အခန်း (၁၀၂)  အရှင်သခင်၏ ပြန်လည်နိုးထမှု

နန်ကုန်းဝူမုံ၏ ရှေးဟောင်းလက်စွပ်မှ ထွက်ပေါ်လာသော အလင်းတန်းမှာ နူးညံ့ပြီး နက်နဲလှသည်။

ထိုအလင်းထဲမှ ရှေးဟောင်းသမိုင်းဝင် ပုံရိပ်တစ်ခုနှင့်အတူ ဟိန်းဟောက်သံကြီး တစ်ခု ထွက်ပေါ်လာသည်။

ဟားဟားဟားဟား ဘယ်နှစ်ကမ္ဘာ ချီသွားပြီလဲ... ငါ ချန်ရှန်းတစ်ယောက် ပြန်နိုးထလာပြီဟေ့။

နန်ကုန်းဝူမုံမှာ ထိုအသံ၏ အရှိန်အဝါကြောင့် မတ်တတ်ပင် မရပ်နိုင်ဘဲ ဒူးထောက်ကျသွားသည်။

ထိုလက်စွပ်ထဲမှ ရွှေရောင်ဆံပင်နှင့် ဝတ်ရုံရှည်ဝတ်ဆင်ထားသော ခန့်ညားထည်ဝါသည့် အဘိုးအိုတစ်ဦး ထွက်ပေါ်လာသည်။

ထိုအဘိုးအိုသည် မိမိကိုယ်ကို ချန်ယောင် ဟု မိတ်ဆက်ပြီး နတ်ဘုရားလောက၏ ဆေးပေါင်းစုံ အရှင်သခင်ဖြစ်ကြောင်း ပြောကြားသည်။

သူသည် မူလက တောင်သိင်္ဂီဂျင်ဆင်းပင်ဘဝမှ တရားဓမ္မများကို ကြားနာကာ ကျင့်ကြံခဲ့ပြီး ဆေးဖော်စပ်ခြင်းလမ်းစဉ်ဖြင့် နတ်ဘုရားဧကရာဇ်အဆင့် ထိုမှတစ်ဆင့် အရှင်သခင်အဆင့်သို့ တက်လှမ်းခဲ့သူဖြစ်သည်။

သူသည် ရှေးခေတ်က အမှောင်မဟာအခမ်းအနားတိုက်ပွဲတွင် ကောင်းကင်ဧကရာဇ်နောက်သို့ လိုက်ပါကာ ထူးဆန်းသော အမှောင်ထုများကို တိုက်ခိုက်ရင်း ကျဆုံးခဲ့ရခြင်း ဖြစ်သည်။

ယခု သူ၏စိတ်ဆန္ဒ ပြန်လည်နိုးထလာခြင်းမှာ ကောင်းကင်ဧကရာဇ်၏ ကြိုတင်ပြင်ဆင်မှုတစ်ခု ဖြစ်နိုင်သည်ဟု သူယူဆသည်။

နန်ကုန်းဝူမုံသည် အရှင်သခင်ဟူသော အဆင့်အတန်းကို ကြားသောအခါ အလွန်အမင်း တုန်လှုပ်သွားသည်။

နတ်ဘုရားလောကတွင် နတ်ဘုရားဧကရာဇ်နှင့် တာအိုဘိုးဘေးတို့ထက်ပင် မြင့်မားသော အဆင့်မှာ အရှင်သခင် ဖြစ်သည်။

နန်ကုန်းဝူမုံ၏ မျိုးနွယ်စုဖြစ်သော နန်ကုန်းဧကရာဇ်မျိုးနွယ်သည်လည်း ရှေးခေတ်က အမှောင်ထုကို တိုက်ခိုက်ရင်း ကျဆုံးခဲ့သည့် နတ်ဘုရားဘုရင်ကြီးများ၏ အဆက်အနွယ် ဖြစ်သည်။

သူသည် ဤဆေးနတ်ဘုရားကြီး၏ အကူအညီဖြင့် သူ၏မျိုးနွယ်စုကို ပြန်လည်ဦးမော့စေပြီး နတ်ဘုရားလောကသို့ ပြန်လည်ဝင်ရောက်ရန် အကြီးအကျယ် စိတ်ကူးယဉ်နေတော့သည်။

မင်းနဲ့ ငါနဲ့ တွေ့ဆုံတာဟာ ကံတရားပဲ။ ငါ ဒီလက်စွပ်ထဲမှာ ခဏ နားခိုရင်း မင်းကို ပညာအချို့သင်ကြားပေးမယ်ဟု ချန်ယောင်က ဆိုသည်။

တစ်ဖက်တွင်လည်း ရှူလန်လောကအတွင်း အခြားသော ရှေးဟောင်းဝိညာဉ်များ ပြန်လည်နိုးထလာနေသည်။

ဧရာမ ပင့်ကူရုပ်သေးကြီး တစ်ရုပ်သည်လည်း မိမိကိုယ်ကိုယ် အသိစိတ်ပြန်ဝင်လာပြီး စတင်စကားပြောလာရာ အစောင့်စစ်သည်များမှာ ကြောက်လန့်တုန်ရင်ကုန်ကြသည်။

အခန်း (၁၀၃) -ထောင်သောင်းလေပြင်းအရှင်သခင်၏ စိတ်ဆန္ဒ

ဖျက်ဆီးခြင်း ပင့်ကူရုပ်သေးစောင့်ကြပ်နေသော စစ်သည်သည် ထိတ်လန့်တကြားဖြင့် ဆက်သွယ်ရေး အဆောင်လက်ဖွဲ့ကို ချေဖျက်လိုက်ရာ ဟင်းလင်းပြင် အက်ကြောင်းတစ်ခု ပေါ်ထွက်လာပြီး ချုံလန်သန့်စင်သောမင်းဆက်၏ ရှေးဟောင်းဘိုးဘေးထွက်ပေါ်လာသည်။

လွန်ခဲ့သော နှစ်ပေါင်းတစ်ရာခန့်က ရှန့်မင်းဆက်မှ ထွက်ပြေးခဲ့ရသော ချုံလန်မျိုးနွယ်သည် ယခုအခါ စည်ပင်ဝပြောသော နယ်မြေတစ်ခုကို သိမ်းပိုက်နိုင်ခဲ့ပြီး ရုပ်သေးပညာတွင် အလွန်အမင်း တိုးတက်လာခဲ့သည်။

သူတို့သည် သူတော်စင်အဆင့်ရုပ်သေးများကို တည်ဆောက်နိုင်ရုံသာမက ဧကရာဇ်တစ်ပိုင်းအဆင့် ရုပ်သေးများ ပြုလုပ်ရန်ပင် နီးစပ်နေပြီဖြစ်သည်။

သူတို့၏ နိုင်ငံတော်မှာ သံမဏိများ၊ အဆောင်လက်ဖွဲ့များနှင့် စွမ်းအင်များဖြင့် တည်ဆောက်ထားသောပုံစံ နိုင်ငံကြီးတစ်ခုသဖွယ် ဖြစ်နေသည်။

သို့သော် ယနေ့တွင် သူတို့၏ အကြီးမားဆုံးသော ဝှက်ဖဲဖြစ်သည့် ဖျက်ဆီးခြင်း ပင့်ကူရုပ်သေးမှာ အလိုအလျောက် လှုပ်ရှားလာပြီး ထိန်းချုပ်မှုအပြင်ဘက်သို့ ရောက်ရှိသွားသည်။

ချုံလန်ဘိုးဘေးသည် ရုပ်သေးကို ထိန်းချုပ်ရန် ကြိုးစားသော်လည်း အချည်းနှီးသာ ဖြစ်ခဲ့သည်။

ထိုရုပ်သေးကြီးက စတင်စကားပြောလာသည်

"စိတ်ဝင်စားစရာပဲ... မင်းရဲ့ ရုပ်သေးပညာက တော်တော်လေး ဆန်းသစ်တယ်။ မင်းရဲ့ ကျင့်ကြံခြင်း ပါရမီက အမှိုက်လိုပဲ ဆိုပေမဲ့ မင်းရဲ့ တီထွင်ဖန်တီးမှုကိုတော့ ငါ သဘောကျမိတယ်"

ထိုရုပ်သေးကြီးထဲတွင် ကိန်းအောင်းနေသော စိတ်ဝိညာဉ်မှာ ရှေးဟောင်း မူကျူးဂိုဏ်း၏ ဘိုးဘေး ထောင်သောင်းလေပြင်း အရှင်သခင်ဖြစ်သည်။

သူသည် လွန်ခဲ့သော ကမ္ဘာဦးခေတ်က ကောင်းကင်ဧကရာဇ်နောက်သို့ လိုက်ပါကာ တိုက်ပွဲဝင်ခဲ့သော နတ်ဘုရားလောကမှ အင်အားကြီး ပုဂ္ဂိုလ်တစ်ဦး ဖြစ်သည်။

သူသည် ရုပ်သေးလမ်းစဉ်တွင် အထွတ်အထိပ်သို့ ရောက်ရှိခဲ့သူဖြစ်ပြီး သူ၏ အဆင့်အတန်းမှာ နတ်ဘုရားတို့၏ အထက် ရှိသည်။

ချုံလန်ဘိုးဘေးမှာ ထိုကဲ့သို့သော အင်အားကြီး ပုဂ္ဂိုလ်တစ်ဦး၏ ရှေ့မှောက်တွင် မည်သို့မျှ မတတ်နိုင်ဘဲ ဒူးထောက် အရှုံးပေးလိုက်ရတော့သည်။

သူ၏ မင်းဆက် ကံကြမ္မာမှာ ယခုအခါ ဤရှေးဟောင်း အရှင်သခင်၏ လက်ထဲသို့ ရောက်ရှိသွားပြီဖြစ်သည်။

နန်ကုန်းဝူမုံနောက်တွင် ဆေးနတ်ဘုရားကြီး ပေါ်လာသကဲ့သို့ ယခု ချုံလန်မင်းဆက်နောက်တွင်လည်း ရုပ်သေးနတ်ဘုရားကြီး ပေါ်လာပြီဖြစ်သည်။