အခန်း (၁၂၂)  နတ်ဘုရားဘုရင်၏ လျှို့ဝှက်နယ်မြေ

ယင်ချီသည် နတ်ဘုရားစစ်စစ်အဆင့်သို့ တက်လှမ်းရန် လျှို့ဝှက်ခန်းအတွင်း၌ ကျင့်ကြံနေစဉ် ရှူလန်လောကအထက်တွင် လွင့်မျောနေသော နတ်ဘုရားဘုရင်၏ လျှို့ဝှက်နယ်မြေ အတွင်း၌ ထူးဆန်းသော ဖြစ်ရပ်များ ဖြစ်ပျက်နေသည်။

နတ်ဘုရားဘုရင်၏ အရှိန်အဝါရှိသော ဝိုးတဝါးပုံရိပ်တစ်ခုသည် ဒေါသတကြီး ရေရွတ်လိုက်သည်။

"တောက် ဒါက အောက်ပိုင်းလောက မဟုတ်ဘူးလား ဘယ်လိုဖြစ်လို့ နတ်ဘုရားလောကက ထိပ်သီးအင်အားစုတွေ အများကြီး ပေါ်လာရတာလဲ"

သူသည် ရုပ်အလောင်းပေါင်းစပ်ခြင်း ဧကရာဇ်ကျင့်စဉ်ကို အပြီးသတ်ပြီးသည်နှင့် ဤလောကမှ ထွက်ခွာရန် ဆုံးဖြတ်လိုက်သည်။

သို့သော် သူက ဆက်၍ ရှေးဟောင်းထိုက်ချူ ဂိုဏ်းကိုတော့ မျက်နှာသာပေးရမယ်။ 

အမွေအနှစ်ရတဲ့ ပထမဆုံးလူကလွဲရင် ကျန်တဲ့သူတွေအားလုံး သေရမယ် ဟီးဟီးဟီးဟု  ရယ်မောလိုက်သည်။

လက်ရှိတွင် လျှို့ဝှက်နယ်မြေအတွင်း၌ ကျင့်ကြံသူအားလုံး၏ အဆင့်မှာ ဝိညာဉ်နတ်ဘုရားအဆင့်သို့ ကန့်သတ်ခံထားရသဖြင့် တိုက်ပွဲများမှာ အလွန်ရက်စက်ကြမ်းကြုတ်နေသည်။

နတ်ဘုရားအကြွင်းအကျန်တစ်ဦးသည် သူ၏ အဆင့်နှိမ်ချခံထားရသော်လည်း သာမန်ဝိညာဉ်နတ်ဘုရားများထက် အဆပေါင်းများစွာ သာလွန်နေဆဲဖြစ်သည်။

သူသည် နတ်ဘုရားဘုရင်ကျောက်စာတိုင်ကို တစ်ဦးတည်း ပိုင်ဆိုင်လိုသဖြင့် အနားကပ်လာသူမှန်သမျှကို သတ်ဖြတ်နေသည်။

"နတ်ဘုရားကို စော်ကားလို့မရဘူး အားလုံး သေကြစမ်း" ဟု အော်ဟစ်ကာ သူ၏ နတ်ဘုရားတံဆိပ်ဖြင့် ဝိညာဉ်နတ်ဘုရား ထောင်ပေါင်းများစွာကို တစ်ချက်တည်းဖြင့် အမှုန့်ပြုလိုက်သည်။

ထိုစဉ် ဝတ်ရုံဖြူဝတ် လူငယ်တစ်ဦးသည် ပျင်းရိပျင်းတွဲ ပုံစံဖြင့် လျှောက်လှမ်းလာသည်။ သူ၏ လက်ထဲတွင် သာမန် သံဓားတစ်လက်ကို ကိုင်ဆောင်ထားသည်။

နတ်ဘုရားအကြွင်းအကျန်က "ကလေး ထွက်သွားစမ်း နောက်တစ်လှမ်း ထပ်လှမ်းရင် မင်းရဲ့ ဝိညာဉ်ကို အမှုန့်လုပ်ပစ်မယ်" ဟု ခြိမ်းခြောက်လိုက်သည်။

လူငယ်က အေးအေးဆေးဆေးပင် ပြန်ပြောလိုက်သည်  "ဪ  ဟုတ်လား ငါလည်းမင်းကို ငါးလုံးတည်း ပြောမယ် ဒူးထောက်ပြီးမှ ထွက်သွားစမ်း"

နတ်ဘုရားအကြွင်းအကျန်သည် ဒေါသထွက်ကာ တိုက်ခိုက်ရန် ပြင်လိုက်သော်လည်း လူငယ်က သူ၏ ဓားကို အိမ်မှ ဆွဲထုတ်လိုက်သည့် ခဏချင်းမှာပင် အရှိန်အဝါမှာ တစ်လောကလုံးကို ဖိနှိပ်နိုင်လောက်အောင် ပြောင်းလဲသွားသည်။

"နတ်ဘုရားအကြွင်းအကျန်လား ဒါနဲ့ဆို ၁၃ ယောက်မြောက်ပဲ"

ဓားကို ဆွဲထုတ်သည် ပြန်သိမ်းသည်။

ခဏချင်းမှာပင် ထိုနတ်ဘုရားအကြွင်းအကျန်၏ ခေါင်းသည် မြေပေါ်သို့ လိမ့်ကျသွားတော့သည်။ သူသည် သာမန်လူတစ်ယောက်ကို သတ်သကဲ့သို့ အလွန်လွယ်ကူစွာ သတ်ပစ်လိုက်ခြင်း ဖြစ်သော်လည်း ထိုနတ်ဘုရား၏ ဝိညာဉ်ပါ အမြစ်ပြတ်သွားခဲ့သည်။

"ငါက တိုက်ခိုက်ရတာ အမုန်းဆုံးပါ"

ထိုလူငယ်သည် အလောင်းကို ကြည့်ကာ သက်ပြင်းချလိုက်ပြီး သူ၏ ပျင်းရိသော ပုံစံသို့ ပြန်လည်ရောက်ရှိသွားသည်။

သူသည် ကျောက်စာတိုင်ရှေ့တွင် ထိုင်ချလိုက်ပြီး အဝေးမှ ကြည့်နေသော ကျင့်ကြံသူများကို လှမ်းပြောလိုက်သည်။

"အခွင့်အရေးကို လေ့လာချင်တဲ့သူတွေ ရှေ့ထွက်လာခဲ့ပါ နတ်ဘုရားဘုရင်ရဲ့ အမွေအနှစ်ကို လူတိုင်း ရနိုင်ပါတယ်"

သို့သော် မည်သူမျှ အနားမကပ်ရဲကြပေ။ ထိုနတ်ဘုရားထက် ဤလူငယ်က ပို၍ ကြောက်စရာကောင်းသည်ဟု သူတို့ ခံစားနေရသည်။

 လူငယ်က ခေါင်းခါယမ်းကာ ရေရွတ်လိုက်သည်  "ဘာလို့ ကြောက်နေကြတာလဲ ငါ လင်းရှီးအန်းက တိုက်ခိုက်သတ်ဖြတ်ရတာကို အမုန်းဆုံးပါဆို"