အခန်း (၇၅) - ကိုယ်စီကိုယ်ငှလျှို့ဝှက်အစီအစဉ်များ

မင်းတို့ကို မဟာဝေမင်းဆက်ကို စုဝေးခိုင်းရတဲ့ အကြောင်းရင်းကို မင်းတို့အားလုံး သိကြမှာပါ။

ရှန့်မင်းဆက်ကတော့ ကျရှုံးသွားပြီ အသစ်ပေါ်ထွက်လာတဲ့ မဟာချင်မှာတော့ ဧကရာဇ်တစ်ပိုင်းအဆင့် တန်ခိုးရှင်တစ်ဦးရှိနေတယ်။

ဒါက ဘာကိုဆိုလိုသလဲဆိုတာ မင်းတို့ နားလည်ကြမှာပါ။

နန်းဂုဏ်ဝူမုန်းသည် သံတမန် ၅ ဦးကို ကြည့်ကာ တည်ငြိမ်စွာ ပြောဆိုလိုက်သော်လည်း သံတမန်များ၏ စိတ်အခြေအနေမှာမူ အလွန်ပင် လေးလံနေကြသည်။

ရှန့်မင်းဆက်၏ ပြည်နယ် ၇၂ ခုမှာ ၎င်းတို့ ၆ နိုင်ငံနှင့် နယ်နိမိတ်ချင်း ထိစပ်နေသည်။

အင်အားကြီးသော ရှန့်မင်းဆက် ပျက်စီးပြီး ပိုမိုအစွမ်းထက်သော မဟာချင်ပေါ်ထွက်လာခြင်းမှာ ၎င်းတို့အတွက် ကြီးမားသော ခြိမ်းခြောက်မှုပင် ဖြစ်သည်။

မဟာကျောက် သံတမန်က စိုးရိမ်တကြီးဖြင့် ၎င်းတို့၏ အင်အားမှာ မဟာချင်ကို ယှဉ်နိုင်မည်မဟုတ်ကြောင်း ပြောကြားခဲ့သည်။

မဟာဟန်သံတမန်မှာမူ အပျက်အစီးခံရဆုံး ဖြစ်နိုင်သဖြင့် နန်းဂုဏ်ဝူမုန်း၏ အစီအစဉ်ကို အကြွင်းမဲ့ ထောက်ခံရန် ဆုံးဖြတ်ထားသည်။

နန်းဂုဏ်ဝူမုန်းက ၆ နိုင်ငံ မဟာမိတ်ဖွဲ့ရန် အကြံပြုခဲ့သော်လည်း မဟာကျင်းသံတမန်က ငြင်းပယ်ခဲ့သည်။

မဟာကျင်းသည် အခြားနိုင်ငံများနှင့် မတူဘဲ အထက်လွှတ်တော်၊ အလယ်လွှတ်တော်နှင့် အောက်လွှတ်တော် ဟူသော ကောင်စီ ၃ ခုဖြင့် အုပ်ချုပ်ပြီး ကျင့်ကြံသူအားလုံး တန်းတူညီမျှရေးကို ရှေ့တန်းတင်သဖြင့် စည်းလုံးမှု အလွန်အားကောင်းသည်။

နန်းဂုဏ်ဝူမုန်းသည် ထိုသို့ အလားအလာရှိသော မဟာကျင်းကိုအစောကြီးကတည်းက မျက်စိစပါးမွေး စူးနေခဲ့သည်။

ယန်ဝူးဧကရာဇ်မြို့တော်ရှိ နန်းတော်အတွင်း၌ ယင်ချီသည် ကောင်းကင်ယံကို ကြည့်နေသည်။

သူ၏နိုင်ငံတော်ကံကြမ္မာမှာ ၂၀၀ အထိ မြင့်တက်သွားပြီဖြစ်ရာ အချက်အလက် ၂၀၀ သန်းနှင့် ညီမျှသည်။

သူသည် အောက်ပါ ထူးခြားစွမ်းရည်နှစ်ခုကို ရယူလိုက်သည်။

 မသေနိုင်သောခန္ဓာကိုယ်: လစဉ် ရှင်သန်ထမြောက်ခြင်း ချပ်ဝတ်တန်ဆာတစ်ခု ရရှိမည်ဖြစ်ပြီး မဟာချင်နယ်မြေအတွင်း သေဆုံးပါက တစ်ကြိမ်ပြန်လည် အသက်ရှင်နိုင်သည်။

  ဧကရာဇ်၏အပြစ်ပေးခြင်း: မဟာချင်နယ်မြေအတွင်းရှိ ရန်သူအားလုံး၏ စွမ်းအားကို ၅၀ ရာခိုင်နှုန်းတိုက်ရိုက် လျှော့ချပစ်နိုင်သည်။

ဤစွမ်းရည်များကြောင့် ယင်ချီသည် သူတော်စင်အဆင့်သို့ တက်လှမ်းနိုင်ပါက ဧကရာဇ်တစ်ပိုင်း အဆင့် ၄ အောက်ရှိသူ မှန်သမျှကို မဟာချင်နယ်မြေအတွင်း အနိုင်ယူနိုင်မည် ဖြစ်သည်။

ယခု သူသည် သူတော်စင်ဘေးဒုက္ခကို ကျော်ဖြတ်ရန် ပြင်ဆင်နေပြီ ဖြစ်သည်။

ယင်ချီက ကံကြမ္မာစက်ဝန်းတွင် ကံစမ်းမဲ ၅၀၀ ကြိမ် နှိပ်ရန် ပြင်ဆင်နေချိန်၌ မိုင်ပေါင်း ကုဋေကုဋာ ဝေးကွာသော ဓားတစ်ထောင် ဧကရာဇ်ဂိုဏ်းတည်ရှိရာ တောင်တန်းကြီးပေါ်တွင် နာကျင်ကြေကွဲစရာ အော်ဟစ်သံကြီးတစ်ခု ပဲ့တင်ထပ်သွားခဲ့သည်။

၎င်းမှာ မိမိ၏မိသားစုနှင့် မင်းဆက်တစ်ခုလုံး ပျက်စီးသွားကြောင်း သိလိုက်ရသော ယင်လီယန်ပင် ဖြစ်သည်။

သူ၏မျက်ဝန်းများမှာသွေးအလားနီမြန်းနေပြီးအမုန်းတရားများဖြင့်ပြည့်နှက်နေတော့သည်။