အခန်း (၅၄) လက်ဆောင်နှစ်ခုပေးခြင်းက ပျော်ရွှင်မှုကို နှစ်ဆဖြစ်စေတယ်

ယဲ့ချင်းယွမ် အဖမ်းခံလိုက်ရပြီးနောက် ချူးယိုဝေ လျိုယုရန် နှင့် လော့ပိုင်ကျိ တို့သည် အလွန်အမင်း ရှက်ရွံ့အားနာသွားကြသည်။

သူတို့သည် အစ်ကိုကြီး ကူဟန်ကို ခဏတာ သံသယဝင်ခဲ့မိသည့်အတွက် ကူဟန်၏ ပိုမိုစိမ်းကားလာမှုကို ကြောက်ရွံ့နေကြသည်။

သို့သော် ကူဟန်ကတော့ သူတို့ကို ဂရုမစိုက်ဘဲ ရှောင်လင်နှင့်အတူ ထွက်ခွာသွားခဲ့သည်။ စနစ်ကလည်း ယဲ့ချင်းယွမ်၏ စိတ်ဓာတ်ကို ခြောက်ခြားစေခဲ့သည့်အတွက် ကူဟန်ကို ဗီလိန်အမှတ် ၂၀၀၀ ထပ်မံဆုချလိုက်သည်။

ကျန်ရစ်ခဲ့သော ညီမလေးများကြားတွင် သဘောထားကွဲလွဲမှုများ ဖြစ်ပေါ်လာသည်။ လျိုယုရန် နှင့် လော့ပိုင်ကျိ တို့သည် ယဲ့ချင်းယွမ် မတရားစွပ်စွဲခံရခြင်း ဖြစ်နိုင်သည်ဟု ယူဆကာ ကူညီလိုကြသည်။

သူတို့သည် အတိတ်က အစ်ကိုကြီးအပေါ် မှားခဲ့သော အမှားမျိုးကို မထပ်စေရန်အတွက် ယဲ့ချင်းယွမ်ကို ကယ်တင်ခြင်းဖြင့် အာပတ်ဖြေလိုသော စိတ်ရှိနေကြသည်။

သို့သော်လည်း ချူးယိုဝေကတော့ ယခင်ကထက် ပို၍ အမြင်ကျယ်လာသည်။ သူမသည် ယဲ့ချင်းယွမ်၏ စရိုက်မှာ သူမတို့ ထင်သလောက် ရိုးသားဖြူစင်သူမဟုတ်ဘဲ အလွန်ပါးနပ်ကောက်ကျစ်သူဖြစ်ကြောင်း ရိပ်မိလာသည်။ 

အစ်ကိုကြီး၏ နာကျင်စရာ အတိတ်များသည် ယဲ့ချင်းယွမ်နှင့် ဆက်စပ်နေနိုင်သည်ဟု သူမ စတင်သံသယဝင်လာပြီး အမှန်တရားကို ဖော်ထုတ်နိုင်ရန် ပိုမိုအစွမ်းထက်လာအောင် ကြိုးစားမည်ဟု ဆုံးဖြတ်လိုက်သည်။

မြို့စောင့်တပ်စခန်း၏ ခမ်းနားသော ခန်းမအတွင်းတွင် ယဲ့ချင်းယွမ်သည် စစ်ဆေးမေးမြန်းခံနေရသည်။ သူသည် အင်္ကျီစမှာ အကွက်ဆင်ခံရခြင်းဖြစ်ကြောင်းနှင့် ထိုအချိန်တွင် သူသည် သူ၏ ငယ်သူငယ်ချင်း မူလီအာ နှင့် ရှိနေခဲ့ကြောင်း အော်ဟစ်ငြင်းဆိုသည်။

သို့သော်လည်း မြို့စောင့်တပ်မှူး၏ စကားကြောင့် ယဲ့ချင်းယွမ် ဆွံ့အသွားရသည် 

"မင်းကတကယ့်ကိုအရှုံးမပေးချင်သေးဘူးပဲငါတို့မင်းပြောတဲ့မူလီအာကိုစစ်ဆေးပြီးပြီ။သူမကမင်းနဲ့တွေ့ပြီးတာနဲ့အိမ်ကိုတန်းပြန်ခဲ့တာလို့ထွက်ဆိုထားတယ်။မင်းနဲ့အတူမြို့ထဲမှာလည်ပတ်ခဲ့တာမျိုးမရှိဘူးလို့ပြောတယ်"