အခန်း (၁၃၆) နယ်မြေဆယ်ခုကို ကြေညာခြင်း

ရှန်းရှားသည် အခြားသူများကို လှည့်ဖြားထိန်းချုပ်ရသည်ကိုသာ နှစ်သက်သူဖြစ်ပြီး သူ၏ကံကြမ္မာကို မည်သူ့လက်ထဲမှ အပ်နှံမည့်သူမဟုတ်ပေ။

မဟာဘိုးဘေးများကိုပင် သူက အထင်မကြီးဘဲ တစ်နေ့တွင် ကျော်ဖြတ်ရန် ရည်မှန်းထားသည်။

တစ်ဖက်တွင်မူ ချီဘိုးဘေးက ရှန်းရှားအား တစ်နှစ်အတွင်း အဆင်သင့်ပြင်ထားရန် သတိပေးပြီးနောက် ထွက်ခွာသွားခဲ့သည်။

အချိန်ခြောက်လခန့် ကုန်လွန်သွားပြီးနောက်အပြာရောင်နယ်မြေ၏ နယ်စပ်ရှိ ဟင်းလင်းပြင်တွင် လွင့်မျောနေသော ရှန်းယန်မြို့တော်သစ်၌ အခမ်းအနားတစ်ခု ကျင်းပနေသည်။

ကြီးကျယ်ခမ်းနားသော စစ်သင်္ဘောကြီးပေါ်မှ ယင်ချီဆင်းသက်လာသောအခါ မှူးမတ်ပေါင်းစုံနှင့် အင်အားစုအသီးသီးမှ ခေါင်းဆောင်များက ဒူးထောက်ဂါရဝပြုကြသည်။

ယင်ချီသည် နတ်ဘုရားဘုရင်အဆင့်ရှိသော ကျောက်စိမ်းပလ္လင်ပေါ်တွင် ထိုင်ကာ တစ်လောကလုံးကို ကြေညာလိုက်သည်။

ဒီနေ့ကစပြီး မဟာချင်ကို နတ်ဘုရားအင်ပါယာအဖြစ် တိုးမြှင့်လိုက်ပြီ။ ငါဟာ အင်ပါယာတစ်ခုလုံးရဲ့ အင်အားကိုသုံးပြီး ရှူလန်လောကကို သိမ်းပိုက်မယ်။

နယ်မြေဆယ်ခုစလုံးဟာ ချင်အင်ပါယာရဲ့ လက်အောက်ခံဖြစ်ရမယ်။ ငါတို့ရဲ့ စစ်တပ်ကို တားဆီးတဲ့သူမှန်သမျှကို ညှာတာမှုမရှိဘဲ ကွပ်မျက်မယ်။

ယင်ချီ၏ စကားကြောင့် မှူးမတ်များမှာ စိတ်လှုပ်ရှားတက်ကြွသွားကြသည်။

စစ်ဗိုလ်ချုပ်များသာမက စာပေဘက်ဆိုင်ရာ မှူးမတ်များကပင် စစ်ပွဲတွင် ပါဝင်ရန် အပြိုင်အဆိုင် လျှောက်ထားကြသည်။

အထူးသဖြင့် ကျိမိသားစုမှ ဘိုးဘေးကြီးမှာ နတ်ဘုရားစစ်စစ်အဆင့်ကို ရရှိလိုသဖြင့် ဟုန်းနယ်မြေကို တိုက်ခိုက်ရာတွင် ရှေ့တန်းမှ ပါဝင်လိုကြောင်း ခွင့်တောင်းခဲ့သည်။

ရှန်းယန်မြို့တော်သို့ ရောက်ရှိနေသော အခြားနယ်မြေများမှ ခေါင်းဆောင်များမှာမူ အလွန်အမင်း ထိတ်လန့်နေကြသည်။

မဟာချင်၏စစ်တပ်ကြီးတွင် နိမ့်သူမရှိဘဲ ရှေ့တန်းတွင် မုန့်ထျန်း ဝမ်ကျန့်တို့အပြင် နတ်ဘုရားဘုရင် ၁၀ ပါးနှင့် နတ်ဘုရားဧကရာဇ် တစ်ပါးတို့က တန်းစီရပ်နေကြသည်။

ဤမျှကြီးမားသော အင်အားကို ရှူလန်လောကရှိ အင်အားစုအားလုံး ပေါင်းတိုက်လျှင်ပင် အနိုင်ရရန် အခွင့်အလမ်းမရှိပေ။

အခမ်းအနားအပြီးတွင် အင်အားစုခေါင်းဆောင်များမှာ မိမိတို့မျိုးနွယ်စုထံ ပြန်လည်ပြေးလွှားကာ အညံ့ခံမလား သို့မဟုတ် ထွက်ပြေးမလားဆိုသည်ကို အသည်းအသန် ဆုံးဖြတ်နေကြရသည်။

ယင်ချီကမူ အချိန်ဆွဲမနေတော့ဘဲ နယ်စပ်တွင် စစ်တပ်ကြီးကို အသင့်ပြင်ထားပြီးဖြစ်သည်။

နယ်မြေဆယ်ခုအနက် ဟုန်းနယ်မြေနှင့် မိုနယ်မြေတို့မှာ မဟာချင်၏ ပထမဆုံး သိမ်းပိုက်မည့် ပစ်မှတ်များ ဖြစ်လာတော့သည်။