အခန်း (၂၉)  မဟာချူ၏ကိုးကွယ်ရာ ဝိညာဉ်နှင့် စတေးခံရခြင်း

"အားလုံး တိတ်တိတ်နေကြစမ်း"

မဟာချူမင်းဆက်၏ ဘိုးဘေးကြီးများ ဒေါသတကြီးဖြစ်နေစဉ် ဟင်းလင်းပြင်အတွင်းမှ နူးညံ့သော အသံလေးတစ်ခု ထွက်ပေါ်လာသည်။

"ဒီအရှင်ကိုယ်တိုင်တွက်ချက်ကြည့်ပြီးပြီ။ လုံထန် သေတာဟာ ချုံလန်မင်းဆက်နဲ့ မပတ်သက်ဘူး။ သူဟာ မဟာချင်ရဲ့ ဧကရာဇ်သစ်လက်ချက်နဲ့ သေဆုံးခဲ့တာပဲ။

နောက်ပြီး အဲဒီဘက်မှာ နတ်ဘုရားဘုရင် တစ်ပိုင်းအဆင့်ရဲ့ အရှိန်အဝါကို ငါ ခံစားမိတယ်။

ထိုအသံ၏ ပိုင်ရှင်မှာ အသက်ခြောက်နှစ်၊ ခုနစ်နှစ်အရွယ်သာရှိသော ပန်းနုရောင်အသားအရေနှင့် ကလေးငယ်တစ်ဦး ဖြစ်သည်။

သို့သော်သူ၏ အရှိန်အဝါမှာ တိုင်းတာ၍မရနိုင်အောင် နက်ရှိုင်းလှသဖြင့် အနီးနားရှိစစ်မှန်သောနတ်ဘုရားများပင်လျှင် အသက်ရှူရကျပ်သွားကြသည်။

"ကိုးကွယ်ရာဝိညာဉ်တော်မြတ်ကို ဂါရဝပြုပါတယ်"

ထိုကလေးငယ်မှာ မဟာချူမင်းဆက်၏ အထွတ်အထိပ်ကိုးကွယ်ရာ ဝိညာဉ်ဖြစ်ပြီး သူ၏ မူလအသွင်မှာ ဖီးနစ်သွေးပါသော မင်္ဂလာကြာမျိုးနွယ်ဖြစ်သည်။

သူသည် လူသားမဟုတ်သော်လည်း မဟာချူမင်းဆက်နှင့် ကံကြမ္မာချင်း ချိတ်ဆက်ထားသူ ဖြစ်သည်။ သူသည် အသက်သောင်းချီ နေထိုင်ခဲ့ပြီဖြစ်သော ကောင်းကင်နတ်ဘုရား အဆင့် ကျင့်ကြံသူ တစ်ဦးလည်း ဖြစ်သည်။

"နတ်ဘုရားဘုရင်တစ်ပိုင်းအဆင့်" ဟူသော စကားကို ကြားလိုက်ရသောအခါ ချူမင်းဆက် ဘိုးဘေးကြီးများမှာ ချွေးအေးများ ထွက်ကုန်ကြသည်။

သူတို့၏ကိုးကွယ်ရာ ဝိညာဉ်တော်ပင်လျှင် ကောင်းကင်နတ်ဘုရားအဆင့်မြင့်ပိုင်းသာ ရှိသေးသဖြင့် ထိုမျှ အစွမ်းထက်သူကို မည်သို့ ရင်ဆိုင်နိုင်မည်နည်း။

သို့သော် ချူလုံထန် သယ်ဆောင်လာသော ကံကြမ္မာစွမ်းအားကို ပြန်လည်ရရှိရန်အတွက် ကလဲ့စားချေရန် လိုအပ်သည်ဟု သူတို့ ယူဆကြသည်။ ထိုစဉ် ကလေးငယ် (ဝိညာဉ်တော်မြတ်) က ထပ်မံ ပြောကြားသည်။

မစိုးရိမ်ကြနဲ့ ငါ့ရဲ့မင်္ဂလာကြာ ရှေးဟောင်းမျိုးနွယ်မှာ ငါ့ထက် အဆင့်မြင့်တဲ့လူကြီးသူမတွေ ရှိတယ်။ အကယ်၍ မင်းတို့ဘက်က လုံလောက်တဲ့ အဖိုးအခ ပေးနိုင်မယ်ဆိုရင် အဲဒီနတ်ဘုရားဘုရင် တစ်ပိုင်းအဆင့်ကို နှိမ်နင်းပေးဖို့ ငါ့မျိုးနွယ်က လူကြီးတစ်ယောက်ကို ဖိတ်ပေးမယ်။

မဟာချူမင်းဆက်၏ ဝါရင့်ဘိုးဘေးမကြီး ချူယွမ်ရွှေက မည်သည့်အဖိုးအခမဆို ပေးရန် အဆင်သင့်ဖြစ်ကြောင်း ပြောလိုက်သည်။

ကောင်းပြီ... ငါ့မျိုးနွယ်က နတ်ဘုရားဘုရင်အဆင့်ရှိတဲ့ လူကြီးတစ်ယောက်ကို ဖိတ်ပေးမယ်။ ဒါပေမဲ့ သူ့ကို ဖိတ်ဖို့အတွက် အဖိုးအခကတော့ မဟာချူမင်းဆက် လူဦးရေရဲ့ သုံးပုံနှစ်ပုံကို သွေးစတေးခြင်းလုပ်ရလိမ့်မယ်။

ကလေးငယ်၏ စကားကြောင့် ဘိုးဘေးများမှာ ထိတ်လန့်သွားကြသည်။ မဟာချူမင်းဆက်တွင် လူဦးရေ ဘီလီယံ ၃၀ ခန့်ရှိရာ လူပေါင်း ဘီလီယံ ၂၀ ကို အရှင်လတ်လတ် သတ်ဖြတ် စတေးရမည်မှာ အလွန် ရက်စက်လွန်းလှသည်။

"သူတို့က သာမန်လူတွေပဲလေ"

မဟာချူမင်းဆက်ရဲ့ကံကြမ္မာ တိုးတက်ဖို့အတွက်ဆိုရင် ကျွန်မဒီအပြစ်တွေကို ခံယူပါ့မယ်။ အိမ်ရှေ့စံအတွက် ကလဲ့စားချေပေးဖို့သာ အဓိကပဲ။

ချူယွမ်ရွှေသည် ရက်စက်စွာ ဆုံးဖြတ်လိုက်သည်။ သူမသည် အခွင့်ကောင်းယူကာ ချုံလန်မင်းဆက်ကိုပါ တစ်ခါတည်း အမြစ်ပြတ် သုတ်သင်ပေးရန် တောင်းဆိုသော်လည်း ကလေးငယ်က ပြင်းထန်စွာ တားဆီးလိုက်သည်။

ချုံလန်မင်းဆက်အကြောင်းကို ဒီထက်ပိုပြီး မတွေးတာ ပိုကောင်းမယ်။ သူတို့နောက်ကွယ်မှာ ရှိနေတဲ့သူတွေဟာ ငါ့ရဲ့မင်္ဂလာကြာမျိုးနွယ်တောင်မှ ရင်ဆိုင်ဖို့ ခက်ခဲတဲ့သူတွေပဲ။

သူတို့ဟာတချို့သောအဖိုးကြီးတွေအတွက်အလုပ်လုပ်ပေးနေတာကလေးငယ်၏မျက်လုံးထဲတွင်ပင်ကြောက်ရွံ့မှုများအရိပ်အယောင်ပေါ်လာသဖြင့်ချူယွမ်ရွှေမှာဆက်မပြောရဲတော့ပေ။ချူလုံထန်သေဆုံးသွားပြီးနောက်မဟာချူမင်းဆက်သည်ယခုအခါဤကိုးကွယ်ရာဝိညာဉ်တော်မြတ်၏အလိုကျသာနေထိုင်ရတော့မည့်အခြေအနေသို့ဆိုက်ရောက်သွားခဲ့ပြီဖြစ်သည်။