အခန်း (၂၆) စစ်မှန်သောနတ်ဘုရား ဘိုးဘေးကြီး ချူဟွိုက်ရှင်း

"ဟင့်အင်း"

ငါက မဟာချူမင်းဆက်ရဲ့အိမ်ရှေ့စံပဲ ငါဟာ ရှေးဟောင်းသူတော်စင်ရဲ့မျိုးဆက် ဧကရာဇ်ငယ်ချူလုံထန်ကွ။

ချင်ဧကရာဇ် မင်းငါ့ကိုသတ်ရင် မဟာချူမင်းဆက်ရဲ့ ကလဲ့စားချေမှုကို မင်းခံရလိမ့်မယ်။ အဲဒီအချိန်ကျရင် မင်းရော မင်းရဲ့ မဟာချင်မင်းဆက်ပါ အကုန်အသတ်ခံရပြီး ပျက်စီးသွားလိမ့်မယ် အခုချက်ချင်း ရပ်လိုက်စမ်းယ

မိမိ၏အသက်စွမ်းအားများ တဖြည်းဖြည်း ဆုတ်ယုတ်လာသည်ကို ခံစားရသောအခါ ချူလုံထန်သည် အလွန်အမင်း ထိတ်လန့်သွားပြီး သူ၏ မောက်မာသော အမူအရာများ လုံးဝ ပျောက်ကွယ်သွားတော့သည်။

ယင်ချီသည် သူ့ကို တကယ်ပင် သတ်ဝံ့လိမ့်မည်ဟု သူ လုံးဝ ထင်မထားခဲ့ပေ။ သူသည် သူ၏ အကာအကွယ် ပစ္စည်းများကို အစွမ်းကုန် အသုံးပြုသော်လည်း ယင်ချီ၏ စွမ်းအားအောက်တွင် ဘိုးဘေးလက်နက်ပင်လျှင် တောင့်မခံနိုင်တော့ပေ။

"အား..."

"ဘိုးဘေးကြီး... ကျွန်တော့်ကို ကယ်ပါဦး"

သူ၏ဝိညာဉ် မပျက်သုဉ်းမီ ချူမင်းဆက်၏ ဘိုးဘေးကြီး ရောက်လာနိုင်ရန် သူ အသည်းအသန် ဆုတောင်းနေမိသည်။

ချုံလန်မင်းဆက် မှ သံတမန်သည်လည်း ချူလုံထန် သေဆုံးတော့မည့် အခြေအနေကို ကြည့်ပြီး ပျာပျာသလဲ ဖြစ်နေသည်။

အကယ်၍ ချူလုံထန် သေဆုံးပါက ချူမင်းဆက်၏ ဒေါသကိုမည်သူမျှ တားဆီးနိုင်မည် မဟုတ်သဖြင့် သူသည် ယင်ချေကို ကူညီရန် အစီအစဉ်ကို လက်လွှတ်ကာ မြို့တော်မှ အမြန်ဆုံး ထွက်ခွာရန် ပြင်ဆင်တော့သည်။

သို့သော် ထိုစဉ်မှာပင်...

"ရပ်လိုက်စမ်း"

ဗလတောင့်တင်းသော ပုံရိပ်တစ်ခုသည် တိမ်မည်းများကိုနင်းကာ ယန်ဝူးမြို့တော်သို့ အလွန်လျှင်မြန်သော နှုန်းဖြင့် ဆင်းသက်လာသည်။ ထိုအသံမှာ မိုင်ပေါင်း တစ်သိန်းပတ်လည်ကို တုန်ခါသွားစေသည်။

ထိုသူ၏ နောက်ကျောတွင် နတ်ဘုရားအလင်းကွင်း နှစ်ထပ်ရှိနေပြီး ဒုတိယ အလင်းကွင်းမှာ သုံးပုံနှစ်ပုံခန့် တောက်ပနေသဖြင့် သူသည် စစ်မှန်သောနတ်ဘုရား အဆင့်မြင့်ပိုင်းသို့ ရောက်ရှိနေသူ ဖြစ်ကြောင်း သိသာလှသည်။

"မဟာချူရဲ့ ဘိုးဘေးကြီးချူဟွိုက်ရှင်လား"

ချုံလန်မင်းဆက် သံတမန်သည် ထိုသူကို မှတ်မိသွားသည်။

ချူဟွိုက်ရှင်းသည် နတ်ဘုရားတစ်ပါး၏ကံထူးမှုကို ရရှိခဲ့ပြီးနောက် အဆင့်ဆင့် တက်လှမ်းလာကာ ချူမင်းဆက်၏အားကိုးရသော ဘိုးဘေးကြီး ဖြစ်လာခဲ့သူ ဖြစ်သည်။

ချူဟွိုက်ရှင်းသည် သေလုမျောပါး ဖြစ်နေသော ချူလုံထန်ကို မြင်သောအခါ ရူးသွပ်မတတ် ဖြစ်သွားပြီး ယင်ချီကို ဒေါသတကြီး တိုက်ခိုက်တော့သည်။ ချူလုံထန်သည် ချူမင်းဆက်၏ကံကြမ္မာကို ထမ်းပိုးထားသူ ဖြစ်သဖြင့် သူ့ကို ဆုံးရှုံး၍မဖြစ်ပေ။

ဘုန်း

ချူဟွိုက်ရှင်း၏ ပြင်းထန်သော တိုက်ခိုက်မှုများကြားမှာပင် ချူလုံထန်ကို ကာကွယ်ထားသော ဘိုးဘေးလက်နက်မှာ ယင်ချီ၏ ဖိနှိပ်မှုကို ခံလိုက်ရကာ လွင့်စင်သွားသည်။

အကာအကွယ် မရှိတော့သော ချူလုံထန်၏ ခန္ဓာကိုယ်နှင့် ဝိညာဉ်မှာ ယင်ချီ၏ လက်ဝါးအတွင်း၌ တစ်စက္ကန့်အတွင်းမှာပင် အမှုန့်ဖြစ်သွားတော့သည်။

"တောက် မဟာချင်မင်းဆက်... ချင်ဧကရာဇ်... မင်း ငါတို့ချူမင်းဆက်ရဲ့ အနာဂတ်ကို ဖျက်ဆီးလိုက်ပြီ မင်းရဲ့ဝိညာဉ်ကို ထုတ်ပြီး နှစ်ပေါင်း ထောင်ချီ သောင်းချီအောင် ငါ နှိပ်စက်မယ်"

"ဒီမြို့ထဲက သက်ရှိအားလုံး... ဒီပတ်ဝန်းကျင် မိုင်ပေါင်း တစ်သောင်းအတွင်းက သတ္တဝါအားလုံးကို ငါ့မြေးအတွက် အသေခံအဖြစ် ငါ သတ်ပစ်မယ်"

ချူဟွိုက်ရှင်းမှာ ရူးသွပ်သွားပြီ ဖြစ်သည်။ သူသည် ချုံလန်မင်းဆက် သံတမန်များကိုပင် လှမ်းကြည့်ကာ မည်သူမျှ ဝင်မရှုပ်ရန် သတိပေးလိုက်သည်။

ယင်ချီသည် ချူဟွိုက်ရှင်း၏ ရူးသွပ်မှုကို တည်ငြိမ်စွာပင် ရင်ဆိုင်နေသည်။ သူသည် စစ်မှန်သောနတ်ဘုရား အဆင့်မြင့်ပိုင်းကိုပင် ကြောက်ရွံ့ခြင်း မရှိပေ။ သူသည် တိုက်ခိုက်မှုများကို ခုခံရင်း စိတ်ထဲတွင် ကံကြမ္မာစက်ဝန်းကို စစ်ဆေးလိုက်သည်။

လက်ရှိတွင် သူ၏ နယ်မြေမှာ မိုင်ပေါင်း ငါးသိန်းအထိ ကျယ်ဝန်းလာပြီး လူဦးရေ သန်းနှစ်ထောင်ကို အုပ်ချုပ်နေပြီ ဖြစ်သည်။ သူ၏ ကံကြမ္မာတန်ဖိုးမှာ ၂၅၀,၀၀၀ အထိ ရှိနေပြီး အကြိမ် ၁၀၀ ဆက်တိုက် ကံစမ်းမဲနှိုက်ရန် အခွင့်အရေး ရရှိထားသည်။

ယင်ချီသည် ချူမင်းဆက်၏ တိုက်ခိုက်မှုကို ရင်ဆိုင်ရန်အတွက် ကံစမ်းမဲ ၁၀၀ လုံးကို တစ်ခါတည်း နှိုက်လိုက်သည်။

ရရှိခဲ့သော ဆုလာဘ်များ:

* ဧကရာဇ်တစ်ပိုင်းအဆင့်ကျင့်စဉ် : ၃ တွဲ

* ဝိညာဉ်ကျောက်တုံးများ: ၃၀ ဘီလီယံ

* မဟာချင်အထူးတပ်သား ခေါ်ယူခွင့်: ၂ သိန်း (တပ်သားအားလုံးမှာ ခရမ်းရောင်နန်းတော် အထွတ်အထိပ် အဆင့်ဖြစ်ပြီး ခေါင်းဆောင်မှာ ဝိညာဉ်မဲ့နတ်ဘုရား အထွတ်အထိပ် အဆင့်ဖြစ်သည်။)

* သွေးရိပ်အစောင့်တပ်: ၃၀၀ ဦး (အားလုံးမှာ ဝိညာဉ်မဲ့နတ်ဘုရား အစောပိုင်းအဆင့် ဖြစ်သည်။)

* ထိပ်တန်း ဝိညာဉ်ကြော: ၁ ခု (ပတ်ဝန်းကျင် မိုင်တစ်သောင်း၏ ကျင့်ကြံမှု ပတ်ဝန်းကျင်ကို ပြောင်းလဲပေးနိုင်သည်။)

 * ထောက်လှမ်းရေးအဖွဲ့ ထျန်းကျီဂေ: အဖွဲ့ဝင် ၁ သိန်း (အလွန်သစ္စာရှိသော ထောက်လှမ်းရေးအဖွဲ့)

ဆုလာဘ်များမှာကောင်းမွန်သော်လည်းယင်ချေသည်စစ်မှန်သောနတ်ဘုရားအဆင့်ရှိသူတစ်ဦးမှမပါလာသဖြင့်အနည်းငယ်စိတ်ပျက်သွားမိသည်။သို့သော်လည်းရရှိထားသောအင်အားအသစ်များဖြင့်သူသည်ချူမင်းဆက်ကိုရင်ဆိုင်ရန်အသင့်ဖြစ်နေပြီဖြစ်သည်။