အခန်း (၄၇) တားမြစ်ထားသော အကြွင်းအကျန်

"ရောက်လာပြီလား"

ယင်ချီသည် ကောင်းကင်ထက်မှ ဘေးဒုက္ခတိမ်တိုက်များကို ကြည့်နေသော်လည်း ကြောက်ရွံ့ခြင်း အလျဉ်းမရှိပေ။

သာမန် ကောင်းကင်နတ်ဘုရားအထွတ်အထိပ်များအတွက် နတ်ဘုရားဘုရင်ဘေးဒုက္ခသည် အိပ်မက်ဆိုးတစ်ခု ဖြစ်သော်လည်း ပါရမီရှင်များအတွက်မူ ၎င်းမှာ ခန္ဓာကိုယ်ကို သန့်စင်ရန်နှင့် အခြေခံကို ခိုင်မာစေရန် အခွင့်အရေးတစ်ခုသာ ဖြစ်သည်။

တောင်ပတ်လည်စာမက ကြီးမားသော ရွှေဝါရောင်မိုးကြိုးများ ယင်ချီထံသို့ ကျရောက်လာသည်။ ယင်ချေသည် မခုခံဘဲ ထိုမိုးကြိုးများကို တိုက်ရိုက်လက်ခံကာ သူ၏ခန္ဓာကိုယ်ကို ပြန်လည်တည်ဆောက်စေသည်။

နတ်ဘုရားဘုရင်အဆင့်သို့ လျင်မြန်စွာ တိုးတက်ရောက်ရှိသွားပြီနောက် မိုးကြိုးဒဏ်များကို ခံယူရင်း ယင်ချီသည် ဖျက်ဆီးခြင်း နှင့် အသစ်တစ်ဖန်မွေးဖွားခြင်း သဘောတရားကို နားလည်သွားပြီး'မိုးကြိုးဥပဒေသကို စတင်သဘောပေါက်လာသည်။

သူ၏ဦးခေါင်းပေါ်တွင် နတ်ဘုရားဘုရင် အဆင့်ကို ကိုယ်စားပြုသော သရဖူတစ်ခု ပေါ်ထွက်လာသည်။

ယင်ချီ၏ အရှိန်အဝါမှာ ရပ်တန့်မသွားဘဲ

  နတ်ဘုရားဘုရင် အစောပိုင်းအဆင့်

 နတ်ဘုရားဘုရင် အလယ်အလတ်အဆင့် 

  နတ်ဘုရားဘုရင် နှောင်းပိုင်းအဆင့်

  နတ်ဘုရားဘုရင် အထွတ်အထိပ်အထိ တစ်ဟုန်ထိုး တက်လှမ်းသွားခဲ့သည်။

ထူးဆန်းသောသစ်ပင်ခြောက်နှင့် ရှေးဟောင်းတားမြစ်ချက်ဘေးပတ်ဝန်းကျင်ရှိ တောင်တန်းများမှာ မိုးကြိုးဒဏ်ကြောင့် မိုင်တစ်ထောင်နက်သော ကျင်းကြီး ဖြစ်သွားသော်လည်း ယင်ချီ၏နောက်ကွယ်ရှိ သစ်ပင်ခြောက်မှာမူ ထိခိုက်မှု အနည်းငယ်မျှမရှိဘဲ တည်ရှိနေသည်။

ယင်ချီသည် ကံကြမ္မာစက်ဝန်းမှတစ်ဆင့် စစ်ဆေးလိုက်ရာ အံ့အားသင့်ဖွယ် အချက်အလက်များကို သိရှိလိုက်ရသည်။

  သစ်ပင်၏အထောက်အထား: ကမ္ဘာဦးခေတ် ရှေးဟောင်းတားမြစ်ချက်တစ်ခု၏ အကြွင်းအကျန်။

  သက်တမ်း: ကမ္ဘာဦးခေတ်ပေါင်းဘီလီယံချီ၍ တည်ရှိခဲ့ခြင်း။ (ကမ္ဘာဦးခေတ် တစ်ခေတ်လျှင် နှစ်ပေါင်း ၃၀၀ ဘီလီယံရှိသည်)

 စွမ်းရည်: ကံကြမ္မာလုံလောက်ပါက ဤအကြွင်းအကျန်သည် တစ်ဖန်ပြန်လည် အသက်ဝင်လာနိုင်သည်။

ယင်ချီသည် ထိုသစ်ပင်ခြောက်ထံမှနေ၍ "လမ်းစဉ်တွင် အဆုံးမရှိ" ဟူသော အသိတရားကို ရရှိခဲ့ပြီး သူ၏ စိတ်ဓာတ်ပိုင်းဆိုင်ရာ အဆင့်အတန်းမှာလည်း များစွာမြင့်မားသွားခဲ့သည်။ သူသည် ထိုသစ်ပင်ကို ဦးညွှတ်ဂါရဝပြုရင်း ကတိတစ်ခု ပေးခဲ့သည်။

ငါတို့ဆုံတွေ့ရတာဟာ ကံကြမ္မာတစ်ခုပဲ။ နောင်တစ်ချိန် ငါ ကောင်းကင်ဧကရာဇ်ဖြစ်လာတဲ့အခါ မင်းကို ပြန်လည်ရှင်သန်ခွင့် ပေးမယ်လို့ ကတိပေးပါတယ်။

မိုးကြိုးတိမ်တိုက်များကင်းစင်သွားပြီးနောက်နေဝင်ဆည်းဆာအလင်းရောင်သည်သစ်ပင်ခြောက်နှင့်ယင်ချီ၏ကျောပြင်ပေါ်သို့နွေးထွေးစွာကျရောက်နေတော့သည်။