အခန်း (၈၀)  အထွတ်အထိပ်သူတော်စင်အဆင့်

အချိန်ဟူသည် စီးဆင်းသွားသော ရေကဲ့သို့ပင် နောက်ကြောင်းပြန်လှည့်ရိုး ထုံးစံမရှိပေ။

 မျက်တောင်တစ်ခတ်အတွင်းမှာပင် နှစ်ပေါင်း ၁၀၀ ခန့် ကုန်ဆုံးသွားခဲ့ပြီ ဖြစ်သည်။

အပြာရောင်နယ်မြေ၏ အစွန်အဖျားရှိ ကျယ်ပြောလှသော သဲကန္တာရကြီးအတွင်း၌ မိုးကြိုးများ စုဝေးနေပြီး ဘေးဒုက္ခအလင်းတန်းများ တောက်ပနေသည်။

မုန်တိုင်း၏ ဗဟိုချက်တွင် လူရိပ်တစ်ဦးသည် မလှုပ်မယှက် ရပ်နေပြီး ဆက်တိုက်ကျရောက်လာသော သတ်ဖြတ်ခြင်းဘေးဒုက္ခများကို ခံယူနေသည်။

နောက်ဆုံးတော့... ငါ အောင်အောင်မြင်မြင် ကျော်ဖြတ်နိုင်ခဲ့ပြီ။

မိုးကြိုးတိမ်တိုက်များ ကွယ်ပျောက်သွားသောအခါ ထိုသူသည် မျက်လုံးများကို ဖြည်းညှင်းစွာ ဖွင့်လိုက်သည်။

သူကား ယင်ချီပင် ဖြစ်သည်။ ယခုအခါ သူသည် အထွတ်အထိပ် သူတော်စင်အဆင့်သို့ ရောက်ရှိသွားပြီ ဖြစ်သည်။

သူ၏ နောက်ဘက်တွင် နတ်ဘုရားဘုရင်အရှိန်အဝါများ ထွက်ပေါ်နေသော အမျိုးသမီးတစ်ဦး ပေါ်လာသည်။

သူမမှာ လွန်ခဲ့သော နှစ်ပေါင်း ၁၀၀ က ယင်ချေ ကယ်တင်ခဲ့သည့် ရန်ရော့ယောင်ဖြစ်သည်။

ယင်ချီသည် မဟာချင်နှင့် ခွဲခွာခဲ့သည်မှာ ကြာပြီဖြစ်သော်လည်း ကံကြမ္မာစက်ဝန်း အရ နိုင်ငံတော်၏ ကံကြမ္မာမှာ အမှတ် ၄၀၀ အထိ တိုးတက်လာပြီး ယခင်ကထက် ပိုမိုစည်ပင်ဝပြောနေကြောင်း သိရသည်။

ယင်ချီသည် လက်ဝါးခန့်ရှိသော နတ်ဘုရားလှေငယ်လေးကို ထုတ်လိုက်ရာ ၎င်းမှာ ပေပေါင်း ထောင်ချီကြီးမားသော စစ်သင်္ဘောကြီးအဖြစ် ပြောင်းလဲသွားသည်။

သူနှင့် ရန်ရော့ယောင်တို့သည် ထိုလှေဖြင့် မဟာချင်သို့ ပြန်ရန် ထွက်ခွာလာခဲ့ကြသည်။

ခရီးစဉ်အတွင်း ယင်ချီသည် ရန်ရော့ယောင်နှင့် စကားပြောရင်း ဤကမ္ဘာအကြောင်း ပိုမိုသိရှိလာခဲ့သည်။

 သူတို့ရှိနေသော ကမ္ဘာကို ဇူလန်ကမ္ဘာကြီး ဟု ခေါ်ပြီး နယ်မြေ (၁၀) ခု ပိုင်းခြားထားသည်။

 အပြာရောင်နယ်မြေသည် အရင်းအမြစ် အနည်းဆုံး နယ်မြေဖြစ်သော်လည်း ထာဝရရှင်သန်ခြင်း အင်အားစုနှစ်ခု ရှိသည် ကျီမျိုးနွယ်စု နှင့် ကျားမျိုးနွယ်စုတို့ ဖြစ်သည်။

 ဤအင်အားစုကြီးနှစ်ခုသည် တစ်ဖက်နှင့်တစ်ဖက် ဝါးမြိုရန် အမြဲတမ်း စစ်မက်ဖြစ်ပွားနေကြပြီး စစ်ပွဲကြီးများဖြစ်ပါက ဧကရာဇ်အရှင်များပင် သေဆုံးနိုင်ကာ ကြွင်းကျန်ရစ်သော နတ်ဘုရားများပင် ပါဝင်ပတ်သက်တတ်သည်။

ယင်ချီသည် ဤကဲ့သို့သော အင်အားစုကြီးများအကြား မဟာချင်ကို ကာကွယ်ရန်အတွက် အနည်းဆုံး ဧကရာဇ်အရှင်အဆင့်သို့ ရောက်ရှိရန် လိုအပ်ကြောင်း သိရှိပြီး ဖိအားများကို ခံစားနေရသည်။

တစ်ချိန်တည်းမှာပင် ဓားတစ်ထောင် ဧကရာဇ်ဂိုဏ်းအတွင်း၌ ယင်လီယန်သည် တစ်ကိုယ်လုံး အနီရောင်အမွှေးအမျှင်များ ဖုံးလွှမ်းကာ ကြောက်မက်ဖွယ်ကောင်းသော မိစ္ဆာအရှိန်အဝါများ ထွက်ပေါ်နေသည်။

လွန်ခဲ့သော နှစ် ၁၀၀ က အရည်အချင်းစစ်ပွဲတွင် ရှုံးနိမ့်ပြီးနောက် သူသည် စိတ်ဒဏ်ရာရကာ ကျင့်ကြံခြင်းများ ကျဆင်းသွားခဲ့သည်။

သူသည် သေကြောင်းကြံစည်ရန် ပြင်နေစဉ် မိစ္ဆာဧကရာဇ်ဟုခေါ်သော အရာတစ်ခုနှင့် စာချုပ်ချုပ်ဆိုခဲ့သည်။

သူ၏ ဝိညာဉ်ကို ရောင်းချခဲ့ရသော်လည်း သူ၏ကျင့်ကြံခြင်းမှာ ၆ လအတွင်း ဧကရာဇ်တစ်ပိုင်း အဆင့် ၃သို့ ခုန်တက်သွားခဲ့သည်။

"ယင်ချီ... မဟာချင်... မင်းတို့အားလုံး ပျက်စီးရမယ်"

ယင်လီယန်သည်သူ၏သတိစိတ်များပျောက်ဆုံးနေပြီဖြစ်သော်လည်းလက်စားချေလိုစိတ်တစ်ခုတည်းဖြင့်ဟင်းလင်းပြင်ကိုဖောက်ခွဲကာမဟာချင်အင်ပါယာရှိရာသို့ဦးတည်ထွက်ခွာသွားခဲ့ပြီဖြစ်သည်။