အခန်း (၁၃၉) - လေးကိုဆွဲကာ တာအိုဘိုးဘေးကို ပစ်ခတ်ခြင်း

"ရှီလင်း... စိတ်မလောနဲ့ဦး"

ထိုစဉ် ကျောက်မိသားစုမှ ထိပ်သီးပညာရှင်ကို တားဆီးလိုက်သည့် ခန့်ညားထည်ဝါသော အသံကြီးတစ်ခု ဟင်းလင်းပြင်ထဲမှ ထွက်ပေါ်လာသည်။

ထိုသူမှာ ကျောက်မိသားစု၏ ရူလာနယ်ပယ်ရှိ ဘိုးဘေးကြီးဖြစ်သည်။ သူသည် နတ်ဘုရားလောကရှိ အခြားအင်အားစုကြီးများကဲ့သို့ပင် ယင်ချီ၏ အလားအလာကို စမ်းသပ်လိုသဖြင့် လောလောဆယ် ဝင်ရောက်မစွက်ဖက်ရန် ဆုံးဖြတ်ခဲ့သည်။

နတ်ဘုရားလောက၏ အရှုပ်အထွေးများအတွက် ရှူလန်လောက ပျက်စီးသွားလျှင်ပင် အချိန်မြစ်ကြောင်းကို ပြောင်းပြန်လှန်၍ အားလုံးကို ပြန်လည်အသက်သွင်းရန်မှာ မခဲယဉ်းပေ။

ထို့ကြောင့် ၎င်းတို့သည် ယင်ချီနှင့် လူသားအရေခွံဘိုးဘေးတို့၏ တိုက်ပွဲကို စောင့်ကြည့်ရန်သာ ရွေးချယ်ခဲ့ကြသည်။

ဟုန်းနယ်မြေတစ်ခုလုံးကို သွေးဖြင့် ယဇ်ပူဇော်ပြီးနောက် လူသားအရေခွံဘိုးဘေး၏ အရှိန်အဝါသည် နတ်ဘုရားဧကရာဇ်အဆင့်ကို ကျော်လွန်ကာ သူ၏ အထွတ်အထိပ်အချိန်သို့ ပြန်လည်ရောက်ရှိလာသည်။

သူသည် ရှန်းယန်နန်းတော်တွင် ထိုင်နေသော ယင်ချီကို စိုက်ကြည့်ရင်း ပြောလိုက်သည်။

အနာဂတ်ရဲ့တားမြစ်ချက် လူငယ်ပါရမီရှင်လေးနှမြောစရာပဲ မင်းသာ ငါ့မျိုးနွယ်ထဲမှာ မွေးခဲ့ရင် ငါ့ရဲ့အရင်းအမြစ်အားလုံးကို သုံးပြီး မင်းကို အမြင့်ဆုံးအဆင့်ရောက်အောင် ငါကူညီမှာ။

အခု ငါ မင်းကို အသက်ရှင်ဖို့ လမ်းတစ်ခုပေးမယ်ငါ့ရဲ့ အမွေအနှစ်ကို လက်ခံပြီး ငါ့မျိုးနွယ်ထဲကို ဝင်ခဲ့ပါ။

လူသားအရေခွံဘိုးဘေးသည် ယင်ချီ၏ အကန့်အသတ်မရှိသော အလားအလာကို မြင်သဖြင့် မိမိဘက်ပါအောင် ဆွဲဆောင်ရန် ကြိုးစားခြင်း ဖြစ်သည်။

သို့သော် ဤကမ်းလှမ်းချက်ကို ရှန်းရှား က လက်မခံနိုင်ပေ။ အကယ်၍ ယင်ချီသာ လူသားအရေခွံဘိုးဘေး၏ မျိုးနွယ်စုဘက်သို့ ရောက်သွားပါက ရှန်းရှား၏ မျိုးနွယ်စုအတွက် ပျက်စီးခြင်းနိမိတ် ဖြစ်လာမည်ဖြစ်သည်။

ထို့ကြောင့် ရှန်းရှားသည် ပိုင်ဟုန်၏ ခန္ဓာကိုယ်ကို ထိန်းချုပ်ကာ ယင်ချီကို သတ်ဖြတ်ရန် အတင်းအဓမ္မ ကြိုးစားတော့သည်။

"မဟာဘိုးဘေးရဲ့ အမိန့်ကို ဘယ်သူမှ မလွန်ဆန်ရဲဘူး သေစမ်း"

ရှန်းရှား၏ အရှိန်အဝါသည် တစ်လောကလုံးကို တုန်ခါသွားစေကာ ရှန်းယန်နန်းတော်ဆီသို့ ဦးတည်သွားသည်။

ရှန်းရှား၏ဝိညာဉ် ယင်ချီထံသို့ ရောက်ခါနီးတွင် နာမည်မဲ့ဧကရာဇ်ပေါ်ထွက်လာသည်။ 

သူ၏ အရှိန်အဝါသည်လည်း မထိန်းချုပ်နိုင်လောက်အောင် မြင့်တက်လာပြီး တာအိုဘိုးဘေးအဆင့်သို့ ရောက်ရှိသွားသည်။

နာမည်မဲ့ဧကရာဇ်သည် လက်ကိုမြှောက်ကာ လေးတစ်စင်ကို ကျစ်ကျစ်ပါအောင် ဆွဲလိုက်သည်။ ဟင်းလင်းပြင်ကို ထိုးဖောက်သွားသည့် အသံနှင့်အတူ ရွှေရောင်မြှားတစ်စင်သည် မှောင်မိုက်မှုကို ခွဲထွက်ကာ ထွက်ပေါ်လာသည်။

ထိုမြှားသည် နိယာမအားလုံးကို ချိုးဖျက်နိုင်ပြီး အချိန်မြစ်ကြောင်းကိုပင် ပြောင်းပြန်စီးဆင်းစေနိုင်သော တားမြစ်စွမ်းအားများ ပါဝင်နေသည်။

"တာအိုဘိုးဘေး..."

ရှန်းရှားသည် ထိတ်လန့်သွားသော်လည်း မရှောင်တိမ်းနိုင်တော့ပေ။

"ဘုန်း"

မြှားထိမှန်သွားသောအခါ ပိုင်ဟုန်၏ ခန္ဓာကိုယ်သည် ပေါက်ကွဲသွားပြီး သွေးမြူများအဖြစ် ပြောင်းလဲကာ အစအနမကျန် ပျောက်ကွယ်သွားတော့သည်။

အချိန်မြစ်ကြောင်းထဲမှပင် သူ၏ တည်ရှိမှုခြေရာများ အားလုံး ဖျက်ဆီးခံလိုက်ရသည်။ 

နတ်ဘုရားလောက၏ တစ်နေရာတွင်ရှိသော ရှန်းရှား၏ ဝိညာဉ်အစစ်အမှန်သည်လည်း အကြီးအကျယ် ဒဏ်ရာရကာ အော်ဟစ်လိုက်ရတော့သည်။

"တောက်... တားမြစ်စွမ်းအားအဲဒါဘယ်လိုလုပ်တားမြစ်စွမ်းအားဖြစ်နိုင်မှာလဲ"