အခန်း (၃၂) သွေးစတေးခြင်း

"မိတ်ဆွေ ကု"

"အစ်ကိုကြီး ကု"

ကုချန်းဟဲသည် စိတ်လှုပ်ရှားမှုကို ထိန်းချုပ်ကာ တည်ငြိမ်စွာပင် ရှိနေသော်လည်း အတွင်းစိတ်၌ အလွန်ကျေနပ်နေမိသည်။

လွန်ခဲ့သော လွန်ခဲ့သော နှစ်ဝက်ခန့်ကဆိုလျှင် သူသည် နယ်စားမင်းများ သို့မဟုတ် ဘိုးဘေးကြီးများကို ရင်ဆိုင်ဖို့ပင် မဝံ့ရဲခဲ့ပေ။

သို့သော် ယခုအခါ လူအများက သူ့ကို ဖားနေကြပြီး လက်ဆောင်များစွာ ပေးနေကြသည်။ 

သူသည် ထိုလက်ဆောင်များအားလုံးကို ယင်ချီ၏ ဘဏ္ဍာတိုက်သို့သာ ပို့ဆောင်ပေးခဲ့သည်။

တစ်ချိန်တည်းမှာပင် မဟာချူမင်းဆက် ၏ ဧကရာဇ်မြို့တော်၌

အရာရှိများ၊ နတ်ဘုရားများနှင့် ဘိုးဘေးကြီးများအားလုံး ရင်ပြင်ကျယ်ကြီးတွင် ဒူးထောက်ကာ တစ်စုံတစ်ဦးကို စောင့်ကြပ်နေကြသည်။ ခေါင်းလောင်းသံများ ဟိန်းထွက်လာပြီးနောက် ကောင်းကင်ယံမှာ ရုတ်တရက် အရောင်ပြောင်းသွားတော့သည်။

"ဘိုးဘေးကြီးကို အရိုအသေပြု ကြိုဆိုပါတယ်"

ကိုးကွယ်ရာ ဝိညာဉ်တော်မြတ်ပိုင်ဟုန်သည် ကောင်းကင်ကိုကြည့်ကာ အလွန်ရိုသေစွာ ပြောလိုက်သည်။

ထိုစဉ် နဂါးကိုးကောင် ဆွဲလာသော ရွှေရောင်ရထားလုံးကြီး တိမ်တိုက်များကို ခွင်း၍ ထွက်ပေါ်လာသည်။

ထိုနဂါးကိုးကောင်လုံးမှာ စစ်မှန်သောနတ်ဘုရားအဆင့် မြင့်မြတ်သော သားရဲများ ဖြစ်ကြသည်။

ရထားလုံးပေါ်မှ ခန့်ညားထည်ဝါသော ပုံရိပ်တစ်ခု ဆင်းသက်လာသည်။ ထိုသူမှာ လူသားမဟုတ်ဘဲ ကြာနှင့် လင်းယုန် ရောနှောနေသော ရှေးဟောင်းမျိုးနွယ်ဘိုးဘေးကြီးတစ်ဦး ဖြစ်သည်။ သူသည် နတ်ဘုရားဘုရင်အဆင့်ရှိသူ ဖြစ်သည်။

ပိုင်ဟုန် မင်းအမေ မျက်နှာကြောင့် ငါမင်းကို တစ်ကြိမ် ကူညီမယ်။ ဒါပေမဲ့ အဲဒီမတိုင်ခင် ငါ့ရဲ့ရတနာကို အားဖြည့်ဖို့ ချူမင်းဆက်ရဲ့ လူသား သုံးပုံနှစ်ပုံကို သွေးစတေးခြင်းအရင်လုပ်ရလိမ့်မယ်။

"ဘိုးဘေးကြီး စိတ်တိုင်းကျ လုပ်ဆောင်တော်မူပါ"

ကိုးကွယ်ရာ ဝိညာဉ်တော်သည် မဟာချူမင်းဆက်ကို လုံးဝစွန့်လွှတ်ရန် ဆုံးဖြတ်ပြီး ဖြစ်သည်။

ထို့နောက် ရက်စက်ကြမ်းကြုတ်သော သွေးစတေးပွဲကြီး စတင်တော့သည်။

ကောင်းကင်ယံမှ မှော်စွမ်းအင် သံကြိုးများ ဆင်းသက်လာပြီး မြင်သမျှ သက်ရှိမှန်သမျှကို ဖမ်းဆုပ်ကာ ဝိညာဉ်များကို ထုတ်ယူတော့သည်။

ချူမင်းဆက် တစ်ဝှမ်းလုံးတွင် ငိုကြွေးသံများ အော်ဟစ်သံများဖြင့် ပြည့်နှက်သွားပြီး သေမင်းတမန် နယ်မြေကြီးအဖြစ် ပြောင်းလဲသွားခဲ့သည်။

လူဦးရေ ၂၉ ဘီလီယံကျော်ရှိသော လူသားများနှင့် သတ္တဝါအားလုံးမှာ စတေးခံ ပစ္စည်းများ ဖြစ်သွားကြသည်။

နတ်ဘုရားဘုရင်ဘိုးဘေးကြီးက ထိုမြင်ကွင်းကို ကြည့်ကာ "အားနည်းတဲ့ ပိုးမွှားတွေပဲ" ဟု မထူမပါး ပြောလိုက်သည်။

ဤကြောက်မက်ဖွယ် ဖြစ်ရပ်သည် တစ်နယ်လုံးရှိ အင်အားစုများကို တုန်လှုပ်သွားစေသည်။

"ချူမင်းဆက်မှာ ဘာတွေဖြစ်နေတာလဲ"

"ဒါ နတ်ဘုရားဘုရင်အဆင့် တစ်ယောက်ရဲ့ စွမ်းအားပဲ"

ကျင့်ကြံသူများမှာ ထိတ်လန့်တုန်လှုပ်နေကြသည်။ နတ်ဘုရားဘုရင် အဆင့်ရှိသူတစ်ဦးသည် မြို့နယ်ငယ်လေးများကိုပင် အုပ်ချုပ်နိုင်သော စွမ်းအားရှိသူ ဖြစ်သည်။

လူသားမျိုးနွယ်ကို ပေါ်ပေါ်ထင်ထင် သတ်ဖြတ်နေခြင်းအပေါ် လူသားကျင့်ကြံသူ အချို့က ဒေါသထွက်နေကြသော်လည်း မည်သူမျှ မတားဆီးဝံ့ကြပေ။

ချုံလန်မင်းဆက်တွင်လည်း လူအများ ထိတ်လန့်နေကြစဉ် ချုံလန်ဘိုးဘေးကြီး၏ အသံ ဟိန်းထွက်လာသည်။

ဘယ်သူမှမထိတ်လန့်ကြနဲ့ချုံလန်မင်းဆက်ရဲ့ကောင်းကင်ဟာပြိုကျမှာမဟုတ်ဘူး။နတ်ဘုရားဘုရင်မပြောနဲ့သူတော်စင်တစ်ပိုင်းကိုယ်တိုင်ရောက်လာရင်တောင်ငါတို့ချုံလန်မင်းဆက်ကိုထိဝံ့ရင်အသက်နဲ့ပြန်ပေးဆပ်စေရမယ်။