အခန်း (၅)  နယ်မြေချဲ့ထွင်ခြင်း

နာမည်မရှိတဲ့ကောင်းကင်ဖြစ်စဉ် နယ်စားမင်းတစ်ယောက်ဟာ ယွီမြို့ယှဉ်နိုင်တဲ့သူ မဟုတ်တာတော့ အမှန်ပဲ။

ဒါပေမဲ့ ယွီမြို့ရဲ့နောက်ကွယ်မှာ ဆုန့်မျိုးနွယ်စုရှိတယ်လေ အဲဒီ နာမည်မသိတဲ့ နယ်စားမင်းကသာ ယွီမြို့ကို အတင်းအကျပ် အညံ့ခံခိုင်းမယ်ဆိုရင် ဆုန့်မျိုးနွယ်စုက ဘယ်လိုမှ သဘောတူမှာ မဟုတ်ဘူး။

ဆုန့်မျိုးနွယ်စုရဲ့ဂုဏ်သတင်းကို စိန်ခေါ်ဖို့ဆိုရင် နာမည်မရှိတဲ့ နယ်စားမင်းတစ်ယောက်တည်းနဲ့တော့ အရည်အချင်း မပြည့်မီသေးပါဘူး။

"ဒီလိုလုပ်ကြရအောင် ပထမဆုံး ဆုန့်မျိုးနွယ်စုဆီကို သတင်းပို့မယ် ပြီးရင်တော့ အဲဒီ နာမည်မသိတဲ့ နယ်စားမင်း စိတ်အေးသွားအောင် ကိုယ်စားလှယ်တွေ စေလွှတ်ထားမယ်။

နောက်ထပ် ဘာဆက်လုပ်မလဲဆိုတာကိုတော့ ဆုန့်မျိုးနွယ်စုကပဲ ဆက်လက် ညှိနှိုင်းပါလိမ့်မယ်။

သံနွားမျိုးနွယ်စုခေါင်းဆောင်က တည်ငြိမ်စွာ ပြောလိုက်သည်။ သူ၏စကားအဆုံးတွင် ယွီမြို့ရှိ အခြားမျိုးနွယ်စုများကလည်း သဘောတူညီကြောင်း ဖော်ပြကြသည်။

နာမည်မသိသောနယ်စားမင်းဖြစ်စေ မိုင်ငါးသောင်းကျယ်ဝန်းသောနယ်မြေကို စိုးမိုးထားသည့် ဆုန့်မျိုးနွယ်စုဖြစ်စေ ယွီမြို့မှ မျိုးနွယ်စုများမှာ မည်သူ့ကိုမျှ မပြစ်မှားရဲကြပေ။

နှစ်ရက်တာ အချိန်မှာ မျက်တောင်တစ်ခတ်အတွင်း ကုန်ဆုံးသွားခဲ့သည်။

ခန့်ညားထည်ဝါလှသော ယန်ဝူးမြို့၏ မြို့စားနန်းတော်အတွင်း၌ ကုချန်ဟဲ နှင့် ကုရှင်းဟန် တို့သည် ယင်ချီ၏ ဘေးတွင် ရပ်နေကြသည်။

သူတို့သည် သားရေမြေပုံပေါ်ရှိ နေရာတစ်ခုကို စိုးရိမ်တကြီး ညွှန်ပြရင်းသက်ပြင်းချကာ ပြောလိုက်ကြသည်။

ချင်နယ်စားမင်းကို သတင်းပို့ပါတယ် ပတ်ဝန်းကျင်က မျိုးနွယ်စုအားလုံး စီနီယာ့ကို သစ္စာခံကြောင်းကြေညာပြီးပါပြီ။

ယွီမြို့တစ်ခုတည်းပဲ ဘာတုံ့ပြန်မှုမှ မပေးသေးတာပါ။

ယွီမြို့ရဲ့ အခြေအနေက နည်းနည်းတော့ ထူးခြားတယ်။ မိုင်တစ်ထောင်အတွင်းမှာ အကြီးဆုံးမြို့ဖြစ်သလို မြို့ထဲမှာတင် လူဦးရေ ခြောက်သန်းလောက် ရှိပါတယ်။

ဒါ့အပြင်ယွီမြို့ဟာ ဆုန့်မျိုးနွယ်စုနဲ့ အမြဲတမ်း ပတ်သက်နေခဲ့တာဆိုတော့ စီနီယာ့ရဲ့လက်အောက်ကို အလွယ်တကူ ဝင်ရောက်လာဖို့ မလွယ်လှပါဘူး။

ကုချန်ဟဲက ယင်ချီအား ယွီမြို့ကို လက်လျှော့ရန် အကြံပြုသည့်သဘောဖြင့် ပြောလိုက်သည်။ အဘယ်ကြောင့်ဆိုသော် ဆုန့်မျိုးနွယ်စုမှာ အမှန်တကယ်ပင် စိန်ခေါ်ရန် မလွယ်ကူသောကြောင့် ဖြစ်သည်။

မကြာသေးမီ နှစ်များအတွင်းမှာပင် ဆုန့်မျိုးနွယ်စုသည် နယ်စားမင်းအဆင့်ရှိသော အင်အားစုတစ်ခုထက်မကကို အမြစ်ပြတ် သုတ်သင်ခဲ့ဖူးသည်။

မူယာမင်းဆက်အတွင်း ထိပ်တန်းအင်အားစု တစ်ခုဖြစ်သော ဆုန့်မျိုးနွယ်စုသည် နောင်တစ်ချိန်တွင် ထီးနန်းကိုသိမ်းပိုက်ကာ ကိုယ်ပိုင်မင်းဆက် တည်ထောင်နိုင်မည့် မျှော်လင့်ချက်အရှိဆုံး အင်အားစုလည်း ဖြစ်သည်။

"အင်း..."

ငါ နားလည်ပြီ။ မင်းတို့ အခု သွားနားလို့ ရပြီ။

ယင်ချီ၏အကြည့်မှာ မြေပုံပေါ်ရှိ ယွီမြို့ကို ကျော်လွန်ကာ ဆုန့်မျိုးနွယ်စု၏ နယ်မြေများဆီသို့ ရောက်သွားသည်။

ဆုန့်မျိုးနွယ်စု ထိန်းချုပ်ထားသော နယ်မြေမှာ မူယာမင်းဆက် တစ်ခုလုံး၏ဆယ်ပုံတစ်ပုံခန့် ရှိသည်။

မူယာမင်းဆက်အတွင်း ဆုန့်မျိုးနွယ်စုနှင့် ယှဉ်နိုင်မည့် အင်အားစုမှာ သုံးလေးခုထက် မပိုပေ။

သို့သော် ယင်ချီသည် ဆုန့်မျိုးနွယ်စုကို အလွန်အမင်း ကြောက်လန့်မနေပေ။ သူသည် ဆုန့်မျိုးနွယ်စုတစ်ခုလုံးကို တိုက်ရိုက် အမြစ်ဖြတ်ရန် မလွယ်ကူသေးသော်လည်း ဆုန့်မျိုးနွယ်စုမှ ကောင်းကင်ဖြစ်စဉ် ပြီးပြည့်စုံခြင်းအဆင့် ကျွမ်းကျင်သူ ငါးဦးစလုံး လာရောက် တိုက်ခိုက်လျှင်ပင် သူတို့အားလုံးကို ပြန်လည် တိုက်ထုတ်နိုင်ရန် ယုံကြည်မှု အပြည့် ရှိနေသည်။

"ငါ့မှာ အသုံးချလို့ရတဲ့ လက်အောက်ငယ်သား နည်းလွန်းသေးတယ်"

ယင်ချေသည် သားရေမြေပုံကို သိမ်းလိုက်ပြီးနောက် လက်ဖဝါးပေါ်ရှိ ကံကြမ္မာစက်ဝန်းကို အာရုံဖြင့် နှိုးလိုက်သည်။ နှစ်ရက်တာ နယ်မြေချဲ့ထွင်မှုကြောင့် စက်ဝန်းပေါ်ရှိ အချက်အလက်များမှာ အဆင့်မြင့်သွားခဲ့ပြီ ဖြစ်သည်။

【သခင် - ယင်ချေ】

【နယ်မြေ - အချင်းဝက် ၇,၅၀၀ မိုင်】

【အုပ်ချုပ်သောလူဦးရေ - သန်း ၅၀】

【ကံတရားတန်ဖိုး - ၁,၀၀၀】

【လည်ပတ်ခွင့် - ၁၀ ကြိမ်】

၎င်းကို မြင်လိုက်ရသောအခါ ယင်ချီသည် တစ်ကြိမ်တည်းနှင့် အကုန်လောင်းကြေးထပ်ရန်ပြင်ဆင်လိုက်သည်။

၁၀ ကြိမ်ဆက်တိုက်နှိုက်လျှင် အနည်းဆုံးတော့ ပစ္စည်းကောင်းလေးတွေ ရနိုင်သည်မဟုတ်ပါလား။

အဓိက အကြောင်းရင်းမှာ ယင်ချီ၏ လက်အောက်တွင် လူအင်အားအလွန်နည်းပါးနေခြင်းကြောင့် ဖြစ်သည်။

ပတ်ဝန်းကျင်ရှိမြို့များကို စုစည်းထားသော်လည်း အခြေခံအုတ်မြစ်မှာ နယ်စားမင်းအဆင့် အင်အားစုကြီးများနှင့် ယှဉ်လျှင် အများကြီးကွာဟနေသေးသည်။

ယင်ချီသည် သူ၏ခွန်အားဖြင့် နယ်မြေများကို တိုက်ခိုက်သိမ်းပိုက်နိုင်သော်လည်း အစွမ်းထက်သော လက်အောက်ငယ်သားများ မရှိဘဲနှင့် ကျယ်ပြောလှသော နယ်မြေများကို စီမံခန့်ခွဲရန် ခက်ခဲလိမ့်မည် ဖြစ်သည်။

သူ အလိုရှိသည်မှာ အမည်ခံသာဖြစ်သော နယ်မြေမဟုတ်ဘဲ စည်းလုံးညီညွတ်မှု အပြည့်ရှိပြီး စနစ်ကျသော အင်ပါယာတစ်ခု တည်ဆောက်ရန် ဖြစ်သည်။

"ငါ လောင်းကြေးထပ်လိုက်မယ်"

ယင်ချီသည် စိတ်ကိုပြတ်သားစွာ ထားလိုက်ပြီး လည်ပတ်ခွင့် ၁၀ ကြိမ်စလုံးကို တစ်ပြိုင်တည်း သုံးစွဲလိုက်သည်။

ဝေါင်း...

ကံကြမ္မာစက်ဝန်းမှာ ဖြည်းဖြည်းချင်း လည်ပတ်သွားပြီးနောက် ယင်ချီ၏ ဦးနှောက်ထဲတွင် အဆက်မပြတ်အကြောင်းကြားချက်များ ထွက်ပေါ်လာသည်။

ပထမအကြိမ်သခင် ရရှိလိုက်သော ဆုမှာ ဟုန်မုန်းမသေမျိုး ခန္ဓာကိုယ်ဖြစ်သည်။

သခင်ရရှိလိုက်သောဆုမှာ မှောင်မိုက်ရိပ်တပ်မတော်ဆင့်ခေါ်မိန့်(အသုံးပြုပါက မှောင်မိုက်ရိပ်တပ်သား နှစ်သိန်းကို ဆင့်ခေါ်နိုင်မည်ဖြစ်ပြီး ၎င်းတို့သည် သခင်အပေါ် လုံးဝ သစ္စာရှိကြသည်။)

သခင်ရရှိလိုက်သော ဆုမှာ ကောင်းကင်ဧကရာဇ်တံဆိပ်တော် (မင်းဆက်၏ကံတရားကို စုစည်းပေးနိုင်ပြီး သခင်၏ကျင့်စဉ်တိုးတက်မှုကို မြန်ဆန်စေမည်။)

"သခင် ရရှိလိုက်သောဆုမှာ ကျင့်စဉ်မှာ ပဋိပက္ခရပ်စဲခြင်းကျင့်စဥ် (ရဟန္တာတစ်ပါး တီထွင်ထားခြင်းဖြစ်ပြီး သတ်ဖြတ်ခြင်း လမ်းစဉ် ပါဝင်သည်။ အပြည့်အဝ နားလည်ပါက ရဟန္တာအဆင့်အထိ ကျင့်ကြံနိုင်သည်။)

"သခင် ရရှိလိုက်သောဆုမှာ နတ်ဘုရားစွမ်းရည်  စကားလုံးကိုးလုံးလျှို့ဝှက်ချက် (ဧကရာဇ်အဆင့် စွမ်းရည်ဖြစ်ပြီး အထွတ်အထိပ်သို့ရောက်ပါက မသေမျိုးကြွင်းကျန် တစ်ဦးကိုပင် ယှဉ်နိုင်သည်။)

"သခင် ရရှိလိုက်သော ဆုမှာ...."

ကံကြမ္မာစက်ဝန်းမှ အသံများ ထွက်ပေါ်လာသောအခါ ယင်ချီ၏မျက်နှာတွင် အံ့အားသင့်မှုများ ပြည့်နှက်သွားသည်။ ၁၀ ကြိမ်ဆက်တိုက် နှိုက်လိုက်ခြင်းမှာ တစ်ခုချင်းစီတိုင်းက တန်ဖိုးမဖြတ်နိုင်သော ဆုများပင်။

ယခင်ဘဝက ကံအဆိုးဆုံးလူသားတစ်ယောက်ဖြစ်ခဲ့သော ယင်ချီအတွက်မူ ယခုအခြေအနေမှာ အိပ်မက်တစ်ခုကဲ့သို့ ဖြစ်နေသည်။

"ဒါက ဟုန်မုန်း မသေမျိုးခန္ဓာကိုယ်လား"

ယင်ချီသည် သူ၏ကိုယ်တွင်းပြောင်းလဲမှုများကို ခံစားလိုက်ရသည်။ ဤခန္ဓာကိုယ်နှင့် ပေါင်းစပ်လိုက်သည်နှင့် သူ၏ကျင့်စဉ်အဆင့်မှာ ဝိညာဉ်မဲ့နတ်ဘုရားသို့ တက်လှမ်းရန် ပိတ်ဆို့နေသော အဟန့်အတားများမှာ ချက်ချင်းပျောက်ကွယ်သွားသည်။

 ကောင်းကင်နှင့် မြေကြီး၏စွမ်းအင်များကို စုပ်ယူလိုက်ရုံဖြင့်အလွန်ဆုံး နောက်ထပ်နှစ်ပတ်အတွင်း သူသည် ဝိညာဉ်မဲ့နတ်ဘုရားအဆင့်သို့ ရောက်ရှိမည် ဖြစ်သည်။

ဟုန်မုန်းမသေမျိုးခန္ဓာကိုယ်မှာ သမိုင်းတစ်လျှောက် အစွမ်းထက်ဆုံး ခန္ဓာကိုယ် အမျိုးအစားဖြစ်ပြီး စစ်မှန်သောမသေမျိုးအဆင့်သို့ မရောက်မချင်း မည်သည့်ပိတ်ဆို့မှုကိုမျှ ကြုံတွေ့ရမည် မဟုတ်ပေ။

ခန္ဓာကိုယ်နှင့် ပေါင်းစပ်ပြီးနောက် ယင်ချီသည် မှောင်မိုက်ရိပ်တပ်မတော် ဆင့်ခေါ်မိန့်ကို ချက်ချင်း အသုံးပြုလိုက်သည်။

ဝေါင်း...

ဆင့်ခေါ်ခြင်း စတင်သည်နှင့် ယန်ဝူးမြို့၏ အပြင်ဘက်တွင် မုန်တိုင်းကြီးတစ်ခု ရုတ်တရက်ဖြစ်ပေါ်လာသည်။မုန်တိုင်းအတွင်း လျှပ်စီးများလက်ဖြာနေပြီး ငရဲမှ စစ်သည်တော်များကဲ့သို့ ကြောက်မက်ဖွယ်ကောင်းသော မှောင်မိုက်ရိပ်တပ်သား များမှာ သားရဲကြီးများကို စီးနင်းကာ ထွက်ပေါ်လာကြသည်။

မှောင်မိုက်ရိပ်တပ်သား နှစ်သိန်းစလုံးမှာ ခရမ်းရောင်နန်းတော်ပြီးပြည့်စုံခြင်းအဆင့် ကျင့်ကြံသူများဖြစ်ကြပြီး တပ်မှူးမှာမူ ကောင်းကင်ဖြစ်စဉ်အဆင့်အရှိန်အဝါများ ရှိနေသည်။

ပို၍ကြောက်စရာကောင်းသည်မှာ ဤစစ်သည် နှစ်သိန်းလုံးသည် တစ်ဦးတည်းကဲ့သို့ စည်းလုံးညီညွတ်နေခြင်းပင်ဖြစ်သည်။

သူတို့သည် မြို့ပြင်တွင်စုရုံးနေကြသည်။ မည်သည့် လှုပ်ရှားမှုမျှ မလုပ်သော်လည်း ယန်ဝူးမြို့ တစ်မြို့လုံးမှာမူ ကြောက်ရွံ့မှုများဖြင့် တုန်လှုပ်နေကြရသည်။

စိုးရိမ်စရာမရှိပါဘူး မြို့ပြင်က လူတွေကငါ့ရဲ့လူတွေပဲ ယင်ချီသည် လေထဲတွင် လမ်းလျှောက်ရင်း မြို့စားနန်းတော်မှ ထွက်လာသည်။ သူ၏ စကားကြောင့် ယန်ဝူးမြို့မှ လူသန်းပေါင်းများစွာမှာ သက်ပြင်းချနိုင်တော့သည်။

ယန်ဝူးမြို့၏မြို့စောင့်တပ်မှာ သောင်းဂဏန်းသာရှိသဖြင့် ဤကြောက်မက်ဖွယ်ကောင်းသော မှောင်မိုက်ရိပ်တပ်မတော်၏ ရှေ့တွင် သူတို့၏ ခုခံမှုမှာ ကြက်ကလေး ငှက်ကလေးသတ်သကဲ့သို့သာ ဖြစ်မည်ကို သိထားကြသည်။

ယန်ဝူးမြို့ရှိ မျိုးနွယ်စုကြီး ခြောက်ခုမှ အကြီးအကဲများမှာမူ သာမန်လူများထက် ပို၍ အတွေ့အကြုံ ရှိကြသည်။ မြို့ထဲသို့ ဝင်လာသော တပ်မတော်ကြီးကို ကြည့်ရင်း ဂျိမျိုးနွယ်စုမှ အကြီးအကဲတစ်ဦးက မချီးကျူးဘဲ မနေနိုင်တော့ပေ။

ဒီတပ်မတော်ရဲ့အရှိန်အဝါဟာ မူယာမင်းဆက်ရဲ့ထိပ်တန်းတပ်တွေထက်တောင် ပိုသာနေတယ်။

ဆုန့်မျိုးနွယ်စုတောင်ဒီလိုအထူးတပ်မျိုးကိုပျိုးထောင်နိုင်မှာမဟုတ်ဘူး။အထူးသဖြင့်အဲဒီမီးခိုးရောင်ဝတ်စုံနဲ့တပ်မှူးကြီးဆိုရင်သူဟာကောင်းကင်ဖြစ်စဉ်နယ်စားမင်းတစ်ယောက်ဖြစ်ရမယ်ခရမ်းရောင်နန်းတော်အဆင့်ကျင့်ကြံသူတစ်ယောက်ဟာဒီလောက်အထိအရှိန်အဝါမရှိနိုင်ဘူး။