပ်: ယန်ယွဲ့တောင်တန်း၏ အမြင့်ဆုံးနှင့် အစွမ်းအထက်ဆုံးပုဂ္ဂိုလ်။

၎င်းတို့သည် မိမိတို့၏ နယ်မြေအတွင်းသို့ ခွင့်ပြုချက်မရှိဘဲ ကျူးကျော်ဝင်ရောက်လာသည့် ဧကရာဇ်တစ်ပိုင်း၏ အကြောင်းကို ဆွေးနွေးကြသည်။

ထိုသူမှာ ဓားတစ်ထောင် ဧကရာဇ်ဂိုဏ်းမှ ဖြစ်ကြောင်း သိလိုက်ရသောအခါ အားလုံးက ဒေါသထွက်သွားကြသည်။

မြင်းမျက်နှာနှင့် အကြောသခင် လျူက ဒေါသတကြီးဖြင့် ထိုသူကို သတ်ပစ်ရန် အဆိုပြုခဲ့သည်။

သို့သော် မြွေနှင့်တူသော မျက်နှာရှိသည့် အခြားအကြောသခင် အဘိုးအိုတစ်ဦးက ကန့်ကွက်လိုက်သည်။

လျူ... စိတ်အေးအေးထားစမ်း ဓားတစ်ထောင်ဂိုဏ်းနဲ့ ငါတို့ကြားမှာ ပြဿနာတွေ ရှိပေမဲ့ စစ်ဖြစ်ရလောက်အောင်တော့ မဟုတ်သေးဘူး။

ဧကရာဇ်တစ်ပိုင်း အဆင့် ၃ တစ်ယောက်ကို သတ်လိုက်ရင် စစ်ပွဲကြီး ဖြစ်သွားနိုင်တယ်။

သူ၏ အကြံပြုချက်မှာ ထိုသူကို ဖမ်းဆီးထားပြီး ဓားတစ်ထောင်ဂိုဏ်းထံမှ ဝိညာဉ်ကျောက်တုံးများဖြင့် ပြန်လည်ရွေးခိုင်းရန်ဖြစ်သည်။

နောက်ဆုံးတွင်ဧကရာဇ်တစ်ပိုင်းအဆင့်၃ရှိသောအကြောသခင်နှစ်ဦးဖြစ်သည့်မြင်းမျက်နှာလျူနှင့်မြွေမျက်နှာအဘိုးအိုတို့သည်ယင်လီယန်ကိုတားဆီးရန်ထွက်ခွာသွားကြတော့သည်။