အခန်း (၆၄)  သူတော်စင်တို့၏စစ်ပွဲ

ရန်မန်မျိုးနွယ်စု၏ ရှေးဟောင်းဘိုးဘေးကြီးထံမှ ထွက်ပေါ်လာသော ဖိအားကြောင့် ရှန့်ဧကရာဇ်၏ မျက်ဝန်းတွင် အံ့အားသင့်ရိပ် ခဏတာ ဖြတ်ပြေးသွားသော်လည်း ချက်ချင်းပင် တည်ငြိမ်သွားခဲ့သည်။

နှစ်သန်းပေါင်းများစွာ အသက်ကို မနည်းဆက်ထားရတဲ့ အပြစ်သားတစ်ယောက်ပဲ မင်းရဲ့အသက်ဓာတ်တွေ ကုန်ဆုံးသွားတဲ့အထိ ဘာရန်ပြည်နယ်ထဲမှာ ပုန်းနေသင့်တာ။ အခုတော့ မင်းက သေလမ်းကို ကိုယ်တိုင် ရွေးချယ်လိုက်တာပဲ။

ဧကရာဇ်သည် သူ၏ ရထားလုံးပေါ်တွင် ထိုင်နေရင်း လက်တစ်ချက် ဝေ့ယမ်းလိုက်ရာ ပြည့်စုံသော သူတော်စင်အဆင့် ဥပဒေသစွမ်းအားများ ကျဆင်းလာပြီး ဘိုးဘေးကြီးကို တိုက်ခိုက်တော့သည်။

ထိုတိုက်ခိုက်မှုတွင် သူတော်စင်တစ်ပါး၏ မဟာစွမ်းအားများ၊ ထူးကဲသော စွမ်းရည်များနှင့် အဖိုးတန်အတတ်ပညာပေါင်းများစွာ ပါဝင်နေသဖြင့် ကောင်းကင်နှင့် မြေကြီးမှာ တုန်ခါသွားခဲ့သည်။

ဘာရန်ပြည်နယ်၌ ဖြစ်ပွားနေသော ဤသူတော်စင်တိုက်ပွဲကို ရှန့်မင်းဆက်အတွင်းရှိ အခြားသော ပြည်နယ်များမှ ထိပ်တန်းအင်အားစုများက စောင့်ကြည့်နေကြသည်။

အချို့မှာ ဤအခွင့်အရေးကို အသုံးချ၍ ပုန်ကန်ရန် ပြင်ဆင်နေကြသော်လည်း မိုးပြာရောင်ပြည်နယ်မှ ဘိုးဘေးကြီးတစ်ဦးက တားမြစ်လိုက်သည်။

မလုပ်နဲ့ဦး... ရှန့်မင်းဆက်ရဲ့ ဖုံးကွယ်ထားတဲ့ အင်အားကို အထင်မသေးနဲ့။ အဓိကက မင်းဆက်ရဲ့ အင်အားတင်မဟုတ်ဘူး သူတို့ရဲ့ ဒုတိယမြောက် တော်ဝင်မြေးတော်က ဓားတစ်ထောင် ဧကရာဇ်ဂိုဏ်းရဲ့တပည့်ရင်း ဖြစ်နေတာပဲ။

ဓားတစ်ထောင် ဧကရာဇ်ဂိုဏ်း ဆိုသည်မှာ ဧကရာဇ်တစ်ပိုင်းဒါဇင်ပေါင်းများစွာ ရှိခဲ့ဖူးသော အလွန်ကြီးကျယ်သည့် အဖွဲ့အစည်းဖြစ်ပြီး ၎င်း၏အကြီးအကဲများမှာ အနည်းဆုံး ဧကရာဇ်တစ်ပိုင်း အဆင့် ၁ ရှိကြသည်။

ထို့ကြောင့် ရှန့်မင်းဆက် ပျက်စီးသွားလျှင်ပင် ဧကရာဇ်မျိုးနွယ်စုမှာ ဆက်လက် တည်တံ့နေဦးမည် ဖြစ်သည်။

တိုက်ပွဲအတွင်း၌ ရှန့်ဧကရာဇ်သည် အသက်ဓာတ် ကုန်ဆုံးလုနီးပါးဖြစ်နေသော အဖိုးအိုတစ်ဦး၏ တားဆီးခြင်းကို ခံနေရသဖြင့် ဒေါသအလွန်ထွက်လာခဲ့သည်။

ဧကရာဇ်ကို စော်ကားတာဟာ ခွင့်မလွှတ်နိုင်တဲ့ အပြစ်ပဲ အဆိပ်ရုပ်ဆိုး နဲ့ ရှန့်အစောင့်တပ်ဖွဲ့  ငါ့အမိန့်ကို နာခံကြ ဘာရန်ပြည်နယ်ထဲက သက်ရှိအားလုံးကို သတ်ပစ်ကြစမ်း။

ဤအမိန့်ကြောင့် ဘာရန်ပြည်နယ်ရှိ လူသားများသာမက ရှေးဟောင်းမျိုးနွယ်စုများပါ ထိတ်လန့်သွားကြသည်။

နှင်းလင်းယုန် ဧကရာဇ်မျိုးနွယ်စုမှ ဘိုးဘေးကြီးတစ်ဦးက ထွက်ပေါ်လာပြီး ကန့်ကွက်သော်လည်း ဧကရာဇ်က သူ့ကို လက်တစ်ချက်တည်းဖြင့် သွေးမြူအဖြစ် ပြောင်းလဲပစ်လိုက်သည်။

ယင်ချီသည် အခြေအနေအားလုံးကို တိတ်တဆိတ် စောင့်ကြည့်နေသည်။

သူ၏ ခန့်မှန်းချက်အရ သူတော်စင်အစစ်၏ စွမ်းအားမှာ အလွန်ကြီးမားလှသဖြင့် သူသာ ခွန်အားမြှင့်တင်ခြင်းကို မသုံးပါက ဧကရာဇ်ကို ခုခံနိုင်ရန် ခက်ခဲလိမ့်မည်ဖြစ်သည်။

သူသည်ရှေးဟောင်းမျိုးနွယ်စုများအသတ်ခံရခြင်းကိုမူဂရုမစိုက်ပေအကြောင်းမှာထိုမျိုးနွယ်စုများသည်လူသားများကိုအစာနှင့်ကျေးကျွန်ကဲ့သို့သဘောထားခဲ့ကြသောကြောင့်ဖြစ်သည်။