အခန်း (၁၀၅)  ရဲ့ဖန်နှင့် အထွတ်အထိပ် တိုက်ပွဲ

"အာရုံမှားဖြိုခွဲခြင်း လှံချက်" ယဲ့ဖန်သည် သူ၏ လှံရှည်ကို ဝှေ့ယမ်းလိုက်ရာ ပတ်ဝန်းကျင်ရှိ ဟင်းလင်းပြင်မှာ ချက်ချင်းပင် စုတ်ပြဲသွားတော့သည် မီတာ တစ်ရာနီးပါး ရှည်လျားသော နဂါးပုံရိပ်ကြီးက ယဲ့​ဖန်ကို လွှမ်းခြုံထားပြီး ရှောင်ချီဆီသို့ ထိုးစိုက်လိုက်သည်။

ဤအချိန်တွင် ယဲ့ဖန်သည် မည်သည့်အရာကိုမျှ ထိန်းမထားတော့ပေ။ သူပြောခဲ့သကဲ့သို့ပင် ယနေ့တွင် သူတို့နှစ်ဦးထဲမှ တစ်ဦးသာ အသက်ရှင်ကျန်ရမည် ဖြစ်သည်။

"မိုးကြိုးနဂါး" ရှောင်ချီ၏ ခန္ဓာကိုယ်ပတ်လည်တွင် လျှပ်စီးများ ဝန်းရံလာသည်။ နောက်ဆုံး မိုးကြိုးနဂါးတစ်ကောင်သည် သူ့ကို ရစ်ပတ်ကာ ယဲ့ဖန်ကို လွှမ်းခြုံထားသော နဂါးကြီးနှင့် ပြင်းထန်စွာ ထိပ်တိုက်တွေ့ဆုံတော့သည်။

ဝုန်း... လျှပ်စီးနှင့် ဝိညာဉ်ချီများ ထိတွေ့လိုက်သည့် အခိုက်အတန့်တွင် ကြောက်မက်ဖွယ်ကောင်းသော နောက်ဆက်တွဲ ရိုက်ခတ်မှုများမှာ ရင်ပြင်တစ်ခုလုံးသို့ ပျံ့နှံ့သွားသည်။

ကျင့်စဉ်နိမ့်ပါးသော တစ်ကိုယ်တော် ကျင့်ကြံသူများနှင့် ဂိုဏ်းငယ်လေးများမှ တပည့်များမှာ ထိုရိုက်ခတ်မှုကြောင့် လွင့်ထွက်ကုန်ကြသည်။

ရင်ပြင်ပေါ်ရှိ ကျောက်ပြားများမှာ တဖြည်းဖြည်း အက်ကွဲလာပြီး နောက်ဆုံးတွင် အမှုန့်ဖြစ်သွားတော့သည်။ ကီလိုမီတာ အတော်များများ ကျယ်ဝန်းသော ကျင်းကြီးတစ်ခုမှာ ရင်ပြင်အလယ်တွင် ပေါ်လာပြီး ထိုကျင်းနက်ကြီးထဲတွင် ယဲ့ဖန်နှင့် ရှောင်ချီတို့မှာ အပြန်အလှန် တိုက်ခိုက်နေကြဆဲ ဖြစ်သည်။

သို့သော် သူတို့နှစ်ဦးစလုံး၏ နဂါးပုံရိပ်များမှာ ပျောက်ကွယ်သွားပြီဖြစ်သည်။ ယဲ့ဖန်က လှံရှည်ကို ကိုင်ထားပြီး ရှောင်ချီက ဓားရှည်ကို ဆုပ်ကိုင်ထားကာ သူတို့ပတ်ဝန်းကျင်တွင် ကြောက်မက်ဖွယ်ကောင်းသော ဝိညာဉ်စွမ်းအားများ လှိုင်းထနေသည်။

လျှပ်စီးစွမ်းအားအချို့မှာ ယဲ့ဖန်၏ အရေပြားကို ဖြတ်တောက်သွားသဖြင့် သွေးစများက သူ၏ ဝတ်စုံတွင် စိုရွှဲနေတော့သည်။

ရှောင်ချီမှာလည်း အခြေအနေ သိပ်မကောင်းလှပေ ဝိညာဉ်စွမ်းအားများက သူ့ကို ဓားချက်များကဲ့သို့ ဖြတ်တောက်နေသည်။

ကံကောင်းသည်မှာ သူ၏ ရုပ်ခန္ဓာက သန်မာသဖြင့် ဤဝိညာဉ်ချီများက သူ့ကို ကြီးကြီးမားမား အနာတရ မဖြစ်စေနိုင်ခြင်းပင်။

သူက အသာစီးမရနိုင်သည်ကို သိလိုက်သဖြင့် ယဲ့ဖန်သည် အနောက်သို့ အမြန်ဆုတ်လိုက်သည် သူသည် ရှောင်ချီကို သံသယမျက်လုံးများဖြင့် ကြည့်လိုက်မိသည်။

အတိတ်တုန်းက သူသည် အမြဲတမ်း မိမိထက် အဆင့်မြင့်သူများကိုသာ ကျော်လွန်တိုက်ခိုက်လာခဲ့ပြီး ထိုခံစားချက်ကို ကျင့်သားရနေခဲ့သည်။

ယခုမှသာ မိမိနှင့် အဆင့်တူ ကျင့်ကြံသူတစ်ဦးထံမှ ကြောက်မက်ဖွယ် ဖိအားမျိုးကို ပထမဆုံးအကြိမ် ခံစားလိုက်ရခြင်း ဖြစ်သည်။

ဒီနှစ်တွေမှာ သူတစ်ယောက်တည်း သန်မာလာတာ မဟုတ်ပုံရဘူး သူ့ရှေ့က ဒီရန်သူတော်ကြီးကလည်း ဒီဆယ်နှစ်အတွင်းမှာ သိသိသာသာ တိုးတက်လာခဲ့တာပဲ။

အရင်က ရှောင်ချီဟာ မိုးကြိုးရေကန်ထဲမှာ ဆယ်နှစ်နေခဲ့ပေမဲ့ အစွမ်းက မလျော့သွားဘဲ ပိုတိုးလာတယ်လို့ ကြားခဲ့ဖူးသည်။

အစကတော့ သူက အထင်သေးခဲ့ပေမဲ့ အခုမှပဲ ဒီလူရဲ့ကြောက်စရာကောင်းပုံကို ကိုယ်တိုင် မြင်လိုက်ရတော့သည်။

ယဲ့ဖန်ကတော့ ဒါကို လက်မခံချင်သေးပါဘူး။ သူက ဒီဆယ်နှစ်လုံးလုံး သေခြင်းနဲ့ ရှင်ခြင်းကြားမှာ အမြဲတမ်း လေ့ကျင့်နေခဲ့တာပါ။ ရှောင်ချီကတော့ ဂူထဲမှာ ဆယ်နှစ်ပဲ အောင်းနေခဲ့တာကို ဘာလို့ သူ့လိုပဲ အစွမ်းထက်နေရတာလဲ။

"ရှောင်ချီ မင်းသတိမထားမိဘူးလား ငါ့ရဲ့ ကျင့်စဉ်အဆင့်က မင်းထက် မနိမ့်တော့ဘူး

အဲ့ဒီတုန်းက မင်းက ကျင့်စဉ်အဆင့် သာတာကို အခွင့်ကောင်းယူပြီး ငါ့ရဲ့ လက်နဲ့ ခြေထောက်ကို အတင်းဖြတ်ခဲ့တာ။ တစ်နေ့မှာ ငါ့ရဲ့ ကျင့်စဉ်အဆင့်က မင်းထက် သာလာလိမ့်မယ်လို့ မင်း တွေးဖူးရဲ့လား"

သို့သော် ယဲ့ဖန်က နှုတ်ကတော့ အရှုံးမပေးပေ။ သူသည် ရှောင်ချီကို စိန်ခေါ်သည့်ပုံစံဖြင့် ကြည့်ကာ အထင်သေးစွာ ပြောလိုက်သည်။

ငါတို့ရဲ့တိုက်ပွဲက ကျင့်စဉ်အဆင့်နဲ့ ဘာမှမဆိုင်ဘူး ပြင်ပအချက်အလက်တွေအကြောင်း ပြောရရင်တော့ မင်းရဲ့လက်စွပ်ထဲက အဘွားကြီးက အရွံစရာအကောင်းဆုံးပဲ။

အဲ့ဒီတုန်းက မင်းသာ သူမရဲ့ အစွမ်းကို မချေးခဲ့ရင် မင်းရဲ့ ဂူဗိမာန်ပေါ်မှာ မြက်တွေတောင် နှစ်မီတာလောက် ရှည်နေလောက်ပြီ။

ရှောင်ချီကတော့ ယဲ့ဖန်၏ စကားအနည်းငယ်ကြောင့် ဒေါသထွက်မည့်သူ မဟုတ်ပေ ယဲ့ဖန်က သူ၏ ကျင့်စဉ်အဆင့်ကို အထင်သေးသကဲ့သို့ ရှောင်ချီကလည်း ယဲ့ဖန်၏ အစွမ်းထက် လျှို့ဝှက်လက်နက်ကို အထင်သေးသည်။

ကမ္ဘာမြေရဲ့ ယဉ်ကျေးမှုအကြောင်း နည်းနည်းလေ့လာပြီးနောက်မှာ ရှောင်ချီက ခံစားချက်တစ်ခုရလာသည်။ သူ့ရဲ့ကံကြမ္မာက အစီအစဉ်ချမှတ်ခံထားရသလိုပဲ သူက နောက်ဆုံးမှာ ယဲ့ဖန်အတွက် နင်းခြေစရာ ကျောက်တုံးတစ်ခု ဖြစ်သွားရမှာလား။

ပြန်လည်မွေးဖွားလာခြင်းကသာ ကောင်းကင်ဘုံကို ဆန့်ကျင်ပြီး ကံကြမ္မာကို ပြောင်းလဲနိုင်မယ့် တစ်ခုတည်းသော အခွင့်အရေးပဲ အကယ်၍ ဒီအခွင့်အရေးကို သူ အမိအရ မဆုပ်ကိုင်နိုင်ရင် ဘယ်တော့မှ နာလန်ထူနိုင်မှာ မဟုတ်တော့ဘူး။

ဟက် ရှောင်ချီ ရုန်းကန်မနေပါနဲ့တော့။ မင်းက ငါ့ရဲ့ပြိုင်ဘက် မဖြစ်နိုင်ပါဘူး ဒီနှစ်တွေမှာ ငါဘာတွေ ကြုံခဲ့ရလဲဆိုတာ မင်း မသိပါဘူး။ငါ့ရဲ့ပါရမီနဲ့ ငါ့ရဲ့ကံတရားက မင်း နှိုင်းယှဉ်လို့ရတဲ့ အရာတွေ မဟုတ်ဘူး။

ယဲ့ဖန်သည် အေးစက်စွာ ရယ်မောလိုက်ပြီးနောက် ခြေဖျားလေးနှင့် အသာအယာ နင်းကာ လေပေါ်သို့ တက်လှမ်းသွားသည်။ သူ၏ လက်ထဲတွင် ခရမ်းရောင် ဘူးသီးခြောက်တစ်ခု ရုတ်တရက် ပေါ်လာသည်။

ယဲ့ဖန်၏ မှော်စွမ်းအားများ လည်ပတ်သွားသည်နှင့် ဘူးဝမှာ ပွင့်သွားပြီး ရှောင်ချီ၏ ပတ်ဝန်းကျင်တွင် ကြောက်မက်ဖွယ်ကောင်းသော စုပ်ယူမှု အင်အားများ ပြန့်နှက်သွားတော့သည်။

ရှောင်ချီသည် သူ၏ ဝိညာဉ်မှာ မတည်မငြိမ် ဖြစ်လာပြီး လက်ကြီးတစ်ဖက်က ဝိညာဉ်ကို ရုပ်ခန္ဓာထဲမှ ဆွဲထုတ်ရန် ကြိုးစားနေသကဲ့သို့ ခံစားလိုက်ရသည်။

"ဟက်... သာမန် မှော်လက်နက်လေးကများ ဒီလောက် သောင်းကျန်းရဲတယ်ပေါ့" ရှောင်ချီ၏ ခန္ဓာကိုယ်ပေါ်တွင် ရွှေရောင်အလင်းတန်းများ တောက်ပလာပြီး သူ၏ ခေါင်းအထက်တွင် ရွှေကြာပန်းတစ်ပွင့် ပေါ်လာသည်။

ထိုရွှေကြာပန်းမှ ထွက်ပေါ်လာသော နူးညံ့သည့် အလင်းတန်းက စုပ်ယူမှု အင်အားကို ချေမှုန်းလိုက်သည်။ ထို့နောက် ရွှေရောင်အလင်းတန်းတစ်ခုက ဝိညာဉ်နှိုက်ဘူးကို တိုက်ရိုက် ထိမှန်သွားတော့သည်။

ဂလန်း... ဘူးသီးခြောက်မှာ အသံမြည်လျက် မြေပြင်ပေါ်သို့ ကျသွားသည်။

ရှောင်ချီသည် လျင်မြန်ဖြတ်လတ်စွာဖြင့် ယဲ့ဖန်၏ ဘေးသို့ ချက်ချင်း ရောက်သွားကာ သူ့ကို ကန်ထုတ်လိုက်သည်။ ထို့နောက် တည်ငြိမ်သော မျက်နှာပေးဖြင့် မြေပြင်ပေါ်မှ ခရမ်းရောင် ဘူးသီးခြောက်ကို ကောက်ယူလိုက်သည်။

"နှမြောစရာပဲ အထဲက မူလဝိညာဉ်အဆီအနှစ်တွေကို စုပ်ယူသွားပြီပဲ" ရှောင်ချီက သက်ပြင်းချလိုက်သည်။ သူ ကြိုတင်ပြင်ဆင်ထားသော်လည်း အနည်းငယ်တော့ စိတ်ပျက်မိသည်မှာ အမှန်ပင်။

"မင်း... မင်း... ကောင်စုတ် ငါ့ရဲ့ မှော်လက်နက်ကို ပြန်ပေးစမ်း" သူ၏ ဝိညာဉ်နှိုက်ဘူးကို ရှောင်ချီက လုယူသွားသည်ကို မြင်သောအခါ ရဲ့ဖန်မှာ ချက်ချင်း ဒေါသထွက်သွားတော့သည်။

မှော်လက်နက်ထဲက မူလဝိညာဉ်အဆီအနှစ်တွေကို သူ စုပ်ယူထားပေမဲ့ ဒီဘူးရဲ့ ကိုယ်ထည်ကလည်း အသုံးဝင်ပုံတွေ အများကြီး ရှိပါသေးသည်။ အနည်းဆုံးတော့ ဒါက မူလဝိညာဉ်အဆီအနှစ်တွေရဲ့ တိုက်ခိုက်ရေးစွမ်းအားကို ၃၀ ရာခိုင်နှုန်းလောက် မြှင့်တင်ပေးနိုင်တာပဲ။

"စကားတွေ အများကြီး ပြောမနေနဲ့ တွေ့တဲ့သူ ပိုင်တာပဲ မင်းအရည်အချင်းရှိရင် ပြန်လာလုကြည့်လေ" ရှောင်ချီသည် ယဲ့ဖန်၏ ရှေ့တွင် ခရမ်းရောင် ဘူးသီးခြောက်ကို မောက်မာစွာ ဝှေ့ယမ်းပြလိုက်သည်။

"မင်း သေချင်နေပြီပဲ" ယဲ့ဖန်၏ လက်ထဲတွင် ဓားမြှောင်တစ်လက် ဘယ်အချိန်ကတည်းက ရောက်နေသည်မသိ ယဲ့ဖန်က ထိုဓားမြှောင်ကို ကိုင်ကာ အသာအယာ ဝှေ့ယမ်းလိုက်ရာ ဟင်းလင်းပြင်ကို တိုက်ရိုက် ဖြတ်တောက်သွားတော့သည်။

နောက်တစ်ခဏတွင် ရှောင်ချီ၏ ရင်ဘတ်ပေါ်၌ တစ်ပေခန့် ရှည်လျားပြီး လက်တစ်ဆစ်ခန့် နက်သော ဒဏ်ရာတစ်ခု ရုတ်တရက် ပေါ်လာသည် ဒဏ်ရာက နက်လွန်းသဖြင့် အတွင်းအင်္ဂါများကိုပင် ဝေဝါးစွာ မြင်နေရသည်။

ဖူး... ရှောင်ချီသည် သွေးတစ်လုပ် အန်ထုတ်လိုက်ရပြီး သူ၏ သန်မာသော ဝိညာဉ်စွမ်းအားကို သုံးကာ ဒဏ်ရာကို ယာယီ ပိတ်လိုက်ရင်း အနောက်သို့ အမြန်ဆုတ်ခွာလိုက်ရသည်။

"စီနီယာအစ်ကိုကြီး..." လူအုပ်ထဲမှ ပုံရိပ်တစ်ခု ရုတ်တရက် ပျံထွက်လာသည်။ လင်ယုရှု သည် အနီရောင် ပိုးဖဲကြိုးကို စီးလျက် ရှောင်ချီ၏ ဘေးသို့ အမြန်ရောက်လာပြီး စိုးရိမ်တကြီးဖြင့် ဖေးမပေးလိုက်သည်။

မူလက လင်ယုရှုနှင့် ယွီလင်လုံတို့ကို နန်းဆောင်အတွင်း၌သာ နေရန် စီစဉ်ထားခြင်း ဖြစ်သည်။

သို့သော် သူမ၏ စီနီယာအစ်ကိုကြီး ပေါ်လာပြီးနောက် လင်ယုရှုသည် သူ၏ ဘေးကင်းရေးအတွက် အမြဲ စိုးရိမ်နေသဖြင့် ယွီလင်လုံကို အတင်းဆွဲကာ ရင်ပြင်အလယ်သို့ လာခဲ့ခြင်း ဖြစ်သည်။

သူမသည် ရှေ့ထွက်ပြီး စကားပြောချင်သော်လည်း မနေ့ညက စီနီယာအစ်ကိုကြီး မှာကြားခဲ့သည်များကို သတိရသဖြင့် မလွန်ဆန်ရဲပေ။ လူအုပ်ထဲကနေပဲ ရှောင်ချီကို တိတ်တဆိတ် ကြည့်နေခဲ့ရခြင်း ဖြစ်သည်။

အခု ရှောင်ချီ ဒဏ်ရာရသွားမှသာ သူမသည် စိုးရိမ်တကြီးဖြင့် လူအုပ်ထဲမှ ပျံထွက်လာခဲ့ခြင်း ဖြစ်သည်။

"အဟွတ်... အဟွတ်... ဘာမှမဖြစ်ပါဘူး အပြင်ပန်း ဒဏ်ရာတွေပါ ခုနက ငါ နည်းနည်း ပေါ့ဆသွားလို့ ရဲ့ဖန်ရဲ့ လှည့်ကွက်ထဲ မိသွားတာ" ရှောင်ချီက အနည်းငယ် ရှက်ကိုးရှက်ကန်းနှင့် ချောင်းဆိုးရင်း ပြောလိုက်သည်။

သူ၏ ခန္ဓာကိုယ်ပေါ်မှ ဒဏ်ရာမှာ သိသိသာသာ မြန်ဆန်သော နှုန်းဖြင့် ပြန်လည် ပျောက်ကင်းနေသည်။ အပြင်သို့ လန်ထွက်နေသော အသားစများမှာ မမြင်ရသော လက်တစ်ဖက်က ပြန်ချုပ်ပေးနေသကဲ့သို့ အလျင်အမြန် ပြန်လည် စေ့သွားတော့သည်။

"ရှောင်ချီ မင်းမှာလည်း မင်း တန်ဖိုးထားရတဲ့လူ ရှိနေတာပဲ မဟုတ်လား ဒီကမ္ဘာပေါ်က အရာအတော်များများက မင်းအတွက် အရေးမကြီးဘူးဆိုပေမဲ့ အခု ငါ တကယ် သိချင်လာပြီ မင်းရှေ့က ဒီအမျိုးသမီးက မင်းမျက်စိရှေ့မှာတင် သေသွားရင် မင်း ဘယ်လို တုံ့ပြန်မလဲလို့ သူမရဲ့ အလောင်းက အပိုင်းပိုင်း ပြတ်နေတာကို ကြည့်ပြီး မင်း အသေအလဲ နာကျင်နေရမလား"

ယဲ့ဖန်သည် လင်ယုရှို့ဘက်သို့ လှည့်ကြည့်လိုက်ရာ သူ၏ မျက်လုံးများတွင် ရွှေရောင်အလင်းတန်းများ ရုတ်တရက် တောက်ပလာသည်။

ရှောင်ချီက သူ့ရှေ့မှာတင် မူဝမ်အာကို သတ်ခဲ့တာပဲ ငါ ရဲ့ဖန်ကလည်း ဒေါသမရှိတဲ့လူ မဟုတ်ဘူး။

အခု ငါ့လက်ကို အသာလေး ဝှေ့ယမ်းလိုက်ရုံနဲ့ ကလဲ့စားချေလို့ ရပြီ ရှောင်ချီရဲ့ နှလုံးကွဲမတတ် နာကျင်နေတဲ့ မျက်နှာကို မြင်ယောင်လိုက်ရုံနဲ့တင် ရဲ့ဖန်ရဲ့ စိတ်ထဲမှာ ပြင်းထန်တဲ့ ကျေနပ်မှုတွေ ဖြစ်ပေါ်လာတော့သည်။