အခန်း (၆၀) ကောက်ကျစ်စဉ်းလဲသော ဂိုဏ်းချုပ် ယုချန်ရှင်း
"ဒါဆို မင်းက ယဲ့ဖန်ရဲ့ရည်စား ကျောက်စိမ်းကညာဂိုဏ်းရဲ့ သူတော်စင်မပေါ့လေ"
တံခါး ရုတ်တရက်ပွင့်လာသည်ကို မြင်လိုက်ရသဖြင့် ရှောင်ချီမှာ ဆက်လက် တရားမှတ်လိုစိတ် မရှိတော့ပေ။
သူသည် ဖြည်းညှင်းစွာ ထရပ်လိုက်ပြီး သူ၏ ညီမလေးရှေ့တွင် ကာရပ်ကာ ဝင်လာသော အမျိုးသမီးနှစ်ဦးကို စိုက်ကြည့်လိုက်သည်။
"နောက်တစ်ယောက်ကကော ဘယ်သူလဲ ကျောက်စိမ်းကညာဂိုဏ်းရဲ့ ဂိုဏ်းချုပ်တော့ မဟုတ်ပါဘူးနော်" ရှောင်ချီက ဆက်လက်၍ အနည်းငယ် အသက်ကြီးသော အမျိုးသမီးကို ကြည့်ကာ စိတ်ဝင်တစား မေးလိုက်သည်။
ငါက ကျောက်စိမ်းကညာဂိုဏ်းရဲ့ လက်ရှိဂိုဏ်းချုပ်ပါ။ ဒါပေမဲ့ စိတ်အေးအေးထားပါ မင်းက လူငယ်တစ်ယောက်ပဲ ရှိသေးတာ။
ငါတို့ ကျောက်စိမ်းကညာဂိုဏ်းမှာ လာပြီး ပြဿနာရှာရင်တောင် မင်းနဲ့ အဆင့်တူတဲ့ လူငယ်တွေပဲ မင်းနဲ့ ယှဉ်ပြိုင်လိမ့်မယ်။
ဂိုဏ်းချုပ်တစ်ယောက်အနေနဲ့ ငါကတော့ မင်းလို ကလေးအဆင့်ကို ဆင်းပြီး မကိုင်တွယ်ပါဘူး။
ဂိုဏ်းချုပ်သည် ယုလင်လုံ၏ နောက်တွင် အေးဆေးစွာ ရပ်နေပြီး တိုက်ခိုက်မည့် အရိပ်အယောင် လုံးဝမပြပေ။
ဘယ်သူက ယဲ့ဖန်ရဲ့ရည်စားလဲ ပါးစပ်ကို သေသေချာချာ ထိန်းပြောစမ်း မဟုတ်ရင်တော့ ဒီသူတော်စင်မကမင်းရဲ့ အဲ့ဒီ နံစော်နေတဲ့ ပါးစပ်ကို ဆွဲဖြဲပစ်လိမ့်မယ်ဟုယုလင်လုံက ဒေါသတကြီး အော်ဟစ်လိုက်ပြီး ခါးမှ ဓားရှည်ကို ဆွဲထုတ်ကာ ရှောင်ချီကို ချိန်ရွယ်လိုက်သည်။
သတင်းတွေက မှားနေတာလား အပြင်မှာ လူတိုင်းပြောနေကြတာက ကျောက်စိမ်းကညာဂိုဏ်းရဲ့သူတော်စင်မဟာ ယဲ့ဖန်ရဲ့မိန်းမဆိုတာပဲ မဟုတ်လား ဘာလဲ... ဒါက အရမ်းရှက်စရာကောင်းလို့ ဝန်မခံရဲတာလား ရှောင်ချီက ပေါက်ကွဲလုမတတ် ဖြစ်နေသော ယုလင်လုံ၏ မျက်နှာကို ကြည့်ပြီး သံသယဖြင့် မေးလိုက်သည်။
ငါက တစ်သက်လုံး ဖြူစင်စွာ နေထိုင်လာတာ ဘယ်တုန်းက ယဲ့ဖန်နဲ့ ပတ်သက်ခဲ့လို့လဲ အဲ့ဒီ အရှက်မရှိတဲ့ကောင်က ငါ့ကိုသူ့မိန်းမလို့ လျှောက်ပြောနေတာဟာ ငါတို့ ကျောက်စိမ်းကညာဂိုဏ်းရဲ့ အဖိုးတန်ရတနာကို လိုချင်လို့ပဲ မဟုတ်လား။
ငါ့အမြင်ပြောရရင်တော့ အဲ့ဒီယဲ့ဖန်ဆိုတာ ဟန်ဆောင်ကောင်းတဲ့ လူယုတ်မာပဲ။ မင်းတို့ ဝိညာဉ်ဓားဂိုဏ်းက သူ့ကို ကြိုက်နေပြီး သူတော်စင်အဖြစ်တောင် တင်မြှောက်ထားတာ တကယ်ကို ရယ်စရာကောင်းတယ်။
ကျောက်စိမ်းကညာဂိုဏ်း၏ သူတော်စင်မ ယုလင်လုံသည် လှပသော်လည်း သူမ စကားပြောလိုက်တိုင်း နှစ်သစ်ကူး ဗျောက်အိုးများ ဖောက်လိုက်သလိုပင် နားစည်ကျိန်းလောက်အောင် အော်ဟစ်တတ်သည်။
"အသံလေး နည်းနည်းလောက် လျှော့ပြောလို့ မရဘူးလား ငါ့ညီမလေးကို အနှောင့်အယှက် ဖြစ်နေတယ် မမြင်ဘူးလား" သူ၏နောက်က မိန်းကလေးငယ်လေး နားကို ပိတ်ထားသည်ကို မြင်သောအခါ ရှောင်ချီက မျက်မှောင်ကြုတ်ကာ မကျေမနပ် ပြောလိုက်သည်။
"ငါက ငယ်ငယ်ကတည်းက ဒီလိုပဲ ပြောတာ။ နားမထောင်ချင်ရင် ငါတို့ ပိုင်နက်ထဲက ထွက်သွားလေ။ ငါတို့က မင်းကို ဖိတ်ထားတာမှ မဟုတ်တာ"
ယုလင်လုံ၏ အရှိန်အဝါမှာ ပေါက်ကွဲတော့မည့် နဂါးမတစ်ကောင်ကဲ့သို့ ပြင်းထန်နေသည်။
မင်းက ယဲ့ဖန်နဲ့ ဘာမှမပတ်သက်ဘူးဆိုရင် ဒီကိစ္စထဲ ဘာလို့ပါဝင်နေတာလဲ သူက နတ်ဘုရားနန်းတော်ဆိုတာကို တည်ထောင်ထားပြီး အဲ့ဒီထဲက လက်ဝဲအကာအကွယ်ပေးသူ က ငါ့ကို လာစော်ကားလို့ ငါက သူ့ကို စားသောက်ဆိုင် တံခါးဝမှာ ချိတ်ထားတာ။ ယဲ့ဖန် ရောက်လာရင် သင်ခန်းစာ ကောင်းကောင်းပေးဖို့ စောင့်နေတာ။
အကယ်၍ မင်းက သူ့ကို ရန်ငြိုးရှိပြီး မဆုံးမရဲရင်လည်း ဘေးကနေပဲ ကြည့်နေလိုက်ပါ။ ငါက မင်းကိုယ်စား သူ့ကို ကိုင်တွယ်ပေးတာ ပိုမကောင်းဘူးလား။
ရှောင်ချီသည် ရှေ့က အမျိုးသမီးကို တကယ်တမ်း မုန်းတီးခြင်းမရှိပေ။ သူမ၏ ပွင့်လင်းစွာ ပြောဆိုတတ်သော စရိုက်မှာ သူ၏ အစ်မများနှင့် ဆရာထက်ပင် ပို၍ သဘောကျစရာ ကောင်းနေသည်။
ဒါကတော့ မရဘူး ကိစ္စတွေကို သီးသန့်စီ ခွဲထားရမယ်။ မင်း ယဲ့ဖန်ကို ရန်ငြိုးရှိတာကိုတော့ ငါဝမ်းသာပါတယ်။ ဒါပေမဲ့ ငါတို့ ကျောက်စိမ်းကညာဂိုဏ်းရဲ့ ပိုင်နက်မှာ လာပြီး ပြဿနာရှာတာက ငါတို့မျက်နှာကို ဖြတ်ရိုက်တာပဲ။
ကျောက်စိမ်းကညာဂိုဏ်းရဲ့ မျိုးဆက်သစ် ခေါင်းဆောင်တစ်ယောက်အနေနဲ့ မင်းကို ငါ သင်ခန်းစာ မပေးဘူးဆိုရင် ငါတို့ဂိုဏ်းရဲ့ မျက်နှာဟာ မင်းခြေဖဝါးအောက်မှာ နင်းခြေခံရသလို ဖြစ်သွားမှာပေါ့ ယုလင်လုံ၏ စကားမှာ ကျိုးကြောင်းဆီလျော်လှသည်။
ရှောင်ချီက သေချာစဉ်းစားကြည့်ရာ ယုလင်လုံ ပြောသည်မှာလည်း ဟုတ်သလိုပင်။
"ဒါဆို မင်းက ဘာဖြစ်ချင်တာလဲ ငါနဲ့ တိုက်ခိုက်မှကို ကျေနပ်မှာလား" ရှောင်ချီက ခဏမျှ စဉ်းစားပြီးနောက် မျက်မှောင်ကြုတ်ကာ မေးလိုက်သည်။
ဤတည်းခိုခန်းသို့ ရောက်လာပြီး ရှောင်ချီနှင့် တွေ့ဆုံပြီးနောက်တွင် ယုလင်လုံသည် သူထင်ထားသကဲ့သို့ မောက်မာရိုင်းစိုင်းသူ မဟုတ်ကြောင်း တွေ့လိုက်ရသည်။
ဆန့်ကျင်ဘက်အနေဖြင့် သူသည် ကျိုးကြောင်းပြကာ ပြောဆိုနေသဖြင့် ပြုပြင်လို့ မရသည့်လူတော့ မဟုတ်ပုံရသည်။
ဒီလိုလုပ်ရအောင် ငါနဲ့အတူ ကျောက်စိမ်းကညာဂိုဏ်းကို လိုက်ခဲ့ပြီး ယှဉ်ပြိုင်ကြမယ်။ အကယ်၍ မင်း ငါ့ကို နိုင်ရင် ယဲ့ဖန်နဲ့ မင်းကြားက ကိစ္စကို ငါ ဝင်မပါတော့ဘူး။
ဟို လက်ဝဲအကာအကွယ်ပေးသူကိုလည်း မင်း ကြိုက်သလောက် ဆက်ပြီး ချိတ်ထားလို့ ရတယ်။
အကယ်၍ မင်းရှုံးရင်လည်း ယဲ့ဖန်ကိစ္စကို ငါ ဝင်မပါဘူး ဒါပေမဲ့ မင်းအဲ့ဒီလူကိုတော့ တခြားနေရာကို ရွှေ့ပေးရမယ်
ပြီးတော့ ဂိုဏ်းသားအားလုံးရှေ့မှာ ကျောက်စိမ်းကညာဂိုဏ်းကို တောင်းပန်ရမယ်။
ကျောက်စိမ်းကညာဂိုဏ်းရဲ့ ပိုင်နက်မှာ ပြဿနာမရှာသင့်ကြောင်းနဲ့ နောင်ကို ကျောက်စိမ်းကညာဂိုဏ်းရဲ့ မြေပေါ်ကို ခြေမနင်းတော့ပါဘူးလို့ ကတိပေးရမယ်။
ယုလင်လုံက ဆန့်ကျင်ဘက် စားသောက်ဆိုင်တွင် ချိတ်ဆွဲခံထားရသော လက်ဝဲအကာအကွယ်ပေးသူကို လက်ညှိုးထိုးပြကာ ပြောလိုက်သည်။
"ပြဿနာ မရှိဘူး ငါ သဘောတူတယ်" ရှောင်ချီက ခေါင်းညိတ်လိုက်သည်။ ဤလောင်းကြေးမှာ တော်တော်လေး မျှတသည်ဟု သူ ထင်သည်။
သူ နိုင်သည်ဖြစ်စေ ရှုံးသည်ဖြစ်စေ သူ နစ်နာစရာ မရှိပေ။ ပြီးတော့ မိန်းကလေးငယ်လေးတစ်ယောက်ကို သူ ရှုံးနိမ့်လိမ့်မည်ဟုလည်း လုံးဝ မတွေးထားပေ။
"စီနီယာအစ်ကို... ဒီသူတော်စင်မက မရိုးရှင်းဘူးနော်။ သူမက ယဲ့ဖန်နဲ့ အသက်ချင်း တူပေမဲ့ ဂိုဏ်းပေါင်းစုံ ပြိုင်ပွဲမှာ စတုတ္ထ ရခဲ့တာ။ တချို့ကတော့ သူမရဲ့ ပါရမီဟာ ယဲ့ဖန်ထက်တောင် ပိုပြီး သန်မာတယ်လို့ ပြောကြတယ်" လင်ယုရှု ရှောင်ချီ၏ နားနားသို့ ကပ်ကာ တိုးတိုးလေး သတိပေးလိုက်သည်။
မင်းလေးက ငါတို့ကျောက်စိမ်းကညာဂိုဏ်းအကြောင်း တော်တော်သိတာပဲ။ ငါနဲ့အတူ ဂိုဏ်းကို လိုက်ခဲ့ပါလား ငါ မင်းကို ကျောက်စိမ်းကညာဂိုဏ်းမှာ စောင့်ရှောက်ပေးမယ်လေ။
ယုလင်လုံက လင်ယုရှုကို ကြည့်ကာ နှုတ်ခမ်းထောင့်လေး ကွေးညွှတ်ရုံ ပြုံးလိုက်ပြီး ဤမိန်းကလေးငယ်လေးကို စိတ်ဝင်တစား ရှိနေသည်။
"မလိုက်ပါဘူး စီနီယာအစ်ကို ဘယ်သွားသွား ကျွန်မလိုက်မှာ" ရွှေယွမ်က မျက်နှာပြောင်ပြကာ ရှောင်ချီ၏နောက်တွင် ပုန်းလိုက်သည်။
"ဒါဆိုလည်း ထားလိုက်ပါတော့ ငါက ညီမလေးတစ်ယောက် ရချင်လို့ပါ မင်းမှာ အဲ့ဒီလောက် ကံမပါဘူး ထင်တယ်" ယုလင်လုံက ခေါင်းခါလိုက်ပြီး ရှေ့ဆုံးမှ ဦးဆောင်ကာ အပြင်သို့ ထွက်သွားတော့သည်။
ပုံမှန်အားဖြင့် တစ်စုံတစ်ဦးက ငြင်းပယ်လိုက်လျှင် မင်းကိုညီမအဖြစ်ရဖို့ ငါ့မှာ ကံမပါဘူး ဟု ပြောတတ်ကြသော်လည်း သူမကတော့ လင်ယုရှုတွင်သာ ကံမရှိဟု ပြောသွားခြင်းမှာ ဤသူတော်စင်မ၏ ကိုယ့်ကိုယ်ကိုယ် ယုံကြည်မှုမှာ အလွန်အမင်း ပြည့်လျှံနေကြောင်း ပြသနေသည်။
တံခါးဝတွင် မလှုပ်မယှက် ရပ်နေဆဲဖြစ်သော ဂိုဏ်းချုပ်ကို ကြည့်ကာ ရှောင်ချီက ခေါင်းညိတ်ပြလိုက်ပြီး ယုလင်လုံ၏ နောက်မှ လိုက်ကာ ကျောက်စိမ်းကညာဂိုဏ်းဆီသို့ ဦးတည်သွားကြတော့သည်။
စိတ်ဝင်စားဖို့ ကောင်းလိုက်တာ အရင်တုန်းက ယဲ့ဖန်က ဒီမိန်းကလေးရဲ့ နှလုံးသားကို မလှုပ်ခတ်နိုင်ခဲ့ဘူး အခုတော့ နောက်ထပ် ရှောင်ချီဆိုတဲ့လူ ရောက်လာပြန်ပြီ သူမက သူတော်စင်မအနေနဲ့ အေးအေးဆေးဆေး ဆက်နေနိုင်ပါဦးမလား ကြည့်ကြသေးတာပေါ့။
ငါ့ရဲ့ ငယ်စဉ်က အရှက်ရစရာ ကိစ္စကို ခဏခဏ လာလှောင်နေတဲ့ သူမရဲ့ ဂုဏ်သိက္ခာကို ငါ နွံထဲ ဆွဲချပစ်ရမယ်။
ထွက်ခွာသွားသော ရှောင်ချီ၏ နောက်ကျောကို ကြည့်ကာ ဂိုဏ်းချုပ်၏ နှုတ်ခမ်းများမှာ ကောက်ကျစ်စဉ်းလဲသော အပြုံးတစ်ခု ပေါ်လာပြီး တစ်ခုခုကို ကြံစည်နေပုံရသည်။
အမှန်စင်စစ် သူမသည် ရှောင်ချီ၏ အဆင့်အတန်းကို စုံစမ်းပြီးသား ဖြစ်သော်လည်း လူသိရှင်ကြား ထုတ်မပြောခြင်းသာ ဖြစ်သည်။
ဂိုဏ်းချုပ်တစ်ဦးအနေဖြင့် ယုလင်လုံကို ထိန်းချုပ်နိုင်မည့် နည်းလမ်းတစ်ခုကို သူမ အမြဲတမ်း မျှော်လင့်နေခဲ့သည်။ သို့သော် ဤနှစ်များတစ်လျှောက် အခွင့်အရေး မရခဲ့ပေ။
မကြာသေးမီက ယဲ့ဖန်ပေါ်ထွက်လာတော့မှသာ သူမမျှော်လင့်ချက် ရောင်ခြည် မြင်ခဲ့ရသဖြင့် ယဲ့ဖန်နှင့် ပူးပေါင်းကာ သူတော်စင်မနှင့် ပတ်သက်သည့် သတင်းအမှားများကို ဖြန့်ဝေခဲ့ခြင်းဖြစ်သည်။
အမှန်တကယ်တော့ ဤအစီအစဉ်မှာ အောင်မြင်ခဲ့သည်ဟု ဆိုရမည် လွန်ခဲ့သော ခြောက်နှစ်အတွင်း ယုလင်လုံနှင့် ယဲ့ဖန်တို့၏ ကိစ္စမှာ ကျင့်ကြံခြင်းလောကတစ်ခုလုံးတွင် ပျံ့နှံ့သွားခဲ့ပြီး တစ်ကိုယ်တော်ကျင့်ကြံသူများပင် ကြားဖူးကြသည်။
ယုလင်လုံ၏ ဂုဏ်သိက္ခာမှာ လုံးဝ ပျက်စီးသွားပြီဟုဆိုနိုင်သည် သို့သော် ဂိုဏ်းချုပ်ကတော့ အားမရသေးပေ။ ယုလင်လုံ၏ ဂုဏ်သိက္ခာ ပျက်စီးသွားသော်လည်း သူမ၏ တာအိုနှလုံးသားကတော့ လုံးဝ မတုန်လှုပ်ပေ။ ပြီးတော့ သူမက ဒီကိစ္စတွေကို သိပ်ဂရုစိုက်ပုံလည်း မရပေ။
ဂိုဏ်းချုပ်သည် သူမ၏ ငယ်စဉ်အခါက အမှားအချို့ လုပ်ခဲ့ဖူးရာ ဂိုဏ်းသားများနှင့် ဤသူတော်စင်မက သူမ၏ အနာဟောင်းကို မကြာခဏ ပြန်ဆွတတ်ကြသည်။
သူမသည် အမြဲတမ်း တွေးနေမိသည်မှာအဘယ်ကြောင့် သူမသည် ငယ်စဉ်က ဤမျှ ကြီးမားသော နာကျင်မှုကို ခံစားခဲ့ရပြီး ယခု သူတော်စင်မသစ်ကတော့ ဖြူစင်ဝင်းပနေရသနည်းဆိုသည့်အချက်ပင်။
ဤအချက်က သူမ၏ စိတ်ထဲတွင် ဖျက်ဆီးလိုသော ဆန္ဒများကို ဖြစ်ပေါ်စေခဲ့တော့သည်။