အခန်း (၄၃) မိစ္ဆာဂိုဏ်းဝင်လို့ ကြိုတင်စွပ်စွဲလာရင်ဘယ်လိုတုံ့ပြန်မလဲ

လျိုယုရန်၏အသိစိတ်မဲ့သော လုပ်ရပ်များကြောင့် ညီအစ်မသုံးဖော်လုံး စိတ်မကောင်းဖြစ်သွားကြသော်လည်း ချူးယိုဝေက အားတင်းကာ သူတို့၏ ယနေ့ရည်ရွယ်ချက်မှာ အစ်ကိုကြီးအတွက် လက်ဆောင်ဝယ်ရန်ဖြစ်ကြောင်း သတိပေးလိုက်သည်။

သူတို့သည် နှစ်နာရီကြာလျှင် ပြန်ဆုံရန် ချိန်းဆိုကာ လမ်းခွဲ၍ လက်ဆောင်ရှာပုံတော် ဖွင့်ကြတော့သည်။

သူတို့၏ အလှအပမှာ ထင်ရှားလွန်းသဖြင့် ဘေးပတ်ဝန်းကျင်ရှိ ကျင့်ကြံသူများက အားကျမနာလို ဖြစ်နေကြသည်။

"ဒီလောက်လှတဲ့ ညီမလေး သုံးယောက်ကို စိတ်ဆိုးရက်တဲ့ အစ်ကိုကြီးက ဘယ်သူလဲ" ဟု ပြောဆိုနေကြစဉ် ကူဟန်က လူအုပ်ထဲမှနေ၍ အေးစက်စွာ ကြည့်နေခဲ့သည်။

သူသည် ထိုကျင့်ကြံသူ၏ မှတ်ချက်ကို နှာခေါင်းရှုံ့ကာ လူမရိပ်မိစေရန် လမ်းထောင့်တစ်ခုသို့ ဝင်လိုက်သည်။

ကူဟန်သည် "ဝိညာဉ်မိစ္ဆာမျက်နှာဖုံး"ကို တပ်ဆင်လိုက်သောအခါ လုံးဝခြားနားသော လူငယ်တစ်ဦးအဖြစ် ပြောင်းလဲသွားသည်။ သူသည် ယဲ့ချင်းယွမ် နှင့် သူ၏ ငယ်သူငယ်ချင်း မူလီအာတို့နောက်သို့ တိတ်တဆိတ် လိုက်ပါရန် ပြင်ဆင်လိုက်သည်။

သူ့တွင် စိတ်ဝင်စားစရာ အစီအစဉ်တစ်ခုရှိနေသည်။ အတိတ်ဘဝတွင် ယဲ့ချင်းယွမ်က သူ့ကို မိစ္ဆာဂိုဏ်း၏သူလျှိုအဖြစ် စွပ်စွဲခဲ့ဖူးသည်။

ယခုဘဝတွင်မူ သူက ယဲ့ချင်းယွမ်ကို မိစ္ဆာဂိုဏ်း၏ သတင်းပေးအဖြစ် ပြန်လည်အကွက်ဆင်ရန် ဆုံးဖြတ်လိုက်သည်။ သူ၏ အမြန်နှုန်းကျင့်စဉ် "ရှင်းဇီလျှို့ဝှက်ချက်" ကြောင့် မည်သူမျှ သူ့ကို ခြေရာခံနိုင်လိမ့်မည်မဟုတ်ပေ။

တစ်ဖက်တွင်မူ လျိုယုရန်သည် အစ်ကိုကြီးအတွက် တခြားတိုက်ကြီးမှ ထူးခြားသော စားသောက်ဖွယ်ရာများနှင့် ဟင်းချက်စရာများကို ဝယ်ယူနေသည်။

သူမသည် အရင်က အမြဲချက်ကျွေးခဲ့သော အစ်ကိုကြီးကို ယခုတစ်ကြိမ်တွင် သူမကိုယ်တိုင် အရသာရှိသော ဟင်းလျာများဖြင့် ပြန်လည်ပြုစုကာ စိတ်ကျေနပ်အောင် လုပ်ပေးချင်နေသည်။

လော့ပိုင်ကျိ သည်လည်း လက်နက်ဆိုင်များတွင် လှည့်လည်ကြည့်ရှုနေသည်။ သူမ ကိုင်ဆောင်နေသော ဓားမှာ အစ်ကိုကြီးက သူမအတွက် နှစ်လကြာအောင် ပင်ပန်းခံ ထုလုပ်ပေးခဲ့ခြင်း ဖြစ်သည်ကို သတိရကာ ရင်ထဲတွင် နာကျင်သွားသည်။

သူမသည် အသင့်အတင့်ရှိသော ဓားများကို ဝယ်မည့်အစား ဓားထုလုပ်ရန် လိုအပ်သည့် အကောင်းဆုံး ကုန်ကြမ်းပစ္စည်းများကို အကုန်အစင် ဝယ်ယူလိုက်သည်။

အစ်ကိုကြီးကသူမအတွက်အကောင်းဆုံးဓားကိုလုပ်ပေးခဲ့သလိုသူမကလည်းအစ်ကိုကြီးအတွက်အကောင်းဆုံးဓားတစ်လက်ကိုကိုယ်တိုင်ထုလုပ်ပေးရန်ဆုံးဖြတ်လိုက်သည်။