အခန်း (၆၈) - ရှန့်မင်းဆက်၏ ရှေးဟောင်းဘိုးဘေး

"ငါ... ငါ... အဲဒီတုန်းက..."

ရှန့်ဧကရာဇ်သည် ယင်ချီကို ကြည့်ရင်း အတင်းအကျပ် စိတ်အေးအေးထားရန် ကြိုးစားနေသည်။

အသက်ရှင်လိုစိတ် ပြင်းပြနေသဖြင့် သူသည် မြင့်မြတ်သောမင်းဆက်ဧကရာဇ်ဆိုသည့် ဂုဏ်သိက္ခာကို စွန့်လွှတ်ကာ ဆက်ပြောလိုက်သည်။

အဲဒီတုန်းက အားလုံးက နားလည်မှုလွဲတာပါ။ မင်းကို ဘာရန်ပြည်နယ်ဆီ ပြည်နှင်ဒဏ်ပေးတာ ငါ့ဆန္ဒမဟုတ်ဘူး နန်းတွင်းထဲက သစ္စာဖောက်အမတ်တွေ ရှုပ်အောင်လုပ်လို့ပါ။ ခမည်းတော်ကို ခွင့်လွှတ်ပေးနိုင်မလား။

အတိတ်က အကြောင်းတွေကို မေ့လိုက်မယ်ဆိုရင် ဒီနေ့ကစပြီး မင်းက ရှန့်မင်းဆက်ရဲ့ ဧကရာဇ်သစ်ပဲ ငါ နန်းစွန့်ပေးမယ် နန်းတော်ထဲမှာပဲ အေးအေးဆေးဆေး နေပါတော့မယ်။

ယင်ချီသည် ထိုစကားကို ကြားသောအခါ ရယ်ချင်စိတ်ကို မနည်းအောင့်ထားရသည်။

 ရှန့်မင်းဆက်၏ဧကရာဇ်သစ် ဖြစ်ရမည်လား သူ လုံးဝစိတ်မဝင်စားပေ။

အဓိကမှာ မဟာချင်မင်းဆက်နယ်မြေအတွင်း၌သာ သူသည် စွမ်းအားမြှင့်တင်မှုနှင့် ကျွမ်းကျင်မှုပေါင်းများစွာကို ရရှိနိုင်သောကြောင့် ဖြစ်သည်။

ရန်မန်ဘိုးဘေးကြီးက ဧကရာဇ်၏ အရှက်မရှိမှုကို လှောင်ပြောင်လိုက်ပြီး သူ၏ အသံကို တစ်လောကလုံး ကြားအောင် ဖြန့်ဝေလိုက်သည်။

ဧကရာဇ်တစ်ပိုင်းတစ်ဦး ပေါ်ထွက်လာပြီဖြစ်ကြောင်း သိလိုက်ရသောအခါ အနီးနားရှိ မင်းဆက်များနှင့် ထိပ်တန်းမျိုးနွယ်စုများမှာ တုန်လှုပ်ကုန်ကြသည်။

ခဏချင်းမှာပင် ရှန့်မင်းဆက်၏ ပြည်နယ် ၇၂ ခုအနက် ထက်ဝက်ကျော်မှာ လွတ်လပ်ရေး ကြေညာလိုက်ကြသည်။

ရှန့်မင်းဆက်​ကို အပြစ်ပေးရမယ် ငါတို့ကျင်းယွမ်မင်းဆက် ရဲ့ စစ်သည်တော် ၃ သန်းဟာ ချင်ဧကရာဇ်ကိုယ်စား ရှန့်မင်းဆက်ကို တိုက်ခိုက်ဖို့အသင့်ပဲ။

ဧကရာဇ်တစ်ဦးကို စော်ကားတာဟာ သေထိုက်တဲ့အပြစ်ပဲ ငါတို့ဝမ်မျိုးနွယ်စုကလည်း ရှေ့တန်းကနေ တိုက်ပေးမယ်။

ယင်ချီဘာမှမလုပ်ရသေးခင်မှာပင် ရှန့်မင်းဆက်မှာ အရပ်ရပ်မှ ဝိုင်းဝန်းပိတ်ဆို့ တိုက်ခိုက်ခြင်းကို ခံလိုက်ရတော့သည်။

ဤသည်မှာ ဧကရာဇ်တစ်ပိုင်း တစ်ဦး၏ သြဇာအာဏာပင် ဖြစ်သည်။

ရှန့်ဧကရာဇ်က ယင်ချီသည်လည်း ယင်မျိုးနွယ်ဝင် တစ်ဦးဖြစ်သဖြင့် မင်းဆက်ကို မဖျက်ဆီးရန် တောင်းပန်နေသည်။

သို့သော် ယင်ချီအတွက်မူ ဆယ်နှစ်တုန်းက သူ ပြည်နှင်ဒဏ်ပေးခံရချိန်၌ တစ်ဦးတစ်ယောက်မျှ ရှေ့နေမလိုက်ပေးခဲ့သော အတိတ်က ထင်ထင်ရှားရှား ရှိနေဆဲပင်။

စိတ်အေးအေးထားပါ ခမည်းတော် ကျွန်တော်ကိုယ်တိုင်တော့ ခမည်းတော်ကို သတ်မှာမဟုတ်ပါဘူး။

ဧကရာဇ်မှာ ဝမ်းသာသွားသော်လည်း ချက်ချင်းပင် ယင်ချီ၏ ဧကရာဇ်တစ်ပိုင်း စွမ်းအားများက ကျဆင်းလာပြီး သူ၏ ကျင့်ကြံခြင်းကို ဖျက်ဆီးပစ်လိုက်သည်။

ပိုင်ချီ ငါ့ခမည်းတော်ကို လမ်းပို့ပေးလိုက်ပါ။ ဒါပေမဲ့ သတိထားနော် ငါ့ခမည်းတော်ကို သိက္ခာရှိရှိ ထွက်ခွာသွားခွင့်ပေးပါ။ သူက ဧကရာဇ်တစ်ပါးပဲ ကောင်းကောင်းမွန်မွန် ဆက်ဆံရမယ်။

ယင်ချီသည် သူကိုယ်တိုင် ဖခင်ကို မသတ်ဘဲ ပိုင်ချီကို သတ်ခိုင်းခြင်းဖြစ်သည်။

ပိုင်ချီအတွက်မူ သတ်ဖြတ်ခြင်းမှာ ကျင့်ကြံခြင်းတစ်မျိုးဖြစ်ပြီး ဧကရာဇ်ကဲ့သို့ သူတော်စင်အဆင့်ရှိသူကို သတ်ဖြတ်ခြင်းက သူတော်စင်အဆင့်သို့ တိုက်ရိုက်တက်လှမ်းနိုင်မည့် မျှော်လင့်ချက်ဖြစ်လာစေသည်။

ပိုင်ချီသည် သူ၏ ဓားကို ဆွဲထုတ်လိုက်သောအခါ ဧကရာဇ်မှာ ထိတ်လန့်တကြား အော်ဟစ်လိုက်သည်။

မဟုတ်ဘူး ငါကမင်းရဲ့အဖေလေ မင်း... သစ္စာဖောက် အဲဒီတုန်းက မင်းကို အပိုင်းပိုင်းဖြတ်ပြီး သတ်ပစ်ခဲ့ရမှာ။

သေခြင်းတရားနှင့် ရင်ဆိုင်ရသောအခါ ဧကရာဇ်သည် နောက်ဆုံးမျှော်လင့်ချက်အဖြစ် အော်ဟစ်လိုက်သည်။

ရှေးဟောင်းဘိုးဘေးကြီး ရှေးဟောင်းဘိုးဘေးကြီး... ကျွန်တော့်ကို ကယ်ပါဦး။

ဝှုန်း

ကောင်းကင်ယံ မိုင်ပေါင်း သိန်းချီသော နေရာ၌ ဧရာမ ရှေးဟောင်းလူသား မျက်နှာကြီးတစ်ခု ပေါ်ထွက်လာခဲ့သည်။

၎င်းထံမှ ထွက်ပေါ်လာသော ဖိအားမှာ အထွတ်အထိပ်သူတော်စင်များကိုပင် တုန်လှုပ်သွားစေသည်။

၎င်းမှာရှန့်မင်းဆက်၏အင်အားအကြီးဆုံးပုဂ္ဂိုလ်ဖြစ်ပြီးဧကရာဇ်တစ်ပိုင်းအဆင့်နှင့်အလွန်နီးစပ်နေသူဖြစ်သည်။