အခန်း (၁၃၈) မငြိမ်မသက်မှုများ ဖြစ်ပွားခြင်း

"နတ်ဘုရား ဟုတ်လား ဟားဟား"

"မင်းတို့လို နိမ့်ကျတဲ့ ယဇ်ကောင်တွေက မဟာဘိုးဘေးရဲ့ စွမ်းအားကို ဘယ်လိုလုပ် မှန်းဆနိုင်မှာလဲ"

"မဟာဘေးဘိုးတွေရဲ့ရှေ့မှာ နတ်ဘုရားဆိုတာ ဘာအသုံးကျလို့လဲ မသေမျိုးဧကရာဇ်ဆိုတာကောဘာထူးမှာလဲ အားလုံးဟာ ယဇ်ကောင်တွေပဲ"

ထူးဆန်းသော အရှိန်အဝါများ ဖုံးလွှမ်းနေပြီး မျက်လုံးထဲတွင် ရှုပ်ထွေးမှုများ ပြည့်နှက်နေသည့် သတ္တဝါတစ်ဦးက အက်ရှရှအသံဖြင့် ပြောဆိုလိုက်သည်။

သူသည် မူလက ရှေးဟောင်းနတ်ဘုရားမျိုးနွယ်စုဝင် တစ်ဦးဖြစ်သော်လည်း ယခုအခါ အမှောင်တားမြစ်ပညာရပ်များကို ကျင့်ကြံရင်း အမှောင်ထုအတွင်း လုံးဝ ကျဆင်းသွားသူဖြစ်သည်။

သူသည် ဆွေမျိုးသားချင်း သံယောဇဉ်နှင့် တရားမျှတမှုအားလုံးကို စွန့်လွှတ်ကာ ရှောင်ရိချန်းနှင့် မဟာဘိုးဘေးများနောက်သို့ လိုက်ပါပြီး အဆုံးစွန်သော စွမ်းအားကို ရယူထားသည်။

ဟုန်းနယ်မြေအတွင်းရှိ မြင်ကွင်းများမှာ ကြောက်မက်ဖွယ်ကောင်းလှသည်။ မန္တန်သံကြိုးများဖြင့် ချည်နှောင်ခံထားရသော သတ္တဝါများမှာ အသနားခံနေကြသော်လည်း အမှောင်ထုထဲ ကျဆင်းသွားသူများက ညှာတာမှုမရှိဘဲ သတ်ဖြတ်နေကြသည်။

တစ်ချက်ရိုက်လိုက်တိုင်း သွေးမြူများအဖြစ် ပြောင်းလဲသွားပြီး ဝိညာဉ်အစစ်အမှန်များပါ ပျောက်ကွယ်သွားရသည်။

ကောင်းကင်ယံ၌ မိစ္ဆာဧကရာဇ်နှင့် လူသားအရေခွံဘိုးဘေးတို့က ဤမြင်ကွင်းကို ကြည့်နေကြသည်။

လူသားအရေခွံ ဘိုးဘေးမှာ ယခုကဲ့သို့ ယဇ်ပူဇော်မှုမှာ အလွန်နှေးကွေးသည်ဟု ယူဆကာ ယင်ချီကို ဖမ်းဆီးရန်အတွက် ပိုမိုပြင်းထန်သော သွေးယဇ်ပူဇော်မှုကို စတင်လိုက်သည်။

သူသည် သူ၏ ခန္ဓာကိုယ်မှ ထူးဆန်းသော အလင်းတန်းများကို ထုတ်လွှတ်လိုက်ရာ ရှေးဟောင်း မန္တန်စာလုံးဘီလီယံပေါင်းများစွာသည် ဟုန်းနယ်မြေတစ်ခုလုံးကို လွှမ်းခြုံသွားတော့သည်။

ထိုမန္တန်စာလုံးများမှ တောက်ပသော မီးတောက်များ ကျဆင်းလာပြီး ထိသမျှအရာအားလုံးကို ဝါးမြိုဖျက်ဆီးပစ်တော့သည်။

ဟုန်းနယ်မြေအတွင်းသို့ စတင်ဝင်ရောက်လာသော ဘိုင်ချီ ဦးဆောင်သည့် မဟာချင်စစ်တပ်မှာ အခြေအနေမဟန်သည်ကို သိသည်နှင့် အပြာရောင်နယ်မြေဘက်သို့ ချက်ချင်း ပြန်လည်ဆုတ်ခွာခဲ့သည်။

" ဆရာ ကျွန်တော် ရှေ့ထွက်ပြီး အခြေအနေကို သွားကြည့်ပါရစေ" ဟု ဗိုလ်ချုပ်တစ်ဦးက လျှောက်ထားသော်လည်း ပိုင်ချီက တားမြစ်လိုက်သည်။

မလိုဘူး ကောင်းကင်က မန္တန်တွေက ငါတို့ ယှဉ်နိုင်တဲ့ အရာတွေ မဟုတ်ဘူး။

အရှင်မင်းကြီးဆီ သတင်းပို့ချေ ဟုန်းနယ်မြေမှာ အပြောင်းအလဲတွေ ဖြစ်နေပြီ၊ အရေးပေါ် ကာကွယ်ရေးအတွက် အင်အားစုစည်းဖို့ လိုတယ်လို့"

ပိုင်ချီသည် သူ၏ဗီဇအရ ထိုမန္တန်စာလုံးများမှာ အလွန်အန္တရာယ်ကြီးကြောင်း သိမြင်ထားသည်။

ဟုန်းနယ်မြေအတွင်း၌ မြစ်များ ခန်းခြောက်ကာ၊ မြို့များနှင့် တောင်တန်းများမှာ မီးလောင်ကျွမ်းနေပြီး သတ္တဝါအားလုံး၏ အသက်စွမ်းအားများကို အတင်းအဓမ္မ ထုတ်ယူခံနေရသည်။

နတ်ဘုရားကြွင်းကျန်အဆင့်ရှိသူများပင် ထိုထူးဆန်းသော မီးတောက်များအောက်၌ ရုန်းကန်ရင်း အသက်ပျောက်နေကြရသည်။

ဤအခြေအနေကို ရှူလန်လောကရှိ ထိပ်သီးပညာရှင်များအားလုံး သတိပြုမိသွားကြသည်။

ကျွင်းမိသားစု ဘိုးဘေးကြီး အပါအဝင် အားလုံးမှာ မျက်နှာပျက်သွားကြပြီး နတ်ဘုရားလောကရှိ မိမိတို့၏ အင်အားစုများထံသို့ အရေးပေါ် ဆက်သွယ်ကြတော့သည်။

တစ်ချိန်တည်းမှာပင် နတ်ဘုရားလောကရှိ ကျောက်မိသားစု မှ တာအိုဘိုးဘေးများမှာ နိုးထလာကြပြီး ဟုန်းနယ်မြေကို စိုက်ကြည့်နေကြသည်။

"သေပြီးသားတာအိုဘိုးဘေးရဲ့ အရေခွံတစ်ခုကများ သူ့ကို သွားပြီး နှိမ်နင်းလိုက်စမ်း" ဟု ကျောက်မိသားစုမှ ထိပ်သီးပညာရှင်တစ်ဦးက အေးစက်စွာ အမိန့်ပေးလိုက်ပြီး ဟင်းလင်းပြင်ကို ဖြတ်ကျော်ကာ တိုက်ခိုက်ရန် ပြင်ဆင်လိုက်တော့သည်။