အခန်း (၅၇) ဘယ်လိုကြည့်ကြည့် မရှုံးပါဘူး

ရှားပင်းလီသည် လမ်းပေါရှိ ကျင့်ကြံသူများကို ရွံရှာသော မျက်လုံးများဖြင့်ကြည့်နေပြီး "ဒီပိုးမွှားတွေကို အကုန်သတ်ပစ်ချင်လိုက်တာ" ဟု အေးစက်စွာ ပြောလိုက်သည်။

ကူဟန်သည် သူမ၏ ရက်စက်လှသော စရိုက်မှာ ဖေးရှန်းရှုဆောင်၏ ဆက်ခံသူတစ်ဦးအဖြစ် ရပ်တည်နိုင်ရန် ပတ်ဝန်းကျင်က ဖိအားပေးခဲ့ခြင်းကြောင့်ဖြစ်ကြောင်း နားလည်ပေးကာ သူမကို နှစ်သိမ့်ရန် ကြိုးစားသည်။

"မင်း အခုကစပြီး ငါ့ကိုယုံကြည်လို့ရပြီ ငါ့အပေါ် မှီခိုလို့ရပြီ" ဟု ကူဟန်က နူးညံ့စွာ ပြောလိုက်သောအခါ ရှားပင်းလီမှာ ခဏတာ မှင်သက်သွားသည်။

သို့သော် သူမ၏ဗီလိန်စရိုက်က ချက်ချင်းပြန်ပေါ်လာပြီး ကူဟန်၏ နှုတ်ခမ်းကို လက်ချောင်းလေးဖြင့် ပိတ်ကာ တိုးတိုးလေး ပြောလိုက်သည်။ 

"ငါ့ခွင့်ပြုချက်မရှိဘဲ ငါ့နားက ထွက်သွားဖို့ မစဉ်းစားနဲ့ မဟုတ်ရင် ငါတို့နှစ်ယောက်ကို အမြွှာချစ်ခြင်းအင်းကွက် သုံးပြီး တစ်သက်လုံး ခွဲမရအောင် လုပ်ပစ်မယ်။

ငါ့ကိုယ်ထဲမှာ အမိကောင်ထည့်ပြီး မင်းနှလုံးသားထဲမှာ အဖိုကောင်ထည့်ထားရင် မင်း ငါ့နားက ဘယ်တော့မှ ထွက်သွားလို့ ရမှာမဟုတ်ဘူး"

ကူဟန်သည် သူမ၏ ပြင်းထန်လှသော ပိုင်ဆိုင်လိုစိတ်ကို ကြည့်ပြီး ကျောချမ်းသွားသော်လည်း အမူအရာမပျက် ထိန်းထားနိုင်ခဲ့သည်။

ထို့နောက် ရှားပင်းလီသည် ကူဟန်အတွက် အလွန်တန်ဖိုးရှိသော လက်ဆောင်တစ်ခုကို ပေးအပ်ခဲ့သည်။ ၎င်းမှာ မကြာမီဖွင့်လှစ်တော့မည့် ဗဟိုတိုက်ကြီး လျှို့ဝှက်နယ်မြေ၏ မြေပုံနှင့် အချက်အလက်များ ပါဝင်သော ကျောက်စိမ်းပြားဖြစ်သည်။

ထူးခြားသည်မှာ ထိုလျှို့ဝှက်နယ်မြေတွင် ယခင်က မည်သူမျှ မရောက်ဖူးသေးသော "လျှို့ဝှက်နယ်မြေသစ်" များအကြောင်းကိုပါ ရှားပင်းလီက သူမ၏ အရှိန်အဝါကို သုံးပြီး ဖေးရှန်းရှုဆောင်၏ အင်အားဖြင့် ကြိုတင်စုံစမ်းပေးထားခြင်းဖြစ်သည်။

သူမက ကူဟန်ကို ပြုံးပြရင်း ပြောလိုက်သည်။ 

"ကိုယ့်လူလယ်ထဲကိုယ်ရေသွင်းတာပဲလေငါ့မှာရှိတာတွေကမင်းဟာတွေပဲမင်းရတာကငါရတာနဲ့အတူတူပဲမို့ဘယ်လိုကြည့်ကြည့်မရှုံးပါဘူး။"