အခန်း (၇၆)  ဆရာက ကျင့်ကြံခြင်းဝင်နေဆဲ

"ခမည်းတော် အဘိုးတော် ဘိုးဘေးကြီး..."

ရုတ်တရက် နတ်ဘုရားတောင်တန်းကြီးပေါ်မှ မြင့်မြတ်သောအရှိန်အဝါများ ထွက်ပေါ်နေသည့် လူငယ်တစ်ဦးသည် အလန့်တကြား ပြေးထွက်လာခဲ့သည်။

ထိုလူငယ်ကို မြင်သည်နှင့် တောင်ပေါ်ရှိ ကျင့်ကြံသူအားလုံးက ရိုသေစွာ ဦးညွှတ်နှုတ်ဆက်ကြသည်။

"ဂါရဝပြုပါတယ် တပည့်ရင်းယင်"

ထိုကျင့်ကြံသူများထဲတွင် သူတော်စင်အဆင့် အစောပိုင်းရောက်နေသူများပင် ပါဝင်သော်လည်း ဤလူငယ်မှာမူ စစ်မှန်သောနတ်ဘုရားအဆင့်သာရှိသေးသည်။

သို့သော် သူ၏ဆရာမှာ ဓားတစ်ထောင် ဧကရာဇ်ဂိုဏ်း၏ ဧကရာဇ်တစ်ပိုင်းအဆင့်ရှိသော အကြီးအကဲတစ်ဦး ဖြစ်နေသဖြင့် အားလုံးက သူ့ကိုရိုသေကြခြင်းဖြစ်သည်။

ဤလူငယ်မှာ အခြားသူမဟုတ် ရှန့်မင်းဆက်၏ ဒုတိယမြောက် တော်ဝင်မြေးတော် ယင်လီယန်ပင် ဖြစ်သည်။

ယင်လီယန်သည် ဟင်းလင်းပြင်ကို ဖြတ်ကျော်ပြေးလွှားရင်း သူ၏ စိတ်ထဲတွင် မယုံနိုင်စရာ သတင်းများက ခြောက်လှန့်နေသည်။

ယင်ချီ... အဲ့ဒီအဓမ္မကောင် ယင်ချီ သူက ပြည်နှင်ဒဏ်ပေးခံရတဲ့ အပြစ်သားတစ်ယောက်ပဲ ဘယ်လိုလုပ်ပြီး ဧကရာဇ်တစ်ပိုင်း အဆင့် စွမ်းအားတွေရှိနေရတာလဲ ခမည်းတော်တို့၊ ဘိုးဘေးကြီးတို့ အားလုံး ကျဆုံးကုန်ပြီတဲ့လား ဒါမဖြစ်နိုင်ဘူး။

သူသည် စိတ်လှုပ်ရှားလွန်းသဖြင့် ပါးစပ်မှ သွေးတစ်လုပ် အန်ထုတ်လိုက်ရပြီး ချီဖောက်ပြန်မည့် အခြေအနေသို့ ရောက်ရှိသွားသည်။

"ယင်လီယန် သတိထားစမ်း"

ဟိန်းဟောက်သံကြီးတစ်ခုက ယင်လီယန်၏ စိတ်ကို ပြန်လည်စုစည်းပေးလိုက်သည်။

သူ့ရှေ့တွင် ဝေဝါးသော ပုံရိပ်တစ်ခု ရပ်နေသည်။ ထိုသူမှာ ယင်လီယန်၏ စီနီယာအစ်ကိုကြီး ဖုန်းယန်ဖြစ်ပြီး ဧကရာဇ်တစ်ပိုင်းနယ်ပယ်သို့ ရောက်ရှိနေသော ထိပ်သီးပညာရှင်တစ်ဦး ဖြစ်သည်။

ယင်လီယန်၏ဆရာမှာ သစ်သားဧကရာဇ်ရှောင်ယီချန်းဖြစ်ပြီး ဧကရာဇ်တစ်ပိုင်း အဆင့် ၄ ရှိသည်။

သူ့တွင် တပည့်ရင်း ၇ ဦးရှိရာ ယင်လီယန်မှာ အငယ်ဆုံးဖြစ်သည်။

စီနီယာအစ်ကိုကြီး ဖုန်းယန်က ဧကရာဇ်တစ်ပိုင်းနယ်ပယ်သို့ ရောက်နေပြီး ကျန်ရှိသော စီနီယာ ၅ ဦးမှာလည်း အထွတ်အထိပ် သူတော်စင်များ ဖြစ်ကြသည်။

ယင်လီယန်က ငိုယိုကာ သူ၏ မင်းဆက် ပျက်စီးသွားပုံကို ပြောပြပြီး ဆရာဖြစ်သူကို တွေ့ခွင့်တောင်းသည်။

သို့သော် ဖုန်းယန်က ဆရာဖြစ်သူမှာ အဆင့် ၅ သို့ တက်လှမ်းရန် ကျင့်ကြံခြင်းဝင်နေသဖြင့် တွေ့၍မရကြောင်း ပြောကြားခဲ့သည်။

ဖုန်းယန်က ယင်လီယန်ကို နှစ်သိမ့်ရင်း အကြံတစ်ခု ပေးလိုက်သည်။

ညီလေး မင်း ဆရာ့ကို အကူအညီတောင်းလို့မရပေမဲ့ ဂိုဏ်းရဲ့ အကူအညီကိုတော့ ယူလို့ရတယ်။

နောက် ၆ လမှာ ဂိုဏ်းတွင်း အရည်အချင်းစစ်ပွဲရှိတယ်။ အဲဒီမှာ မင်းက ထိပ်ဆုံး ၃ ယောက်ထဲဝင်အောင် လုပ်နိုင်ရင် ဂိုဏ်းချုပ်ကြီးဆီကနေ တောင်းဆိုမှုတစ်ခု လုပ်လို့ရတယ်။"

ဂိုဏ်းချုပ်ကြီးရဲ့ ကျင့်ကြံခြင်းက ဧကရာဇ်တစ်ပိုင်း အဆင့် ၇အထိရှိတယ်။ သူသာ လှုပ်ရှားမယ်ဆိုရင် အဲ့ဒီ မဟာချင်ဆိုတာကို အလွယ်တကူ ချေမှုန်းပစ်နိုင်လိမ့်မယ်။

ယင်လီယန်၏ မျက်လုံးများတွင် မျှော်လင့်ချက် အရောင်အဝါများ ပြန်လည်တောက်ပလာသည်။

သို့သော် ဂိုဏ်းတွင်းရှိ ထောင်သောင်းချီသော ပါရမီရှင်များကြားတွင် ထိပ်ဆုံး ၃ ယောက်စာရင်းဝင်ရန်မှာ အလွန်ခက်ခဲလှသည်။

ဖုန်းယန်က ယင်လီယန်ကို စိတ်သက်သာရာရစေရန်သာ ပြောလိုက်ခြင်းဖြစ်ပြီး ယခုမျိုးဆက်တွင် ယခင်ဘဝက ဧကရာဇ်တစ်ပိုင်းများအဖြစ်မှ ပြန်လည်ဝင်စားလာသူများပင်ရှိနေကြောင်း သူ သိထားသည်။