အခန်း (၁၅)  ဒေါင်လျိုလျဲ့၏ နှိမ့်ချမှု

သွေးရိပ်၏ လက်ထဲရှိ ဓားရှည်မှာ ကျရောက်တော့မည်ကို မြင်လိုက်ရသဖြင့်  သာမန်ကျင့်ကြံသူများနှင့် ဒေါင်လျိုမျိုးနွယ်စုမှ နယ်စားမင်းများမှာ အဆုံးမဲ့ စိတ်ပျက်အားငယ်မှုကို ခံစားလိုက်ရသည်။ 

ဤတိုက်ကွက်မှာ ဝိညာဉ်မဲ့နတ်ဘုရားအဆင့်၏ အနားသတ်ကိုပင် ထိတွေ့နေပြီ မဟုတ်ပါလား။

ထိုအသက်ဘေးအန္တရာယ်နှင့် ရင်ဆိုင်နေရစဉ်မှာပင် နက်ရှိုင်းသော အသံတစ်ခုသည် ကောင်းကင်နှင့် မြေကြီးကြားတွင် ဟိန်းထွက်လာခဲ့သည်။

မိတ်ဆွေ... ကျေးဇူးပြုပြီး လက်ညှာတာပေးပါဦး။

အဝေးဆီမှ သေးငယ်သော ပုံရိပ်တစ်ခုသည် ကြွေလွင့်လာသော ကြယ်တံခွန်ကဲ့သို့ သွေးရိပ်၏ ရှေ့မှောက်သို့ ရောက်ရှိလာသည်။

မျိုးနွယ်စု ဘိုးဘေးကြီးကို ဂါရဝပြုပါတယ်။

ထိုပုံရိပ်ကို မြင်သည်နှင့် မြို့အတွင်းရှိ လူများမှာ အသက်ကယ်တင်ရှင်ကို တွေ့လိုက်ရသကဲ့သို့ အရိုအသေ ပေးလိုက်ကြသည်။

၎င်းမှာ ဒေါင်လျိုမျိုးနွယ်စု၏ ဘိုးဘေးဖြစ်သူ ဒေါင်လျိုလျဲ့ပင် ဖြစ်သည်။ သူသည် နှစ်ပေါင်းတစ်ထောင်ကျော် နေထိုင်လာခဲ့သူဖြစ်သဖြင့် သူ၏အမြင်နှင့် အတွေ့အကြုံမှာ ဒေါင်လျိုယွဲ့ထက် များစွာ သာလွန်သည်။

ငါက ဒေါင်လျိုလျဲ့ပါ မိတ်ဆွေကို နှုတ်ခွန်းဆက်ပါတယ်။

မိတ်ဆွေရဲ့ ရည်ရွယ်ချက်ကို ငါသိပြီးပါပြီ။ ငါ့မျိုးနွယ်စုက ဂျူနီယာလေးဟာ ကောင်းကင်နဲ့ မြေကြီးရဲ့ အတိုင်းအဆကို မသိဘဲ မိတ်ဆွေနဲ့ အရှင်ချင်နယ်စားမင်း ကို ပြစ်မှားမိသွားတယ်။

ဒေါင်လျိုမျိုးနွယ်စု တစ်ခုလုံးကို ကိုယ်စားပြုပြီး ချင်နယ်စားမင်းဆီမှာ အညံ့ခံဖို့ ငါ သဘောတူပါတယ်။

အဲဒါအတွက် စိတ်ရင်းမှန်ကိုပြတဲ့အနေနဲ့ ဒေါင်လျိုမျိုးနွယ်စုပိုင် မြို့ပေါင်း ၄၀ ရဲ့ အမိန့်ပေးတံဆိပ်တွေကို ကမ်းလှမ်းချင်ပါတယ်။

ဘိုးဘေးကြီးသည် သွေးရိပ်၏ ရှေ့တွင် အလွန်နှိမ့်ချသော သဘောထားကို ပြသနေသည်။

သူသည် သွေးရိပ်၏ ခွန်အားမှာ ဝိညာဉ်မဲ့နတ်ဘုရားနှင့် နီးစပ်နေသည်ကိုလည်းကောင်း သူ၏နောက်ကွယ်မှ မှောင်မိုက်ရိပ်တပ်မတော်မှာလည်း သာမန်မဟုတ်သည်ကိုလည်းကောင်း တစ်ချက်ကြည့်ရုံဖြင့် သိလိုက်သည်။

ဒေါင်လျိုလျဲ့၏ ဆုံးဖြတ်ချက်ကြောင့် နယ်စားမင်းများမှာ သက်ပြင်းချနိုင်သွားသော်လည်း သွေးရိပ်၏ အကြည့်မှာမူ ဒေါင်လျိုယွဲ့ထံတွင်သာ ရှိနေသေးသည်။

ဒေါင်လျိုယွဲ့ ရှိနေသရွေ့ သူမသည် အခွင့်အရေးရလျှင် ယင်ချီကို ပြန်လည် တိုက်ခိုက်မည့် ခြိမ်းခြောက်မှုတစ်ခု ဖြစ်နေမည်ကို သူ သိသည်။

သို့သော် သူမကို သတ်လိုက်ပါကလည်း ဒေါင်လျိုမျိုးနွယ်စု၏ အပြင်းအထန် ခုခံမှုကို ရင်ဆိုင်ရမည် ဖြစ်သည်။ တပ်မှူးတစ်ဦးအနေဖြင့် သွေးရိပ်သည် အကျိုးမဲ့ အရှုံးမျိုးကို မလိုလားပေ။

သို့သော် ဒေါင်လျိုယွဲ့၏ ခြိမ်းခြောက်မှုကိုလည်း တစ်နည်းနည်းဖြင့် ဖြေရှင်းရမည် ဖြစ်သည်။

ကောင်းပြီ... ဘိုးဘေးကြီး ဒီတစ်ကြိမ်တော့ ငါ ခြွင်းချက်အနေနဲ့ ခွင့်လွှတ်ပေးမယ်။

ဒါပေမဲ့ မင်းတို့မျိုးနွယ်စုက ချင်နယ်စားမင်းကို ပြစ်မှားခဲ့တာပဲ။ ဒါကြောင့် လျော်ကြေးအနေနဲ့ ဝိညာဉ်ကျောက်တုံး သန်း ၄၀၊ ဝိညာဉ်စုဆောင်းခြင်းအဆင့် လက်နက် ၁ သိန်းနဲ့ ခရမ်းရောင်နန်းတော်အဆင့် လက်နက် ၅ ထောင် ပေးရမယ်။

ပြီးတော့... ဒီအမျိုးသမီးဟာ ငါနဲ့အတူ ယန်ဝူးမြို့ကို လိုက်ခဲ့ရမယ်။ ချင်နယ်စားမင်းဆီမှာ ကိုယ်တိုင်ကိုယ်ကျ တောင်းပန်ရမယ် သူမ အသက်ရှင်မလား သေမလားဆိုတာကိုတော့ အရှင်ကပဲ ဆုံးဖြတ်လိမ့်မယ်။

သွေးရိပ်က သူ၏ ဓားဖြင့် ဒေါင်လျိုယွဲ့ကို ချိန်ရွယ်ကာ အေးစက်စွာ ပြောလိုက်သည်။ ဤသည်ကို ကြားသောအခါ အဘွားအို ဒေါင်လျိုမူမှာ မနေနိုင်တော့ဘဲ ထွက်ပြောတော့သည်။

မိတ်ဆွေ... မင်းရဲ့ တောင်းဆိုချက်တွေက အရမ်း များလွန်းတယ်။ ငါတို့ မျိုးနွယ်စုမှာ အဲဒီလောက် ရင်းမြစ်တွေမရှိပါဘူး။ ပြီးတော့ ယွဲ့လေးဟာ ငါတို့ရဲ့ မျိုးနွယ်စုခေါင်းဆောင်ပဲ၊ သူမက မျိုးနွယ်စုကို စွန့်ခွာသွားလို့ မရဘူးယ

ဒေါင်လျိုယွဲ့မှာ မျိုးနွယ်စု၏ မျှော်လင့်ချက် ဖြစ်သည်။ နှစ်ပေါင်းတစ်သောင်းအတွင်း ဝိညာဉ်မဲ့နတ်ဘုရားအဆင့်သို့ တက်လှမ်းရန် အလားအလာ အရှိဆုံးသူလည်း ဖြစ်သည်။

မိတ်ဆွေ... လျော်ကြေးတွေကိုတော့ ငါတို့ တတ်နိုင်သလောက်ပေးပါ့မယ်။ ဒါပေမဲ့ ယွဲ့လေးကတော့ လိုက်သွားလို့ မဖြစ်ဘူး။

ဘိုးဘေးကြီး ဒေါင်လျိုလျဲ့ကလည်း အလေးအနက် ပြောလိုက်သည်။ သွေးရိပ်သည် ဒေါင်လျိုမျိုးနွယ်စု၏မျှော်လင့်ချက်ကို ဖြတ်တောက်ရန် ကြိုးစားနေသည်မှာ ထင်ရှားလှသည်။

ထို့နောက် သူက ဆက်ပြောသည် ငါ့မျိုးနွယ်စုက ဂျူနီယာလေး အမှားလုပ်တာဟာ ငါ့ရဲ့ တာဝန်ပဲဖြစ်တယ်။ ဒါကြောင့် ယွဲ့လေးရဲ့ ကိုယ်စား ငါပဲယန်ဝူးမြို့ကို လိုက်ခဲ့မယ်။ အဲဒီအခါကျရင် ချင်နယ်စားမင်းက ငါ့ကို သတ်သတ် အစိမ်းလိုက်ပဲ ခွာခွာငါ ဘာမှ ငြင်းဆန်မှာ မဟုတ်ပါဘူး။