အခန်း (၃၄)  ထပ်မံဆင့်ခေါ်ခြင်း

ကောင်းကင်နှင့်မြေကမ္ဘာစီရင်ချက်ဓားကို သန့်စင်ပြီးနောက် ယင်ချီသည် ကံစမ်းမဲမှ ရရှိထားသော နတ်ဘုရားဘုရင် ဆင့်ခေါ်ခြင်းတံဆိပ်ကို တိုက်ရိုက် အသုံးပြုလိုက်သည်။

ဟင်းလင်းပြင်လမ်းကြောင်းတစ်ခု ပွင့်လာပြီးနောက် ထိုလမ်းကြောင်းထဲမှ ဖိအားပေးနိုင်သော အရှိန်အဝါများ ထွက်ပေါ်လာသည်။ 

ထို့နောက် ထူးဆန်းသော ရယ်သံတစ်ခုနှင့်အတူ အဝတ်စုတ်များ ဝတ်ဆင်ထားပြီး ကတုံးတစ်ပိုင်း ဖြစ်နေသော အဖိုးကြီးတစ်ဦး ထွက်ပေါ်လာသည်။

သူ၏ခြေထောက်တစ်ဖက်တွင် အနီရောင် ဖိနပ်တစ်ဖက်သာ ပါရှိပြီး သူ၏ မျက်လုံးများမှာ အေးစက်ကာ ရက်စက်ကြမ်းကြုတ်မှုများဖြင့် ပြည့်နှက်နေသည်။

>ဆင့်ခေါ်ခံရသူ: မီးတိမ်တိုက် မိစ္ဆာနတ်ဘုရား 

အဆင့်: နတ်ဘုရားဘုရင် အထွတ်အထိပ် 

ခန္ဓာကိုယ်: မိစ္ဆာမီးတောက် သူတော်စင်ခန္ဓာ 

နောက်ခံ: အောက်ကမ္ဘာမှ ကိုယ်ခံပညာဖြင့် အလင်းရရှိကာ ဟင်းလင်းပြင်ကို ခွင်း၍ အထက်ကမ္ဘာသို့ တက်လှမ်းလာသူ။

ယင်ချီသည် နတ်ဘုရားဘုရင် အထွတ်အထိပ်အဆင့်ရှိသူကို ရလိုက်သဖြင့် အလွန်ဝမ်းသာသွားသည်။

ထိုအဖိုးကြီးမှာ ယင်ချီကို မြင်သည်နှင့် လွန်စွာ ရိုသေကိုင်းရှိုင်းစွာဖြင့် သစ္စာခံလိုက်တော့သည်။

တစ်ချိန်တည်းမှာပင် မဟာချင်မင်းဆက်၏ ကောင်းကင်ယံ၌ နေ့မှ ညသို့ ရုတ်တရက် ပြောင်းလဲသွားပြီး သွေးရောင်လမင်းကြီး တစ်စင်း ပေါ်ထွက်လာသည်။

မင်္ဂလာကြာ ရှေးဟောင်းမျိုးနွယ်မှ နတ်ဘုရားဘုရင်သည် ရထားလုံးဖြင့် ဆင်းသက်လာခဲ့သည်။

သူသည် နယ်စပ်တွင် စောင့်ကြပ်နေသော ပိုင်ချီကို ကြည့်ကာ "နတ်ဘုရားဘုရင်တစ်ပိုင်း အဆင့်ပဲရှိတဲ့ ပိုးမွှားလေးက ငါ့ရဲ့ရတနာအတွက် စတေးခံပစ္စည်း ဖြစ်ရတာ မင်းအတွက် ဂုဏ်ယူစရာပဲ" ဟု လှောင်ပြောင်လိုက်သည်။

ပိုင်ချီသည် အဆင့်အတန်း ကွာခြားသော်လည်း ကြောက်ရွံ့ခြင်းမရှိဘဲ ဓားကို ဆွဲထုတ်ကာ ရင်ဆိုင်ရန် ပြင်လိုက်သည်။

သို့သော် အဆင့်နိမ့်သူတစ်ဦးက နတ်ဘုရားဘုရင်ကို အနိုင်ယူရန်မှာ မဖြစ်နိုင်သလောက်ပင်။

နန်းတော်အတွင်း၌ ယင်ချီနှင့် စကားပြောနေသော မီးတိမ်တိုက် မိစ္ဆာနတ်ဘုရား က ကောင်းကင်ကို တစ်ချက်ကြည့်ကာ ပြောလိုက်သည်။

အရှင်မင်းကြီး... ကောင်းကင်မှာ အမွေးတောင်ကျွတ်နေတဲ့ကြက်တစ်ကောင် ရောက်နေပါတယ်။ အဲဒီကောင်ကို ဖမ်းပြီး အရှင်မင်းကြီး ကျင့်ကြံဖို့အတွက် ဆေးဖော်ပေးပါရစေ။

ယင်ချီက ခေါင်းညိတ်ခွင့်ပြုလိုက်သည်။ မီးတိမ်တိုက် မိစ္ဆာနတ်ဘုရားသည် ဟင်းလင်းပြင်သို့ တစ်လှမ်းချင်း လှမ်း၍ ထွက်ခွာသွားတော့သည်။

အခြားတစ်ဖက်တွင်မူ ချုံလန်မင်းဆက်၏ ဘိုးဘေးကြီးသည် မဟာချင်မင်းဆက် တိုက်ခိုက်ခံနေရသည်ကို သိသော်လည်း ကူညီရန်စိတ်ကူးမရှိပေ။

မဟာချင်ပျက်စီးသွားခြင်းမှာသူတို့အတွက်ပို၍ကောင်းသည်ဟုပင်သူကတွေးတောနေခဲ့သည်။