အခန်း (၄၂) နတ်သမီး လင်ယွင်၏ နှလုံးသား ပြာကျသွားရခြင်း

ထိုရင်းနှီးနေသော အသံကို ကြားလိုက်ရချိန်တွင် နတ်သမီး လင်ယွင်၏ နှလုံးသားမှာ ပြင်းထန်စွာ တုန်ယင်သွားတော့သည်။

သူမ၏ ဦးနှောက်ထဲတွင် အုန်းခနဲ မြည်ဟည်းသွားပြီး တစ်ကိုယ်လုံးတွင် ကြောက်မက်ဖွယ်ကောင်းသော ထိတ်လန့်မှုများ ပျံ့နှံ့သွားရာ မိန်းမောမေ့လဲလုနီးပါး ဖြစ်သွားရသည်။

အခုလေးတင် စကားပြောလိုက်တာ ယဲ့ဖန်လား သူမ နေ့ညမပြတ် တမ်းတနေခဲ့ရတဲ့ ယဲ့ဖန်လား။

ယဲ့ဖန်က ဘာလို့ ဒီလို ရိုင်းစိုင်းတဲ့ စကားတွေကို ပြောနေရတာလဲ သူက လင်းကျောင်လန် နဲ့ စေ့စပ်ထားပြီးပြီမဟုတ်လား ဘာလို့ သူမရဲ့ ဒုတိယတပည့်နဲ့ ဒီမှာဖောက်ပြန်နေရတာလဲ ပြီးတော့ သူမရဲ့ တပည့်ကို သူမနဲ့ ဘာလို့ နှိုင်းယှဉ်နေရတာလဲ ယဲ့ဖန်ရဲ့ မျက်လုံးထဲမှာ သူတို့ဟာ ကစားစရာ သက်သက်ပဲလား။

ဒီမေးခွန်းတွေက လင်ယွင်၏ ခေါင်းထဲမှာ တစ်ခုပြီးတစ်ခု ပေါ်လာပြီး ရင်ထဲမှာ ဗြောင်းဆန်လာတော့သည်။ အော့အန်ချင်စိတ်ကို ကျင့်ကြံခြင်း စွမ်းအားဖြင့် မနည်း ထိန်းထားလိုက်ရသည်။

"ကျွန်မရဲ့ဆရာမ က အေးစက်တဲ့ စရိုက်နဲ့ ဒီလို နည်းလမ်းတွေ သိလို့လား" အခန်းထဲမှ မြှူဆွယ်သံပါသော အမျိုးသမီး အသံထွက်လာသည်။ ထိုအသံမှာ သူမ၏ ဒုတိယတပည့် မူဝမ်အာ၏ အသံဖြစ်ကြောင်း လင်ယွန်း ချက်ချင်း သိလိုက်သည်။

ဟားဟားဟား... မင်းရဲ့ ဆရာမက မင်းလောက်တော့ မတော်ပါဘူးဒါပေမဲ့ သူက ခိုင်းတာ အကုန်လုပ်တဲ့ အောင်အမြတ်လေးပဲ။ ငါ ဘာခိုင်းခိုင်း သူက ငြင်းတာမဟုတ်ဘူး

အဲ့ဒီတုန်းက အရသာကိုပြန်တွေးမိတိုင်း ငါ တကယ် လွမ်းမိတယ်။ ဘယ်တော့မှ ပြန်ခံစားရဦးမလဲ မသိဘူး။

အခန်းထဲမှ အတားအဆီးမဲ့သော ရယ်သံကြီး ထွက်ပေါ်လာသည်။ ထိုရယ်သံထဲတွင် မောက်မာမှုနှင့် ရိုင်းစိုင်းမှုများ ပြည့်နှက်နေသည်။

ဟွန်း အဲ့ဒီ ဆေးလုံးသာ မပါရင် အဲ့ဒီအဘွားကြီးက ဒီလောက် လိမ်မာပါ့မလား။

ပြောရရင် ရှင်ကတော့ တကယ်ကို အစွမ်းကုန် ကြိုးစားခဲ့တာပဲ။ အဲ့ဒီအဘွားကြီးကို ရဖို့အတွက် မိစ္ဆာမျိုးနွယ်နဲ့တောင် ပူးပေါင်းခဲ့တာကိုး။ အဲ့ဒီ ဝိညာဉ်ဝါးမျိုမှုန့်က ဈေးကြီးမှာပဲ မဟုတ်လား။

အခန်းထဲက အမျိုးသမီးက မနာလိုသံ၊ ဒေါသသံတို့ဖြင့် ပြောလိုက်သည်။

"ဟုတ်တယ် တန်ဖိုးက တကယ့်ကို မသေးဘူး ငါ့ရဲ့ ဘိုးဘွားပိုင် ဝိညာဉ်ကျောက်စိမ်းကိုတောင်ပေါင်နှံပြီး အဲ့ဒီ ဝိညာဉ်ဝါးမျိုမှုန့်ကို ဝယ်ခဲ့ရတာ" ယဲ့ဖန်က နှမြောတသဟန်ဖြင့် ပြောလိုက်သည်။

အဲ့ဒီအဘွားကြီးကတော့ သနားစရာပဲ သူမက အသက်အန္တရာယ်ရှိတဲ့ အဆိပ်မိနေပြီး အပျိုစင်ဘဝ ပေးဆပ်မှပဲ ပျောက်မယ်လို့ ထင်နေရှာတာ တကယ်တော့ သူဟာ အဲ့ဒီ ကြောက်စရာကောင်းတဲ့ ဝိညာဉ်ဝါးမျိုမှုန့်ကြောင့် စိတ်တွေ၊ ကိုယ်တွေ၊ ကျင့်ကြံအဆင့်တွေ အကုန် ရှုပ်ထွေးသွားခဲ့တာပဲ။

အဲ့ဒီအချိန်မှာ ရှင်က မိုးပေါ်က ကျလာတဲ့ သူရဲကောင်းလို ဟန်ဆောင်ပြီး ပေါ်လာတော့ သူက ရှင့်ရင်ခွင်ထဲကို သူ့ဘာသာသူ တိုးဝင်လာခဲ့တာပေါ့။ တကယ့်ကို ပြောင်မြောက်တဲ့ အကြံအစည်ပဲ မူဝမ်အာက မချိုမချဉ် လေသံဖြင့် ဆိုသည်။

ဖြန်း...

မင်းကတော့ တကယ့် မြေခွေးမလေးပဲ အခုကျတော့ မနာလို ဖြစ်နေတာလား အဲ့ဒီတုန်းက သူမဘယ်သွားမလဲ ဘယ်လမ်းက ပြန်လာမလဲဆိုတာ မင်းပဲ ငါ့ကို ပြောပြခဲ့တာ မဟုတ်လား မင်းသာ အတွင်းလူအဖြစ် မကူညီရင် ငါက သူ့နေရာကို ဒီလောက် တိတိကျကျ ဘယ်လို သိမှာလဲ။

"ဟားဟားဟား"

အခန်းထဲမှ ပါးရိုက်သံနှင့်အတူ ယဲ့ဖန်၏ အားရပါးရ ရယ်သံ ထွက်ပေါ်လာသည်။

"ရှင် တောင်ပေါ်ကို စရောက်ကတည်းက ကျွန်မရှင့်ကို သဘောကျခဲ့တာ ရှင်ကသာ ကျွန်မကို အခွင့်အရေး မပေးခဲ့တာ။ ကျွန်မသာ ပရိယာယ် မသုံးခဲ့ရင် ရှင်က ကျွန်မကို ဘယ်တော့ သတိထားမိမှာလဲ" မူဝမ်အာက နှုတ်ခမ်းစူပြီး စိတ်ကောက်ဟန်ဖြင့် ပြောလိုက်သည်။

"ဟားဟားဟား... ငါ ပြောသားပဲ မင်းက အမြင်ရှိသားပဲလို့ မင်းရဲ့ဆရာမ နဲ့ စီနီယာအစ်မ တို့လို မဟုတ်ဘူး သူတို့ကတော့ ဒီသခင်လေးက ကိုယ်တိုင် အကွက်ဆင်မှပဲ ငါ့ခြေဖဝါးအောက် ဒူးထောက်လာကြတာ။

မင်းရဲ့ စီနီယာအစ်မနဲ့ကော ဘယ်လိုလဲ ဘယ်တော့ အကွက်စမလဲ ငါ ပြင်ဆင်ထားတာ ကြာပြီနော်။

ယဲ့ဖန်က မူဝမ်အာ၏ မေးစေ့ကို ကိုင်ကာ ရူးသွပ်စွာ ရယ်မောလိုက်သည်။

"ရှင်ကတော့ တကယ် လောဘကြီးတာပဲ။ ကျွန်မက ရှင့်ကို ပြုစုနေတာတောင် တခြားလူအကြောင်း တွေးနေသေးတယ် ကျွန်မ တကယ် စိတ်ဆိုးတော့မှာနော်" မူဝမ်အာက မကျေမနပ်ဖြစ်ဟန် ပြလိုက်သည်။

"ဟားဟားဟား... သာမန် အလှအပတွေက ငါ့ရဲ့ဝမ်အာလေးနဲ့ ဘယ်လိုယှဉ်နိုင်မှာလဲ ဝမ်အာလေးကမှ ငါ တကယ်ချစ်တဲ့သူပါ"

အဲ့ဒီ လိမ်ညာတဲ့ စကားတွေနဲ့ ကျွန်မကို လာမဖြားယောင်းနဲ့ ရှင့်ရဲ့တကယ့်အချစ်က လင်းကျောင်လန် မဟုတ်လား။

သူက ရှင့်ကို သေသေချာချာ စောင့်ကြည့်နေတာ ရှင့်မှာ မိန်းမ ဘယ်နှစ်ယောက်ရှိလဲဆိုတာ သူ အကုန်စုံစမ်းနိုင်တယ်နော်။

မူဝမ်အာက "သွား... သရဲကိုပဲ သွားလိမ်ချေ" ဟူသော ပုံစံဖြင့် ပြောလိုက်သည်။

လန်အာက ဒီရက်ပိုင်း အတော်လေး စိတ်ရှုပ်စရာ ကောင်းနေတာ အမှန်ပဲ သူ့ကို ဆုံးမရမယ့်အချိန်ရောက်ပြီ။ သူသာ ဒီလို ဆက်လုပ်နေရင် အိမ်သူသက်ထား ရာထူးကို မင်းကိုပဲ ပေးလိုက်တော့မယ် ယဲ့ဖန်က မူဝမ်အာ၏ ဆံပင်တွေကို ပွတ်သပ်ရင်း ပြုံးကာ ပြောလိုက်သည်။

သို့သော်လည်း တံခါးအပြင်ဘက်မှာ အစအဆုံး ကြားနေရသည့် နတ်သမီး လင်ယွန်းကတော့ လုံးဝ မှင်တက်နေပြီ ဖြစ်သည်။

သူမ ဘာတွေ ကြားလိုက်ရတာလဲ ဝိညာဉ်ဝါးမျိုမှုန့်လား ဒါဆို အဲ့ဒီတုန်းက သူမ မိခဲ့တာက ဝိညာဉ်ဝါးမျိုမှုန့်ပေါ့။ မဆန်းပါဘူး၊ အဲ့ဒီတုန်းက သူမရဲ့စိတ်တွေက ဝိညာဉ်လွင့်နေသလိုမျိုး လုံးဝရှုပ်ထွေးနေခဲ့တာ။

ပြီးတော့ ယဲ့ဖန်က သူမကို ရဖို့အတွက် မိစ္ဆာမျိုးနွယ်နဲ့တောင် ပူးပေါင်းခဲ့တာလား ဒါဟာ လူသားမျိုးနွယ်အပေါ် သစ္စာဖောက်တဲ့ ရာဇဝတ်မှုပဲ။

မိမိသမီးအရင်းလို ဂရုစိုက်ခဲ့တဲ့ မူဝမ်အာကလည်း သူမကို နောက်ကွယ်မှာ အကွက်ဆင်ခဲ့ရုံတင်မက အဘွားကြီးလို့တောင် ခေါ်ခဲ့တာလား။

နတ်သမီး လင်ယွင်၏ ရင်ဘတ်မှာ ပြင်းထန်စွာ နိမ့်ချည်မြင့်ချည် ဖြစ်လာတော့သည်။

"ယဲ့ဖန်... နင်ဟာ လူယုတ်မာပဲ မူဝမ်အာ... နင်ဟာ ဆရာသစ္စာဖောက် တပည့်မပဲ" ဒုန်းခနဲ မြည်သံနှင့်အတူ သစ်သားတံခါးကြီးကို နတ်သမီး လင်ယွင် ကန်ဖွင့်လိုက်သည်။

သူမ မြင်လိုက်ရသည်မှာ အဝတ်အစား မလုံမလဲ ဖြစ်နေသည့် ယဲ့ဖန်နှင့် မူဝမ်အာပင်

"ဆ... ဆရာမ" မူဝမ်အာသည် အနားရှိ အဝတ်များကို အမြန်ဆွဲယူကာ ကိုယ်ကို ဖုံးလိုက်ပြီး လင်ယွန်းကို ထိတ်လန့်တကြား ကြည့်နေတော့သည်။

ယဲ့ဖန်ကတော့ အေးအေးဆေးဆေးပင် အဝတ်အစားများကို ပြန်ဝတ်လိုက်ပြီး လင်ယွန်းကို စိုက်ကြည့်လိုက်သည်။

"စီနီယာအဒေါ် လင်ယွင်... ခင်ဗျက တောင်နောက်ဘက်မှာ မဟာအကြီးအကဲ ယွီရှင်းကို ပြုစုနေတာ မဟုတ်လား ဘာလို့ ဒီကို ရောက်လာတာလဲ"

ယဲ့ဖန်က အေးဆေးတည်ငြိမ်သော မျက်နှာဖြင့် ပြုံးကာ မေးလိုက်သည်။

"ငါ နင့်ကို သတ်မယ်" နတ်သမီး လင်ယွင်ရုတ်တရက် ပေါက်ကွဲထွက်သွားပြီး သူမ၏ လက်ဖဝါးမှ ငွေရောင် ဝိညာဉ်စွမ်းအားများ ထွက်ပေါ်လာကာ ယဲ့ဖန်၏ ရင်ဘတ်ကို ပြင်းထန်စွာ ရိုက်နှက်လိုက်သည်။

သို့သော် ယဲ့ဖန်၏ ရင်ဘတ်မှ ဝိညာဉ်အလင်းတစ်ခု ထွက်ပေါ်လာပြီး လင်ယွင်၏ တိုက်ခိုက်မှုကို ခုခံလိုက်သည်။

"စီနီယာအဒေါ်... စိတ်မလောပါနဲ့ဦး။ ငါတို့က တစ်ညတာ ချစ်ကျွမ်းဝင်ခဲ့ကြတဲ့သူတွေပဲ။ အခုဆို ငါတို့က မိသားစုလို ဖြစ်နေပြီပဲ ဘာလို့ လက်နက်တွေ သုံးနေမှာလဲ"

ယဲ့ဖန်က သူ၏ ရင်ဘတ်က ဖုန်တွေကို အသာခါချရင်း ခပ်ပြုံးပြုံး ပြောလိုက်သည်။

ဘယ်သူက နင်နဲ့ မိသားစုလဲ ယဲ့ဖန်... နင်ဟာ ငါ့ရဲ့အပျိုစင်ဘဝကို ခိုးယူခဲ့ပြီး ငါ့ရဲ့ ဂုဏ်သိက္ခာကို ဖျက်ဆီးခဲ့တယ်။ ဒီနေ့တော့ နင့်ကို ငါ အပြတ်ရှင်းမယ် နတ်သမီး လင်ယွန်း၏မျက်ဝန်းများမှာ မီးတောက်မတတ် ဖြစ်နေပြီး ယဲ့ဖန်ကို စူးစိုက်ကြည့်နေသည်။

ခင်ဗျ ကြိုးစားကြည့်ပြီးပြီပဲ ခင်ဗျမှာ ကျွန်ေတာ်ကို ထိခိုက်အောင် လုပ်နိုင်တဲ့ အစွမ်းမရှိဘူး ပြီးတော့ ခင်ဗျမလှုပ်ရှားခင် ဒါလေးကို အရင်ကြည့်လိုက်ဦး။

ယဲ့ဖန်က ခပ်ပြုံးပြုံးဖြင့် သူ၏ ရင်ခွင်ထဲမှ ကျောက်စိမ်းပုံဆောင်ခဲတစ်ခုကို ထုတ်ယူကာ လင်ယွင်ရှေ့သို့ ပစ်ပေးလိုက်သည်။

လင်ယွန်းက ထိုကျောက်စိမ်းကို လေထဲတွင် ဖမ်းယူလိုက်သည်။ သူမ၏ အာရုံခံစားမှု နှင့် အထဲက အကြောင်းအရာကို ကြည့်လိုက်သောအခါ သူမ၏ မျက်နှာမှာ ချက်ချင်းပင် ပြာနှမ်းသွားတော့သည်။

ဟုတ်တယ် ဒါဟာ ခင်ဗျနဲ့ ကျွန်တော်နဲ့ ပျော်ပါးနေခဲ့စဉ်က ကျန်ရစ်ခဲ့တဲ့ အဖိုးတန် ပုံရိပ်တွေပဲ။ အကယ်၍ ခင်ဗျ ကျွန်တော်ကို ဆက်ပြီး တိုက်ခိုက်နေမယ်ဆိုရင် ဒီပစ္စည်းက လူ့လောကထဲကို ကျင့်ကြံခြင်းလောကရဲ့ လေလံပွဲတွေထဲကို မရောက်သွားဘူးလို့ ငါ အာမမခံနိုင်ဘူးနော်။

ယဲ့ဖန်က သူ၏ မေးစေ့ကို ကိုင်ကာ ခပ်ပြုံးပြုံး ကြည့်နေသည်။ သူက လင်ယွင်ကို လူပြက်တစ်ယောက်လို ကြည့်နေခြင်း ဖြစ်သည်။

"နင်... နင်ဟာ တကယ့် လူယုတ်မာပဲ ငါ... ငါ နင့်ကို သတ်မယ်" နတ်သမီး လင်ယွင်သည် ထိုကျောက်စိမ်းကို ချက်ချင်း ချေဖျက်ပစ်လိုက်ပြီး ယဲ့ဖန်ကို နောက်တစ်ကြိမ် ထပ်မံ တိုက်ခိုက်ပြန်သည်။

သို့သော်လည်း ရလဒ်က အတူတူပင် ဖြစ်သည်။ ယဲ့ဖန်ကို အနည်းငယ်မျှပင် ထိခိုက်အောင် မလုပ်နိုင်ခဲ့ပေ။

အခု ခင်ဗျကို ရွေးချယ်စရာ နှစ်ခု ပေးမယ်။ ပထမတစ်ခုက ကျင့်ကြံခြင်းလောကက လူအားလုံးကို ခင်ဗျရဲ့ နူးညံ့လှပတဲ့ ဟန်ပန် တွေကို အားရပါးရ ကြည့်ရှုခွင့်ပေးလိုက်ဖို့

ဒုတိယတစ်ခုကတော့ အခုကစပြီး ခင်ဗျဟာ ကျွန်ေတာ်ရဲ့ မိန်းမပဲ။

ခင်ဗျသာ ကျွန်ေတာ်ကို စိတ်မချမ်းသာအောင် လုပ်ရင် ဒီပုံရိပ်တွေကို တစ်လောကလုံး သိအောင် ကြေညာပစ်မယ်။

နောက်ထပ် ကျောက်စိမ်းပုံဆောင်ခဲ တစ်ခု ယဲ့ဖန်၏ လက်ထဲတွင် ပေါ်လာပြန်သည်။ သူက နတ်သမီး လင်ယွင်ကို လှောင်ပြုံးဖြင့် ကြည့်နေတော့သည်။