အခန်း (၃၇) သူတော်စင်တစ်ပိုင်း

မီးတိမ်တိုက် မိစ္ဆာနတ်ဘုရား၏ စွမ်းအားမှာ ပြိုင်ဘက်မရှိ ဖြစ်နေစဉ် မင်္ဂလာကြာ ရှေးဟောင်းမျိုးနွယ်၏ နတ်ဘုရားဘုရင် အကြီးအကဲမှာ အသက်ဘေးနှင့် ရင်ဆိုင်နေရသည်။

ထိုစဉ် အကြီးအကဲ၏ ကိုယ်ရံတော် တံဆိပ်ပြားမှတစ်ဆင့် သူတော်စင်တစ်ပိုင်းဘိုးဘေးကြီး၏ ပုံရိပ် ထွက်ပေါ်လာပြီး အသက်ချမ်းသာခွင့်ပေးရန် တောင်းဆိုခဲ့သည်။

သို့သော် မိစ္ဆာနတ်ဘုရားမှာ လုံးဝ ဂရုမစိုက်ဘဲ ထိုသူတော်စင်တစ်ပိုင်း၏စွမ်းအားကိုပင် လက်ညှိုးတစ်ချောင်းဖြင့် ချိုးဖျက်ပစ်လိုက်သည်။

ထို့နောက် မင်္ဂလာကြာဘိုးဘေးကြီး၏ ခြိမ်းခြောက်မှုများကိုလည်း အရေးမစိုက်ဘဲ နတ်ဘုရားဘုရင် အကြီးအကဲကို သတ်ဖြတ်ကာ သူ၏သွေးနှင့် စွမ်းအားများကို အနီရောင်ဆေးလုံးတစ်လုံးအဖြစ် ပြောင်းလဲပစ်လိုက်တော့သည်။

ရေခဲမြေခွေးဧကရာဇ်သည်လည်း ဤမြင်ကွင်းကိုကြည့်ကာ မိစ္ဆာနတ်ဘုရား၏ ခေါင်းမာမှုကို မကျေမနပ် ဖြစ်မိသည်။

သူသည် မိစ္ဆာနတ်ဘုရားကို သူ၏ လက်အောက်ခံအဖြစ် အသုံးချရန် ရည်ရွယ်ထားသဖြင့် ဘိုးဘေးကြီး၏တိုက်ခိုက်မှုကို ခံရစေပြီးမှ သူက ကယ်တင်ကာ သိမ်းသွင်းရန် အကွက်ချလိုက်သည်။

တစ်ဖက်တွင်လည်း မင်္ဂလာကြာ ဘိုးဘေးကြီးသည် သူ၏ပုံရိပ်ယောင်ကိုပင် မိစ္ဆာနတ်ဘုရားက ဆေးဖော်စပ်ရာတွင် အားဖြည့်ပစ္စည်းအဖြစ် သုံးလိုက်သဖြင့် လွန်စွာ ဒေါသထွက်သွားခဲ့သည်။

သူ၏ စစ်မှန်သော ကိုယ်ထည်ကြီးမှာ မိုင်ပေါင်းသောင်းချီသော ကောင်းကင်ကို ဖုံးလွှမ်းလျက် ဘာရန်ပြည်နယ် မြောက်ပိုင်းသို့ တဟုန်ထိုး ဆင်းသက်လာခဲ့သည်။

မြောက်ပိုင်းမဟာမိတ်အဖွဲ့မှ လူသား သူတော်စင်တစ်ပိုင်းများလည်း နိုးထလာကြပြီး မင်္ဂလာကြာဘိုးဘေးကြီးကို တားဆီးရန် ကြိုးစားကြသည်။

သို့သော် ဘိုးဘေးကြီးမှာ မိစ္ဆာနတ်ဘုရားကို သတ်ရန် အတင်းအဓမ္မ ကြိုးစားနေခဲ့သည်။

ထိုသို့သော အစွန်းရောက် အခြေအနေတွင် ယင်ချီသည် မဟာချင်နန်းတော်အတွင်းမှ အေးဆေးစွာ လမ်းလျှောက်ထွက်လာသည်။ 

သူသည် လက်ကို နောက်ပစ်ထားပြီး တစ်လှမ်းချင်း လှမ်းလိုက်တိုင်း သူ၏အရှိန်အဝါမှာ မှန်းဆမရအောင် မြင့်တက်လာတော့သည်။

 ကောင်းကင်နတ်ဘုရား

 နတ်ဘုရားဘုရင်

 သူတော်စင်တစ်ပိုင်း 

 သူတော်စင်တစ်ပိုင်း အထွတ်အထိပ်

 အဆုံးစွန်သောသူတော်စင်တစ်ပိုင်း

ယင်ချေ၏အထွတ်အထိပ် သူတော်စင်တစ်ပိုင်း စွမ်းအားများ ပေါက်ကွဲထွက်လာချိန်တွင် ကောင်းကင်နှင့် မြေကြီးမှာ တိတ်ဆိတ်သွားပြီး သတ္တဝါအားလုံးမှာ ထိတ်လန့်တုန်လှုပ်ကာ ဝပ်စတွား သွားကြတော့သည်။