အခန်း (၁၁၂) လူသားမျိုးနွယ်၏သတ်ကွင်း

"ရွှမ်း" ထက်ရှသော ဓားအလင်းတန်းတစ်ခုမှာ ရှောင်ချီ၏ ရင်ဘတ်ဆီသို့ တည့်တည့်မတ်မတ် ပြေးဝင်သွားသည် တပည့်မများအားလုံး ရှောင်ချီ တစ်ခုခု ပြန်လုပ်တော့မည်ဟု ထင်နေစဉ်မှာပင် လူတိုင်းကို အံ့အားသင့်သွားစေမည့် မြင်ကွင်းတစ်ခု သူတို့ရှေ့တွင် ပေါ်လာတော့သည်။

စွပ်... လူသားအသားကို ဓားဖောက်ဝင်သွားသည့် အသံ ထွက်ပေါ်လာသည်။ ဓားဦးဖျားမှာ ရှောင်ချီ၏ နှလုံးသားနေရာကို တည့်တည့်မတ်မတ် ထိမှန်သွားခြင်းပင်။

"အား..." နင်ယိုဝေသည် ထိတ်လန့်တကြား အော်ဟစ်လိုက်ပြီး လက်ထဲမှ ဓားရှည်ကို မြေပြင်ပေါ်သို့ ပစ်ချလိုက်သည်။

ရှောင်ချီက တကယ်ပဲ ပြန်မခုခံဘဲ သူမ ခုတ်တာကို ဒီအတိုင်း ငြိမ်ခံနေလိမ့်မည်ဟု သူမ တစ်ခါမှ မတွေးမိခဲ့ပေ။

"ညီမလေးယိုဝေ အခုရော မင်းရဲ့ဒေါသတွေ ပြေသွားပြီလား ငါ့ရဲ့တူမတော် တပည့်မလေးတို့ရော ဒေါသတွေ ပြေကြပြီလား" ဓားဦးဖျားမှာ အသားထဲသို့ အနည်းငယ်သာ နစ်ဝင်သွားခြင်း ဖြစ်သည်။ ဤဒဏ်ရာလေးမှာ ရှောင်ချီအတွက်တော့ ခြင်ကိုက်တာလောက်ပင် မထူးခြားလှပေ။

သို့သော် ယခုအချိန်တွင်မူ သူသည် အားနည်းပြီး စိတ်နှလုံး ကြေကွဲနေသည့် ပုံစံမျိုးကို ပညာပါပါ ဟန်ဆောင်လိုက်သည်။

"အစ်ကို ဘာလို့ မရှောင်တာလဲ" နင်ယိုဝေသည် ရှောင်ချီနှင့် သူ၏ သွေးထွက်နေသော ရင်ဘတ်ကို အံ့အားသင့်စွာ ကြည့်နေမိသည်။

"အဲ့ဒီနေ့က ငါ တကယ်ပဲ မဆင်မခြင် လုပ်မိခဲ့လို့ ​ေကျာက်စိမ်းကညာဂိုဏ်း မျက်နှာပျက်ခဲ့ရတာပါ။ မင်းတို့ ရင်ထဲက ဒေါသတွေကို ငါ နားလည်ပါတယ်။ ဒီနေ့တော့ ဒါကို ငါ့ရဲ့ အကြွေးဆပ်တာလို့ပဲ သတ်မှတ်လိုက်ပါ" 

ရှောင်ချီက တစ်ဖက်သားကို ငဲ့ညှာသော ပညာရှင်ကြီးတစ်ဦးကဲ့သို့ ပြုံးပြလိုက်သည်။

တပည့်မများမှာ တစ်ယောက်ကိုတစ်ယောက် ကြည့်လိုက်ကြပြီးနောက် သူတို့၏ မာန်မာနရှိသော ခေါင်းများကို တစ်ယောက်ပြီးတစ်ယောက် ငုံ့လိုက်ကြတော့သည်။

ရှောင်ချီက ဤသို့ ပြောလိုက်သည့်အတွက် သူတို့ကသာ သဘောထားသေးသိမ်သူများ ဖြစ်သွားသလို ခံစားလိုက်ရသောကြောင့်ပင်။

"တော်ပြီ အဲ့ဒီနေ့က ငါတို့ရဲ့ ကျင့်စဉ်ကလည်း မပြည့်စုံသေးလို့ပါ စီနီယာအစ်ကိုကြီးကိုပဲ အပြစ်တင်လို့ မရပါဘူး ဒီနေ့ကစပြီး ငါနဲ့ သူတော်စင်မ လင်လုံတို့က အာမခံပါတယ်။ ရှောင်ချီနဲ့ ငါတို့ကျောက်စိမ်းကညာ ဂိုဏ်းကြားက ရန်ငြိုးတွေအားလုံးကို ဒီမှာတင် အဆုံးသတ်လိုက်ပြီ"

နင်ယိုဝေ သက်ပြင်းချလိုက်ပြီး မြေပြင်ပေါ်မှ ဓားရှည်ကို ပြန်ကောက်ကာ သွေးစွန်းနေသည်များကို သုတ်လိုက်ပြီး ဓားအိမ်ထဲ ပြန်ထည့်လိုက်သည်။

"စီနီယာအစ်မရဲ့ အမိန့်ကို နာခံပါ့မယ်" တပည့်မများမှာ ဓားကို ဆုပ်ကိုင်လျက် ညီညာစွာ အလေးပြုလိုက်ကြသည်။

ယုလင်လုံ၏ မျက်နှာမှာ အနည်းငယ် မကျေမနပ် ဖြစ်သွားသည်။ သူမ စောစောက အလားတူ စကားမျိုး ပြောခဲ့သော်လည်း တပည့်များမှာ မလုပ်ရဲရုံသာ ရှိပြီး ရင်ထဲမှာတော့ လက်မခံနိုင်သေးမှန်း သိသာလှသည်။

သို့သော် နင်ယိုဝေ စကားပြောလိုက်သည်နှင့် တပည့်များအားလုံး ချက်ချင်း လက်ခံသွားကြသည်။ သူမက သူတော်စင်မ ဖြစ်ပါလျက်နှင့် ဒီတပည့်မတွေရဲ့ စိတ်ထဲမှာ ဘယ်လိုနေရာမျိုး ရထားတာလဲ

"စီနီယာအစ်မလင်လုံ ယိုဝေ စည်းကျော်မိသွားပါတယ် အပြစ်ပေးတာကို ခံယူဖို့ အဆင်သင့်ပါပဲ" ကိစ္စများ ပြေလည်သွားသည့်အခါ နင်ယိုဝေသည် ယုလင်လုံ၏ ရှေ့သို့ လာကာ ဒူးထောက်လျက် သူမ၏ ဓားရှည်ကို လက်နှစ်ဖက်ဖြင့် မြှောက်ကာ ရိုးသားစွာ တောင်းပန်လိုက်သည်။

ယုလင်လုံသည် ဒူးထောက်ကာ အပြစ်ပေးခံရန် စောင့်နေသော နင်ယိုဝေကို ကြည့်ရင်း သူမ၏ မကျေမနပ် ဖြစ်နေသော စိတ်များမှာ အတော်လေး လျော့ပါးသွားရသည်။

နင်ယိုဝေသည် လူမှုဆက်ဆံရေးကို တကယ်ကို ကျွမ်းကျင်လှသည်ဟု ဆိုရမည်။ သူမသည် တပည့်များ၏ ထောက်ခံမှုကို ရယူနိုင်ရုံတင်မကဘဲ သူတော်စင်မဖြစ်သော သူမကိုလည်း အကျပ်ရိုက်အောင် မလုပ်ခဲ့ပေ။

ဂျူနီယာညီမလေး ယိုဝေ မင်းကလည်း နောက်နေပြန်ပြီ မင်းက ဂိုဏ်းအတွက် စဉ်းစားပေးတာပဲလေ မင်းကိုယ်တိုင်လည်း ဒီကိစ္စကို ဆက်မပြောတော့ဘူးလို့ ဆိုမှတော့ နောင်ကို ဘယ်သူမှ ဒီအကြောင်း ထပ်မပြောကြနဲ့တော့

ယုလင်လုံ၏ မျက်နှာမှာ ပြန်လည် ကြည်လင်သွားပြီး နင်ယိုဝေကို တွဲထူပေးလိုက်သည်။ သူမ၏ စကားမှာ နင်ယိုဝေကို ပြောခြင်း ဖြစ်သော်လည်း ရောက်ရှိနေသော တပည့်အားလုံးကို သတိပေးလိုက်ခြင်းလည်းဖြစ်သည်။

​ေကျာက်စိမ်းကညာဂိုဏ်းတွင် သူတော်စင်မ၏ အဆင့်အတန်းမှာ အလွန်မြင့်မားပြီး ဂိုဏ်းချုပ်ပြီးလျှင် ဒုတိယဖြစ်သည်။

ထို့ကြောင့် မည်သည့်အချိန် မည်သည့်နေရာတွင်မဆို ဂိုဏ်းတပည့်များသည် သူတော်စင်မ၏ ဂုဏ်သိက္ခာကို စောင့်ထိန်းကြရမည် ဖြစ်သည်။

"သူတော်စင်မရဲ့ အမိန့်ကို နာခံပါ့မယ်" တပည့်များက သူတော်စင်မကို တစ်ခါ ထပ်မံ အလေးပြုလိုက်ကြသည်။

ဒီဖြစ်ရပ်လေးပြီးနောက် သင်္ဘောပေါ်ရှိ အခြေအနေမှာ ချက်ချင်းပင် သိသိသာသာ ပြေလျော့သွားတော့သည် ထို့နောက်တွင်တော့ ရှောင်ချီကို လာရောက် နှောင့်ယှက်သည့် ယုနုဂိုဏ်း တပည့်မ တစ်ယောက်မှ မရှိတော့ပေ။

နောက်ထပ် နှစ်ရက်ခန့်အကြာတွင် ထိုဝိညာဉ်သင်္ဘောကြီးသည် မဟာဝေနိုင်ငံ၏ နယ်စပ် လူသားမိစ္ဆာ စစ်မြေပြင်ဟု ခေါ်သော နေရာသို့ နောက်ဆုံးတွင် ရောက်ရှိလာတော့သည်။

ဤတိုက်ကြီးသည် တစ်ခါမှ ငြိမ်းချမ်းမှု မရှိခဲ့ပေ မိစ္ဆာမျိုးနွယ်များ၏ ကျူးကျော်လိုသော ဆန္ဒမှာလည်း ဘယ်တော့မှ မပျောက်ကွယ်သွားခဲ့ပေ။

မဟာဝေနိုင်ငံသားများ အေးချမ်းစွာ နေထိုင်နိုင်ခြင်းမှာ အသက်ကို ပဓာနမထားဘဲ ဤမြေကို ကာကွယ်နေကြသည့် နယ်ခြားစောင့် စစ်သည်များကြောင့် ဖြစ်သလို ဂိုဏ်းကြီးခုနစ်ဂိုဏ်းမှ နှစ်စဉ်နှစ်တိုင်း အစွမ်းထက်သော ကျင့်ကြံသူများကို နယ်စပ်စောင့်ရန် စေလွှတ်ပေးနေခြင်းကြောင့်လည်းဖြစ်သည်။

"ရှောင် ဘိုးဘေးဆရာကြီး ရှေ့မှာက ငါတို့ကျောက်စိမ်းကညာဂိုဏ်းရဲ့ စောင့်ကြပ်တဲ့ နယ်မြေပါ" ဤဝိညာဉ်သင်္ဘောကို လာရောက် ကြိုဆိုသူမှာ အသက် ၄၀ ဝန်းကျင်ခန့်ရှိသော အလတ်တန်းစား အမျိုးသမီး ကျင့်ကြံသူတစ်ဦးဖြစ်သည်။

ငယ်ရွယ်သော ရှောင်ချီကို ကြည့်ကာ သူမသည် ခေါ်ရခက်ခက် ဖြစ်နေပုံရသည်။

အဆင့်အတန်း အလွန်မြင့်မားသော အမျိုးသား ကျင့်ကြံသူတစ်ဦးသည် မိစ္ဆာစစ်သည်များကို နှိမ်နင်းရာတွင် ကူညီရန် လာလိမ့်မည်ဟု ဂိုဏ်းမှ သတင်းပို့ထားပြီးသား ဖြစ်သည်။

အကယ်၍ ဂိုဏ်းချုပ်နှင့် ရွယ်တူဖြစ်သော ဝါရင့်အကြီးအကဲ မဟုတ်ပါက ရှောင်ချီကို ဘိုးဘေးဆရာကြီးသို့မဟုတ် ဘိုးဘေးဟု ခေါ်ဆိုကြရမည်ဖြစ်သည်။

နောက်ဆုံးတော့ ရှောင်ချီရဲ့ အဆင့်အတန်းက ငြင်းလို့မရပါဘူး ဂိုဏ်းချုပ်တောင်မှ ရှောင်ချီကို ဦးလေးတော်လို့ ခေါ်ရပြီး အကြီးအကဲချုပ်ကလည်း ဂျူနီယာညီအစ်ကိုလို့ ခေါ်ရတာကိုး။

ဒီသာမန် တပည့်တွေကတော့ စည်းကျော်ဖို့ ဘယ်ဝံ့ပါ့မလဲ။

ရှောင်ချီသည် စစ်မြေပြင်အနီးက ယမ်းငွေ့နံ့များနှင့် သတ်ဖြတ်ခြင်း အငွေ့အသက်များကို ရှူရှိုက်မိသည့်အခါ မသက်မသာဖြင့် နှာခေါင်းကို ရှုံ့လိုက်မိသည်။

ဒီစစ်မြေပြင်ရဲ့ နေရာတိုင်းမှာ ရက်စက်မှုတွေ ပြည့်နှက်နေတာပဲ လူတွေရဲ့ လက်ခြေအပြတ်တွေ ခန္ဓာကိုယ် အပိုင်းအစတွေအပြင် မိစ္ဆာသားရဲတွေရဲ့ အလောင်းတွေကိုလည်း ခဏခဏ မြင်နေရသည်။

မိစ္ဆာမျိုးနွယ်ဆိုတာကတော့ ဒီလိုသတ္တဝါဆိုးတွေကို လူသားတွေက စုပေါင်းခေါ်တဲ့ နာမည်ပါ။

သူတို့ရဲ့ခေါင်းမှာ ဦးချိုနှစ်ခုပါပြီး ရုပ်ဆိုးကာ ခန္ဓာကိုယ်ကနေ ထူးဆန်းတဲ့ အနက်ရောင်အငွေ့တွေ ထွက်နေတတ်ပါတယ်။

သူတို့ရဲ့ ပုံစံက မိစ္ဆာလမ်းစဉ်ကို လိုက်စားတဲ့ လူသားတွေနဲ့ အများကြီး ဆင်တူတာကြောင့် သူတို့ကို မိစ္ဆာမျိုးနွယ်လို့ နာမည်ပေးထားတာပါ။

ဒီသတ္တဝါတွေမှာ သန်မာတဲ့ ရုပ်ခန္ဓာနဲ့ ကြီးမားတဲ့ ခွန်အားတွေ ရှိကြပါတယ်။ ကျင့်စဉ်အဆင့် တူတူမှာဆိုရင် လူသားကျင့်ကြံသူ လေးငါးယောက် ပေါင်းတာတောင် မိစ္ဆာတစ်ယောက်ကို နိုင်ဖို့ မလွယ်ပါဘူး။

ဒီလူသားမိစ္ဆာ စစ်မြေပြင်ဆိုတာ တကယ်တော့ လူသားတွေရဲ့ အသက်တွေကို ပုံအောပြီး တိုက်နေရတဲ့ နေရာပါပဲ။

မိစ္ဆာစစ်သည် ၃ ယောက်လောက်ပါတဲ့ အဖွဲ့လေးတစ်ခုကို ရှင်းဖို့အတွက် လူသားဘက်က အသက်ပေါင်း ၂၀၀ နီးပါး စတေးရတတ်ပါတယ်။

ဒါတောင်မှ ဒီစစ်မြေပြင်ကို မိစ္ဆာမျိုးနွယ်တွေရဲ့ အပိတ်ခံနယ်မြေလို့ ခေါ်ကြပြီး မိစ္ဆာမြို့တော်ကို နှစ်ပေါင်း တစ်သောင်းတိုင်တိုင် ပိတ်ဆို့ထားနိုင်ခဲ့တာပါ။

ဒါဟာ လူသားမျိုးနွယ်ရဲ့ ဇွဲလုံ့လနဲ့ ငါတို့ ဘိုးဘေးတွေရဲ့ သတ္တိကို ပြသနေတာပါပဲ။

ရှောင်ချီ နင်ယိုဝေနှင့် ယုလင်လုံတို့သည် ရှေ့ဆုံးမှ လျှောက်လာကြပြီး သူတို့အနောက်တွင် တပည့်ပေါင်း ၂၀ ကျော် လိုက်ပါလာကြသည်။

ဝိညာဉ်သင်္ဘောကြီးမှာတော့ လူတိုင်းရဲ့ ခေါင်းပေါ်မှာ ဝဲပျံနေဆဲဖြစ်ပြီး သိမ်းဆည်းခြင်းအိတ်ထဲကို မထည့်ရသေးပါဘူး။

ဒါက အကြောင်းရင်း နှစ်ခုရှိပါတယ်။ ပထမတစ်ခုကတော့ မိစ္ဆာမျိုးနွယ်တွေနဲ့ တခြားဂိုဏ်းက လူတွေကို ခြိမ်းခြောက်ဖို့ ဖြစ်ပြီး ဒုတိယတစ်ခုကတော့ ​ကျောက်စိမ်းကညာဂိုဏ်းကနေ စစ်ကူအသစ်တွေ ရောက်လာပြီဆိုတာကို ပြသဖို့အတွက် ဖြစ်ပါတယ်။

ဂိုဏ်းကြီးခုနစ်ဂိုဏ်းသာမက အလတ်တန်းစား ဂိုဏ်းအချို့သည်လည်း နှစ်စဉ်နှစ်တိုင်း လူသား-မိစ္ဆာ စစ်မြေပြင်သို့ ကျင့်ကြံသူများကို စေလွှတ်ကြရသည်။

အချို့ကတော့ မိမိသဘောနဲ့ သွားကြတာဖြစ်သလို အချို့ကတော့ မဖြစ်မနေ သွားကြရတာပါ။

ဒါဟာ လူသားမျိုးနွယ်ရဲ့ သံမဏိစည်းကမ်းဖြစ်ပြီး ဘယ်ဂိုဏ်းမှ မဖောက်ဖျက်ရဲပါဘူး။ 

ဒီမြေပေါ်မှာ ဆက်ပြီး ရှင်သန်ချင်ရင် ဒီစစ်မြေပြင်ကို ကောင်းကောင်း စောင့်ရှောက်ရပါမယ်။

မိစ္ဆာတွေသာ ကျူးကျော်ဝင်ရောက်လာရင် သူတို့ကို စောင့်ကြိုနေမှာကအစုလိုက်အပြုံလိုက် သတ်ဖြတ်ခံရမှုနဲ့ မျှော်လင့်ချက်မဲ့ခြင်းတွေပဲ ဖြစ်လိမ့်မယ်။

ဒီစစ်မြေပြင်ကို မလာချင်တဲ့သူတွေ ရှိရင်တောင် ဘာမှမတတ်နိုင်ပါဘူး။ မဟာဝေနိုင်ငံကို တည်ထောင်ကတည်းက လူသားကျင့်ကြံသူတွေဟာ နယ်စပ်ကို စုပေါင်းကာကွယ်ဖို့ ပဋိညာဉ်ကို ရေးထိုးခဲ့ကြတာပါ။

ဂိုဏ်းသေးသည်ဖြစ်စေ ကြီးသည်ဖြစ်စေ အတွင်းရေး ရန်ငြိုးတွေ ဘယ်လောက်ရှိရှိ နယ်စပ်ကိုတော့ မဖြစ်မနေ ကာကွယ်ရပါမယ်။

မဟာဝေနိုင်ငံရဲ့ စစ်သည်တွေအပါအဝင် ဒီနယ်စပ်မှာရှိတဲ့ အမြဲတမ်းစစ်တပ်ဟာ ၃၀၀,၀၀၀ ဝန်းကျင် ရှိပါတယ်။

အကယ်၍ မိစ္ဆာမျိုးနွယ်တွေက အကြီးအကျယ် တိုက်ခိုက်လာရင်တော့ ဂိုဏ်းကြီးတွေနဲ့ မဟာဝေနိုင်ငံ စစ်တပ်ဆီကနေ အင်အားတွေ ထပ်မံ ဖြည့်တင်းသွားရမှာပါ။

ဒါပေမဲ့ အန္တရာယ်ရှိတဲ့ နေရာမှာ အခွင့်အရေးလည်း ရှိပါတယ်။ ဒီလူသား-မိစ္ဆာ စစ်မြေပြင်ဟာ နာမည်ဂုဏ်သတင်း တည်ဆောက်ဖို့အတွက် ထူးမြတ်သောနယ်မြေတစ်ခုလည်း ဖြစ်ပါတယ်။

ယဲ့ဖန်မှာ အခုလို ထောက်ခံသူတွေ အများကြီး ရှိနေတာဟာ ဒီလူသား-မိစ္ဆာ စစ်မြေပြင်မှာ နာမည်တစ်လုံး ရခဲ့လို့ပါပဲ ဒါကြောင့် ကျင့်ကြံသူ အများအပြားက သူ့ကို ယုံကြည်နေကြတာပါ။

မကြာခင်မှာပဲ ရှောင်ချီဟာ ​ေကျာက်စိမ်းကညာဂိုဏ်းရဲ့ စခန်းကို ရောက်ရှိလာတော့သည်။

စခန်းလို့ ခေါ်ပေမဲ့လည်း နေ့စဉ်နဲ့အမျှ တည်ဆောက်ခဲ့တာကြောင့် အခုဆိုရင် ကျင့်ကြံသူတွေ နေထိုင်နိုင်တဲ့ ရွာကြီးတစ်ရွာလို ဖြစ်နေပါပြီ။

"သတ်" ရှောင်ချီ ဒီနယ်မြေထဲကို ရောက်လိုက်တာနဲ့ မိုးကြိုးပစ်သလို ပြင်းထန်ပြီး ထက်ရှတဲ့ အော်ဟစ်သံကြီးကို ကြားလိုက်ရတယ်။

ချပ်ဝတ်တန်ဆာတွေ ဝတ်ထားတဲ့ အမျိုးသမီး ကျင့်ကြံသူ အုပ်စုတစ်စုဟာ ကွင်းပြင်ထဲမှာ တိုက်ခိုက်ရေး နည်းစနစ်တွေကို လေ့ကျင့်နေကြတာပဲ ဖြစ်ပါတယ်။