အခန်း (၄၅)  မသေမျိုးများကို ဘွဲ့နှင်းခြင်း

ဂုဏ်ယူပါတယ်သခင် သင်သည် ထိပ်တန်းဝိညာဉ်ကျောက်သလင်း ၃ သိန်းကို ရရှိခဲ့ပါတယ်။

ဂုဏ်ယူပါတယ် သခင် သင်သည် ဟင်းလင်းပြင်နှင့် အချိန်ကာလ ဥပဒေသအပိုင်းအစတစ်ခုကို ရရှိခဲ့ပါတယ်။

ယင်ချီရှေ့တွင် ပေါ်လာသော ပစ္စည်းများထဲ၌ ဟင်းလင်းပြင်နှင့် အချိန်ကာလ ဥပဒေသ အပိုင်းအစမှာ အဖိုးတန်ဆုံး ဖြစ်သည်။

၎င်းကို နားလည်သဘောပေါက်ပါက သမိုင်းကို ပြောင်းလဲနိုင်ပြီး အတိတ်ကိုပင် ပြင်ဆင်နိုင်စွမ်း ရှိသည်။

သို့သော် ယခုလက်ရှိ ကျင့်ကြံခြင်းအဆင့်ဖြင့် ထိုဥပဒေသကို လေ့လာရန်မှာ အန္တရာယ်များသဖြင့် ယင်ချီသည် ၎င်းကို သိမ်းဆည်းထားလိုက်သည်။

ထို့နောက် သူသည် အရိပ်စောင့်တပ်ဖွဲ့ဆင့်ခေါ်ကတ်ကို အသုံးပြုလိုက်သည်။ ချက်ခြင်းပင် ရွှေရောင်ဝတ်စုံနှင့် အနက်ရောင်မျက်နှာဖုံးများ ဝတ်ဆင်ထားသော သူတော်စင်တစ်ပိုင်း ၃၀ ဦး ပေါ်ထွက်လာပြီး ယင်ချီကို ဒူးထောက်ဂါရဝပြုကြသည်။

သူတို့ ၃၀ ဦး ပေါင်းစည်းလိုက်ပါက ပြီးပြည့်စုံသော သူတော်စင်တစ်ပိုင်းကိုပင် ယှဉ်ပြိုင်နိုင်သည်။

ယင်ချီသည် မြို့တော်ယန်ဝူအတွင်း၌ မသေမျိုးသတ် စစ်ခင်းကျင်းမှုကို ခင်းကျင်းလိုက်ရာ မိုင် ၅ သန်းအတွင်း သူသည် အနှိုင်းမဲ့ စွမ်းအားရှင် ဖြစ်သွားခဲ့သည်။

ဤစစ်ခင်းကျင်းမှုကို ဆက်လက်ပြုပြင်ပါက နောင်တွင် စစ်မှန်သော သူတော်စင်များနှင့် ဧကရာဇ်များကိုပင် သတ်ဖြတ်နိုင်မည် ဖြစ်သည်။

နောက်ဆုံးတွင် ယင်ချီသည် အရာရှိဆင့်ခေါ်မိန့်ကို အသုံးပြုလိုက်ရာ ဟင်းလင်းပြင်ထဲမှ ရိုးရှင်းသော အဝတ်အစားများကို ဝတ်ဆင်ထားသည့် အရုပ်ဆိုးသော အဖိုးအိုတစ်ဦး ထွက်ပေါ်လာသည်။

သူကား ဖီးနစ်ငှက်ငယ်ဟု ကျော်ကြားသော ဖန်ထုန်းပင် ဖြစ်သည်။ သူသည် သာမန်လူတစ်ဦးဖြစ်သော်လည်း ကမ္ဘာကြီးကို ထိုးဖောက်မြင်နိုင်သော ဉာဏ်ပညာနှင့် အနာဂတ်ကို တွက်ချက်နိုင်သော စွမ်းရည်ရှိသူ ဖြစ်သည်။

ယင်ချီသည် ဘွဲ့နှင်းသဘင်စာရင်းကို အသုံးပြု၍ ဖန်ထုန်းအား ကျင့်ကြံခြင်းအဆင့်များ တစ်ဆင့်ပြီးတစ်ဆင့် တိုးမြှင့်ပေးလိုက်ရာ ခဏချင်းအတွင်းမှာပင် သူသည် ဝိညာဉ်မဲ့နတ်ဘုရားအဆင့်သို့ ရောက်ရှိသွားသည်။

ယင်ချီသည် ဖန်ထုန်းအား မဟာချင်မင်းဆက်၏ လက်ဝဲဘက်ဝန်ကြီးချုပ်အဖြစ် ခန့်အပ်လိုက်ပြီး မင်းဆက်၏အုပ်ချုပ်ရေးကိစ္စအားလုံးကို လွှဲအပ်လိုက်သည်။

ဖန်ထုန်းမဟာချင်ရဲ့အရေးကိစ္စအားလုံးကိုမင်းလက်ထဲအပ်နှင်းလိုက်တယ်။ငါ့ကိုစိတ်မပျက်စေနဲ့။