အခန်း (၁၀၈)  ဘိုးဘွားကြီးကိုယ်တိုင် ပေါ်လာခြင်း

"ဝိညာဉ်ဓားဂိုဏ်းရဲ့ တပည့်တွေ အားလုံး ငါ့အမိန့်ကို နာခံကြစမ်း မိစ္ဆာသတ် အစီအရင်ကြီးကို တည်ဆောက်ကြ ဒီနေ့ ဒီအဘိုးကြီးက ဒီမိစ္ဆာခေါင်းဆောင်ကို အပြီးသတ် ချေမှုန်းပစ်မယ်" ဂိုဏ်းချုပ် ဝူတောက်ဇီက သူ၏ လက်အင်္ကျီကို ခါယမ်းလိုက်ရင်း ပြတ်သားစွာ အော်ဟစ်လိုက်သည်။

သူသည် လက်ရှိတွင် ဂိုဏ်းချုပ် မဟုတ်တော့သော်လည်း သူ၏ အရှိန်အဝါက ကျန်ရှိနေဆဲ ဖြစ်သဖြင့် တပည့်အများအပြားမှာ သူ၏ အမိန့်ကို မလွန်ဆန်ရဲကြပေ။

ဝိညာဉ်ဓားဂိုဏ်း၏ တပည့်များမှာ ချက်ချင်းပင် ရှေ့သို့ တိုးလာကြသည် အင်အားကြီးသူ အားနည်းသူ စုစုပေါင်း တပည့် ၈၀၀ နီးပါး ရှိသည်။

အားအနည်းဆုံးသူမှာ ချီသန့်စင်ခြင်းအဆင့်သာ ရှိသော်လည်း အသန်မာဆုံးသူမှာ ဝိညာဉ်ပြောင်းလဲခြင်းအဆင့်အထိ ရှိကြသည်။

သူတို့သည် အစီအစဉ်တကျ ရပ်လိုက်ကြပြီး ခဏအတွင်းမှာပင် ခန့်ညားထည်ဝါလှသော အစီအရင်ကြီးတစ်ခု ဖြစ်ပေါ်လာတော့သည်။

"သတ် သတ် သတ်" ဆိုသော အော်ဟစ်သံများမှာ ဝိညာဉ်ဓားဂိုဏ်း၏ ကောင်းကင်ယံတစ်ခုလုံးတွင် ပြည့်နှက်သွားသည်။

ယခုအချိန်တွင် တစ်ကိုယ်တော် ကျင့်ကြံသူအများအပြားမှာ ဆုတ်ခွာရန် စဉ်းစားနေကြပြီဖြစ်ပြီး ဂိုဏ်း၏ လမ်းကြားလေးများမှတစ်ဆင့် ဝိညာဉ်ဓားဂိုဏ်း၏ နယ်မြေအတွင်းမှ ထွက်ခွာနေကြပြီ ဖြစ်သည်။

သို့သော်လည်း အစွမ်းအနည်းငယ်ရှိသော ကျင့်ကြံသူအချို့မှာမူ သူတို့၏ သတ္တိကို အားကိုးကာ ဒီပွဲကောင်းကို ဆက်ကြည့်ရန် ဆုံးဖြတ်လိုက်ကြသည်။

ဒီလို ခမ်းနားတဲ့ မြင်ကွင်းမျိုးက သာမန်ရက်တွေမှာ မြင်နိုင်တာ မဟုတ်ဘူးလေ ဒါကို ကျင့်ကြံခြင်းလောကရဲ့ မော်ကွန်းဝင် လက်ရာတစ်ခုလို့တောင် ခေါ်လို့ရပါတယ်။

ဒီမှာသာ အခြေအနေကို သေချာမကြည့်သွားရရင် တစ်သက်လုံး နောင်တရနေရမှာ အမှန်ပဲ။

ဒါပေမဲ့ ဒီတိုက်ပွဲကို ကြည့်ချင်ရင်တော့ ပေးဆပ်ရမယ့် တန်ဖိုးလည်း ရှိပါတယ်။ အခုဆိုရင် ရင်ပြင်ပတ်ဝန်းကျင်မှာ တစ်ကိုယ်တော် ကျင့်ကြံသူ အများအပြားရဲ့ အလောင်းတွေ ပြန့်ကျဲနေပြီ။

သူတို့က ခုနက တိုက်ပွဲရဲ့ ရိုက်ခတ်မှုတွေကြားထဲမှာ မလွတ်ဘဲ အသက်ဆုံးရှုံးသွားခဲ့ရသူတွေ ဖြစ်သည်။

ကျိန်းချီ နှင့် လင်ယွီတို့သည်လည်း ဘယ်အချိန်ကတည်းက ရောက်နေသည်မသိဘဲ ဂိုဏ်းချုပ် ဝူတောက်ဇီ၏ အနောက်တွင် နေရာယူထားကြပြီ ဖြစ်သည်။

ဝိညာဉ်ဓားဂိုဏ်း၏ အသန်မာဆုံး တိုက်ခိုက်ရေးသမားများ ဖြစ်သည့်အတွက် သူတို့သည် ဂိုဏ်း၏ ထောက်ပံ့မှုကို အမြဲရရှိနေသူများ ဖြစ်သည်။ ထို့ကြောင့် ဤကဲ့သို့ အရေးကြီးသော အချိန်တွင် သူတို့ ရှေ့ထွက်လာကြရခြင်းပင်။

ရှောင်ချီက ခပ်ဖျော့ဖျော့ ပြုံးလိုက်ပြီး သူ၏ ခန္ဓာကိုယ်ပေါ်မှ ဝိညာဉ်စွမ်းအားများကို အရှိန်အဟုန်ဖြင့် မြှင့်တင်လိုက်သည်။

သူသည် ဝိညာဉ်ပြောင်းလဲခြင်းအဆင့်နှင့် ဝိညာဉ်မဲ့ဘုံကြားက အတားအဆီးကို အချိန်တိုအတွင်း ချိုးဖျက်ပြီး ကောင်းကင်ဘေးဒုက္ခကို ဆင့်ခေါ်ရန် ကြံရွယ်ထားသည်။

ဝိညာဉ်ဓားဂိုဏ်းကို အမြစ်ပြတ် မချေမှုန်းနိုင်ရင်တောင် သူတို့ကို အထိနာအောင်တော့ လုပ်နိုင်ပါတယ်။

အဲ့ဒီနောက်မှာ သူတို့တွေ ပြင်ပအင်အားစုတွေကို ခုခံတဲ့နေရာမှာ အနှောင့်အယှက် ဖြစ်သွားလိမ့်မယ်။ ဒါဟာ သူ့ရဲ့ သွယ်ဝိုက်သော ကလဲ့စားချေမှုလို့လည်း ဆိုနိုင်ပါတယ်။

ဒါပေမဲ့ ဒီလိုလုပ်တာဟာ သူကိုယ်တိုင်လည်း အသက်ရှင်ဖို့ အခွင့်အရေး ၂၀ ရာခိုင်နှုန်းပဲ ရှိတော့တာမို့ အရှုံးပေါ်မယ့် အလုပ်တစ်ခုလို ဖြစ်နေသည်။

အဓိက အကြောင်းရင်းကတော့ ရှောင်ချီဟာ လက်ရှိမှာ အခြေအနေ သိပ်မကောင်းသလို မိုးကြိုးဘေးဒုက္ခကို ခံနိုင်ရည်ရှိဖို့လည်း ယုံကြည်ချက် သိပ်မရှိတာကြောင့်ပါ။

ဒါ့အပြင် တခြားသူတွေကို ဘေးဒုက္ခထဲ ဆွဲသွင်းတာဟာ ကောင်းကင်လမ်းစဉ်က ခွင့်မပြုတဲ့ လုပ်ရပ်ဖြစ်ပါတယ်။ ဒီလိုသာ လုပ်လိုက်ရင် ကောင်းကင်လမ်းစဉ်ရဲ့ မိုးကြိုးဘေးဒုက္ခဟာ ပိုပြီးတော့တောင် ပြင်းထန်လာပါလိမ့်မယ်။

"ဒီဆင်းရဲသား ကျင့်ကြံသူရဲ့တပည့်ကို ဘယ်သူက နိုင်ထက်စီးနင်း လုပ်ရဲတာလဲ" အိုမင်းရင့်ရော်သော အသံတစ်ခု ဝိညာဉ်ဓားဂိုဏ်း၏ အထက်တွင် ပဲ့တင်ထပ်သွားသည်။

ချက်ချင်းဆိုသလိုပင် ရွှေရောင်အလင်းတန်းများမှ ဖြစ်ပေါ်လာသော ဝိညာဉ်စွမ်းအင် ပုံရိပ်ယောင်တစ်ခု ရှောင်ချီ၏ ဘေးတွင် ပေါ်လာသည်။ ထိုရွှေရောင် ပုံရိပ်ယောင်က ရှောင်ချီ၏ ပုခုံးပေါ်သို့ လက်တစ်ဖက်ကို ဖြည်းညင်းစွာ တင်လိုက်သည်။

ရှောင်ချီ၏ ခန္ဓာကိုယ်ပေါ်တွင် လှိုင်းထနေသော ဝိညာဉ်စွမ်းအင်များမှာ ချက်ချင်း ငြိမ်သက်သွားသည်။ သူ ကျော်ဖြတ်တော့မည့် ကျင့်စဉ်အဆင့်၏ အတားအဆီးများမှာလည်း ဤစွမ်းအားဖြင့် ဖိနှိပ်ခြင်း ခံလိုက်ရသည်။

"မင်းရဲ ကျင့်စဉ်အဆင့်ကို အတင်းအဓမ္မ ချိုးဖျက်တာဟာ မင်းရဲ့ အခြေခံကို ပျက်စီးစေရုံတင်မကဘူး ဆင့်ခေါ်လိုက်တဲ့ ကောင်းကင်ဘေးဒုက္ခက မင်းရဲ့ အသက်ကိုပါ ယူသွားလိမ့်မယ်။ မင်းက ဘယ်လိုလုပ် ဒီလောက်တောင် မဆင်မခြင် လုပ်ရဲတာလဲ ငါ့တပည့်လေး"

ရွှေရောင် ပုံရိပ်ယောင်က ဖြည်းဖြည်းချင်း ပြောလိုက်သည်။ အသံထဲတွင် အပြစ်တင်သည့် လေသံ ပါဝင်နေသော်လည်း ရှောင်ချီအနေဖြင့် ထိုအထဲက စိုးရိမ်ပူပန်မှုကို ကြားနိုင်ပါသည်။

"ဆရာ... ဆရာက ကျွန်တော့်ကို ကူညီဖို့ ရောက်လာတာလား" ရှောင်ချီ၏ အသံတွင် အံ့အားသင့်မှုနှင့် ဝမ်းသာမှုများ ရောယှက်နေသည်။ သူ အမည်ခံထားရတဲ့ ဒီဆရာက သူ့အတွက်နဲ့ ဒီအဆင့်အထိ လုပ်ပေးလိမ့်မယ်လို့ သူ တကယ် မထင်ထားခဲ့ဘူး။

နောက်ဆုံးတော့ မင်းက ငါလက်ခံထားတဲ့ တပည့်တစ်ယောက်ပဲလေ ဒါကြောင့် ငါ ဝင်ပါရတော့မှာပေါ့။ ဒါပေမဲ့ မင်းရဲ့ စိတ်နေစိတ်ထားက တကယ်ကို မတည်ငြိမ်လွန်းဘူး။

 မင်းက ဒီလောက်ပြဿနာရှာတတ်မှန်း သိရင် အဲ့ဒီတုန်းက ငါ မင်းကို တပည့်အဖြစ် လက်ခံခဲ့မှာ မဟုတ်ဘူး။

ဒီအဘွားကြီး တောင်ပေါ်ကနေ မဆင်းလာတာ နှစ်ပေါင်း ရာနဲ့ချီနေပြီ အခုတော့ မင်းအတွက်ကြောင့်နဲ့ ချွင်းချက်အနေနဲ့ လာခဲ့ရတာပဲ။

ဒါက ပုံရိပ်ယောင်ကိုယ်ပွားတစ်ခုပဲ ဆိုပေမဲ့ စည်းကမ်းကို ဖောက်ဖျက်တာပါပဲ" ရွှေရောင်ပုံရိပ်က သက်ပြင်းအရှည်ကြီး ချလိုက်သည်။

သူမ တောင်ပေါ်မှဆင်းလာရသည့် ကိစ္စအပေါ် စိတ်ထဲတွင် တစ်ခုခု ဖြစ်နေပုံရသည်။

"စီနီယာကြီး ဒါက ကျွန်တော်တို့ ဝိညာဉ်ဓားဂိုဏ်းရဲ့ ပြည်တွင်းရေးပါ။ စီနီယာအနေနဲ့ တကယ်ပဲ ဝင်ပါမှာလား" နန်းဆောင်အတွင်းမှ အသံတစ်ခု ထွက်ပေါ်လာသည်။ ယွီရှောက်ဇီနောက်ဆုံးတော့ ရှေ့ထွက်လာခဲ့ပြီ။

"ငါ့ရဲ့ တပည့်ကို မင်းတို့အားလုံးက ဒီအတိုင်း နှိပ်စက်လို့ မရဘူး မဟုတ်ရင် ဒီအဘွားကြီးရဲ့ မျက်နှာကို ထောက်ထားပြီး ဒီကိစ္စကို ဒီမှာတင် အဆုံးသတ်လိုက်ကြရအောင်" ရွှေရောင်ပုံရိပ်ယောင်က လေပေါ်မှာ လျှောက်လာတဲ့ ယွီရှောက်ဇီကို ကြည့်ပြီး တည်ငြိမ်တဲ့ လေသံနဲ့ ပြောလိုက်သည်။

စီနီယာ... ဒါက စီနီယာက အင်အားသုံးပြီး တခြားသူတွေကို နှိပ်စက်နေတာ မဟုတ်ဘူးလား ရှောင်ချီဟာ အဲ့ဒီတုန်းက ကျွန်တော်တို့ ဝိညာဉ်ဓားဂိုဏ်းဝင် ဒါဇင်ပေါင်းများစွာကို သတ်ဖြတ်ခဲ့တာပါ သူဟာ နောက်ဆုံးမှာ နယ်နိမိတ်ချိုးဖျက် ကျောက်စိမ်းပြားကို သုံးပြီး ဂိုဏ်းကနေ ထွက်ပြေးသွားခဲ့တယ်။

ကျွန်တော်တို့ဂိုဏ်းက သူ့ကို ဖမ်းဝရမ်း

ထုတ်ထားတာ ကြာလှပြီ ပြီးတော့ ရှောင်ချီကို ကာကွယ်ပေးတဲ့သူဟာ ကျွန်တော်တို့ ဝိညာဉ်ဓားဂိုဏ်းကို ဆန့်ကျင်တာပဲလို့ ရှင်းရှင်းလင်းလင်း ပြောထားပြီးသား။

အခု သူက ဝိညာဉ်ဓားဂိုဏ်းထဲကို နောက်တစ်ခါ ပြန်ဝင်လာရဲသေးတယ်။ ကျင့်ကြံဖော်အားလုံးရဲ့ ရှေ့မှာတင် ကျွန်တော်တို့ ဝိညာဉ်ဓားဂိုဏ်းရဲ့ ဂိုဏ်းချုပ်ကို ပြင်းပြင်းထန်ထန် ဒဏ်ရာရအောင် လုပ်ခဲ့တယ်။

ဒီလို အပြစ်တွေက ရေတွက်လို့တောင် မကုန်နိုင်ပါဘူး။ စီနီယာက သူ့ကို ကာကွယ်ပေးဦးမှာလား။

ယွီရှောက်ဇီက သူ၏ မျက်မှောင်ကို ကြုတ်လိုက်ပြီး ဟင်းလင်းပြင်ထဲက ရွှေရောင်ပုံရိပ်ယောင်ကို မကျေမနပ် ကြည့်ရင်း ပြောလိုက်သည်။

အကယ်၍ ငါ့တပည့်မှာ အမှားတစ်ခုခု ရှိနေတယ်ဆိုရင် အဲ့ဒါက ဆရာဖြစ်တဲ့ ငါကပဲ အပြစ်ပေးရမယ့် ကိစ္စပဲ။

အရင်တုန်းက ဘယ်သူမှန်တယ် ဘယ်သူမှားတယ် ဆိုတာကိုတော့ ဒီအဘွားကြီးက အများကြီး မပြောချင်တော့ဘူး မင်းတို့ ဝိညာဉ်ဓားဂိုဏ်းက အသုံးမကျလွန်းတာပဲ ရှိတာ။

ငါ့တပည့်က ဝိညာဉ်ပြောင်းလဲခြင်းအဆင့် ရှိတဲ့ ကျင့်ကြံသူလေး တစ်ယောက်ပဲ ရှိသေးတာကို မင်းတို့ တစ်ဂိုဏ်းလုံးက အင်အားတွေ သုံးတာတောင် သူ့ကို မဖမ်းနိုင်ခဲ့ဘူး။

အဲ့ဒီအစား သူက မင်းတို့လူ ဒါဇင်ပေါင်းများစွာကို သတ်သွားခဲ့သေးတယ်။ ဒီလိုဂိုဏ်းမျိုးက တကယ်ကို သနားစရာကောင်းလိုက်တာ ဒီအဘွားကြီးရဲ့ အမြင်အရဆိုရင် ဒီလိုဂိုဏ်းမျိုးက ဆက်ပြီး ရှိနေဖို့တောင် မလိုတော့ဘူး။

အဘွားကြီး... မင်း လွန်လွန်းနေပြီ ပုံရိပ်ယောင်လေး တစ်ခုကများ ငါတို့ ဝိညာဉ်ဓားဂိုဏ်းမှာ လာပြီး သောင်းကျန်းရဲတယ်ပေါ့ မင်း ငါတို့ဂိုဏ်းက ပညာရှင်တွေကို အထင်သေးလွန်းနေပြီ ကျိန်းချီက ဒေါသတကြီး အော်ဟစ်လိုက်သည်။

သူသည် သူ၏ လက်ဖဝါးကို အသာအယာ မြှောက်လိုက်ပြီး လက်ညှိုးကို ဓားကဲ့သို့ သုံးလိုက်သည်။ ဓားချီတစ်ခုမှာ ကောင်းကင်ကို ခွဲထုတ်ပြီး ရွှေရောင်ပုံရိပ်ယောင်ဆီသို့ ခုတ်ပိုင်းလိုက်တော့သည်။

ဒီနေ့ခေတ် လူငယ်တွေက တကယ်ပဲ အဆင့်အတန်း မသိကြတာပဲ ဒီအဘွားကြီးက အရင်ကလို ဒေါသတွေ မာန်မာနတွေကို စွန့်လွှတ်လိုက်တာ ကြာပါပြီ။

မဟုတ်ရင် အဘွားကြီးလို့ ခေါ်လိုက်တဲ့ မင်းရဲ့ စကားတစ်ခွန်းတည်းနဲ့တင် မင်းအလောင်းဖြစ်နေလောက်ပြီ။

 ရွှေရောင်ပုံရိပ်ယောင်က သက်ပြင်းချလိုက်ပြီး ကာကွယ်ရန်အတွက် လက်ဖဝါးကို အသာအယာ မြှောက်လိုက်သည်။

ထိုဓားချီမှာ မမြင်ရသော အတားအဆီးတစ်ခုနှင့် တွေ့သွားသကဲ့သို့ မည်သို့ပင် ကြိုးစားပါစေ လက်တစ်လုံးစာပင် ရှေ့သို့ မတိုးနိုင်တော့ပေ။

ရွှေရောင်ပုံရိပ်ယောင်က လက်ကို ဖြည်းဖြည်းချင်း ဆန့်ထုတ်လိုက်ပြီး ထိုပြင်းထန်သော ဓားချီကို အသာအယာ ဆုပ်ကိုင်လိုက်သည် တစ်ချိန်က ကြောက်မက်ဖွယ်ကောင်းသော ထိုဓားချီမှာ လက်ဖဝါးနှင့် ထိတွေ့လိုက်သည်နှင့် ဆောင်းရာသီက နှင်းပွင့်များကဲ့သို့ အရည်ပျော် ပျောက်ကွယ်သွားတော့သည်။

"အား..." ဒါပေမဲ့ ဒါက မပြီးသေးပါဘူး။ ထိုဓားချီကို ထုတ်လွှတ်ခဲ့တဲ့ ကျိန်းချီဟာ သူ့ရဲ့ ခန္ဓာကိုယ်ထဲမှာ ပြင်းထန်တဲ့ နာကျင်မှုကို ရုတ်တရက် ခံစားလိုက်ရတယ် ဝိညာဉ်စွမ်းအားတွေက အတွင်းထဲကနေ ပေါက်ကွဲထွက်လာတာပဲ။

ဘုန်း... ပြင်းထန်တဲ့ ပေါက်ကွဲသံနဲ့အတူ ကျိန်းချီရဲ့ ဝမ်းဗိုက်မှာ သွေးတွေ ထွက်နေတဲ့ အပေါက်ကြီးတစ်ခု ရုတ်တရက် ပွင့်ထွက်သွားတယ်။

ကံကောင်းတာက သူ့ရဲ့ ကျင့်စဉ်က နက်ရှိုင်းပြီး ဒဏ်ရာက သိပ်မပြင်းထန်တာကြောင့်ပါ။ ကျိန်းချီဟာ သူ့ရဲ့ ရုပ်ခန္ဓာက ဒဏ်ရာတွေကို ကုသဖို့အတွက် ချက်ချင်းပဲ တင်ပလ္လင်ခွေ ထိုင်လိုက်ရပါတယ်။

စီနီယာ... ဒါက လွန်လွန်းမနေဘူးလား ကျွန်တော့်ညီက သူ့ရဲ့စိတ်ထဲက ဒေါသကို ထုတ်ဖော်ရုံလေးတင်ပါ။ သူ့ကို ဒီလောက်အထိ ဒဏ်ရာရအောင် လုပ်ဖို့ လိုလို့လား ယွီရှောက်ဇီက မျက်မှောင်ကြုတ်လိုက်သည်။

သူ ခြေတစ်လှမ်း လှမ်းလိုက်ရုံဖြင့် ကျိန်းချီ၏ ရှေ့တွင် ချက်ချင်း ပေါ်လာသည်။

မင်းလို လူလိမ်ကြီးက အသက်ကြီးလေ ပိုပြီး အဓိပ္ပာယ်မရှိလေ ဖြစ်နေတာပါလာ ဒီလူငယ်က ငါ့ကို အရင်တိုက်ခိုက်ခဲ့တာ ထင်ရှားနေတာပဲ။ ငါက အပြစ်ပေးရုံလေး လုပ်လိုက်တာကို မင်းက အလျှော့မပေးချင်ဘူး ဖြစ်နေတယ်။

ငါ့တပည့်က မင်းတို့ဂိုဏ်းကို ဘာလို့ ပုန်ကန်ခဲ့လဲဆိုတာ အံ့သြစရာမရှိတော့ဘူး မင်းတို့ ဝိညာဉ်ဓားဂိုဏ်းက လူအားလုံးက ဒီလို စိတ်နေစိတ်ထားမျိုး ရှိကြတာလား မင်းတို့က တခြားသူတွေကို တိုက်ခိုက်လို့ ရပေမဲ့ တခြားသူတွေက ပြန်တိုက်ခိုက်ရင်တော့ မှားတယ်ပေါ့လေ။

ယွီရှောက်ဇီက အပြစ်ကို သူမအပေါ် ပုံချဖို့ ကြိုးစားနေတာကို ကြားလိုက်ရတဲ့အခါ ရွှေရောင်ပုံရိပ်ယောင်လည်း ဒေါသထွက်လာတော့သည်။

သူမက ခုနကတင် တော်တော်လေး ထိန်းထားခဲ့တာကို ဒီလူက သူမကို အပြစ်တင်ရဲသေးတယ်။

စီနီယာ ပြောတာ မှန်ပါတယ် ဒါက ကျွန်တော်က တပည့်တွေကို ကောင်းကောင်း မဆုံးမနိုင်ခဲ့လို့ပါ။ ဒါပေမဲ့ စီနီယာရဲ့တပည့် ရှောင်ချီဟာ ကျွန်တော်တို့ဂိုဏ်းရဲ့ သစ္စာဖောက်တစ်ယောက် ဖြစ်သလို ကျွန်တော်တို့ဂိုဏ်းသား အတော်များများကိုလည်း သတ်ခဲ့တဲ့သူပါ။

ဒီအတွက် စီနီယာက ကျွန်တော်တို့ကို ရှင်းပြချက်တစ်ခု ပေးရပါလိမ့်မယ်။

စီနီယာက ကျင့်ကြံခြင်းလောကမှာ ဝါရင့်သူတစ်ယောက် ဖြစ်နေပေမဲ့ မျက်နှာလိုက်လို့တော့ မရဘူးလေ ယွီရှောက်ဇီက ရွှေရောင်ပုံရိပ်ယောင်ကို စကားနဲ့ မယှဉ်နိုင်တော့တာကို သိလိုက်တဲ့အခါ ငြင်းခုံနေတာကို ရပ်လိုက်ပြီး ရှောင်ချီရဲ့ အကြောင်းကိုပဲ ပြန်ပြီး လမ်းကြောင်းလွှဲလိုက်တော့သည်။